(සුජිත් හේවාජූලිගේ සහ අජන්ත රත්නායක)

ඩොලර් මිලියන 6.5 නිසා රටක් සමග අමනාප වෙනවා ද, එසේ නොමැති නම් එය සාමකාමීව විසදා ගන්නවා ද යන්න තීරණය කළ යුතුයි , චීන පොහොර සමාගමට වන්දි මුදල් ගෙවීමේ කිසිදු වරදක් තමන් දකින්නේ නැතැයි මහාමාර්ග අමාත්‍ය ජොන්ස්ටන් ප්‍රනාන්දු මහතා අද කුරුණෑගලදී පැවසීය.

ජනතා මුදල් වැයවීමට වඩා ගිවිසුමක් සම්බන්ධ ගැටලුවක් මෙහිදී ඉස්මතු වී තිබෙන්නේ. කැබිනට් මණ්ඩලය විසින් අදාළ මුදල ගෙවිය යුතු බවට තීරණය කර ඇති බව ද පැවසීය. රටවල් සමග වැඩ කිරීමේදී ප්‍රවේශමෙන් වැඩ කළ යුතුයි, 

මෙම ක්‍රියාවලියේ දී යම් වරදක් සිදුවී ඇත්නම් ඒ පිළිබඳව සොයාබැලිය යුතු නමුත් ඊට පෙර රටවල් දෙකක් අතර ඇතිවීමට යන අර්බුදයට විසඳුම් ලබා දිය යුතුයි.  ගිවිසුම් ගතවීමෙන් පසුව යම් වරදක් සිදුවී ඇත්නම් ඒ මුදල ගෙවිය යුතුයි. ඩොලර් මිලියන 6.5 ක් නිසා රටක් සමග අමනාප වෙනවා ද, එසේ නොමැති නම් එය සාමකාමීව විසදා ගන්නවා ද යන්න තීරණය කළ යුතුයි.

රට පුරා සිදුවන ගෑස් පිපිරීම් සම්බන්ධයෙන් මාධ්‍යවේදීන් කළ විමසීමකට පිළිතුරු දුන් ඇමැතිවරයා මෙසේ පැවැසීය

මෙවැනි සිදුවීම්වලට වගකිවයුතු අයට දඬුවම් ලැබිය යුතු බවයි. එක් ගෑස් සමාගමක සභාපතිවරයකු දුරකථනයටවත් පිළිතුරු නොදෙන බවත්, තනතුරු ගත් අය  ඊට අදාළ වගකීම නිසි ලෙස ඉටු කළ යුතු බවත් එසේ නොහැකි නම් ඉල්ලා අස්විය යුතුයි.

මෙම ගැටළුව කඩිනමින් විසඳිය යුතු බවත්, එළැඹෙන නත්තල් හා අලුත් අවුරුදු සමයේදී රට තුළ ගෑස් හිඟයක් ඇති වුවහොත් අදාල සමාගම් ඊට සම්පූර්ණයෙන්ම වගකිව යුතු බවද ඇමැතිවරයා වැඩිදුරටත් පැවසීය.

වයඹ පළාත් සභා සංකීර්ණයේ දී අද පැවති උත්සවයක් අවසානයේ දී , චීන පොහොර සමාගමට මුදල් ගෙවීම සම්බන්ධයෙන් මාධ්‍යවේදීන් කළ විමසීමකට  ඇමතිවරයා මේ බව පැවසුවේය.