(හිරාන් ප්‍රියංකර ජයසිංහ)

හලාවත නගරයට ආසන්නයේ ආරම්භ කිරීමට සුදානම්  සුපිරි එළවළු තොග වෙළදපොල හේතුවෙන් තමන්ට රැකියාවන් අහිමි විමේ අවදානමක් පවතින බව  පවසමින් හලාවත කුඩා පරිමාණ එළවලු වෙළදුන් 500 කට ආසන්න පිරිසක් විරෝධතාවයේ  නිරත වුහ.

මේ වන විට හලාවත වෙළද පොල ආශ්‍රීතව වෙළදාම් කටයුතු වල නිරත වන වෙළදුන් පිරිසක් මෙලෙස විරෝධතාවට එ ක්ව සිටියහ.

ඔවුහු හලාවත ප්‍රධාන එළවළු වෙළද පොල ඉදිරිපිටදි විරෝධතාවයේ යෙදි පාගමනින් හලාවත නගර සභාව ඉදිරියට පැමිණ එම ස්ථානයේ පැය තුනකට ආසන්න කාලයක් තම විරෝධය මතු කිරීම සිදුවු අතර පසුව එම ස්ථානයට පැමිණි ශ්‍රී ලංකා පොදුජන පෙරමුණේ හලාවත ආසන සංවිධායක පාලිත රෝහණ මහතාට මේ සම්බන්ධව ලිපියක් භාර දීම සිදුව තිබුණි.

එහිදි සංවිධායකවරයා විසින් මේ සම්බන්ධව අදාල අංශ සමග සාකච්ජා කර ඒ පිළිබදව කඩිනමින් විසදුමක් ලබා දෙන බවට පොරොන්දු විමේන් පසුව විරෝධතා කරුවන් ඉවත් විම සිදුවිණි.