(නිමල කොඩිතුවක්කු)

ඊ. ටී. එෆ් සහ ඊ. පී. එෆ් අරමුදලට සීයට 25 ක අධිභාර බද්දක් පැනවිමට විරෝධය පළ කරමින් සමගි ජන බලවෙිගය ජනතාව දැනුවත් කිරීමේ වැඩසටහනක් අද(09) කොළඹ දී පැවැත්වීය.

කොළඹ කොටුව දුමිරියපොල සහ කොම්පඤ්ඤවීදිය දුමිරියපොල අසලදි පැවති මෙම ජනතාව දැනුවත් කිරීමේ වැඩසටහනට සමගාමීව අත්පත්‍රිකා බෙදා හැරීමක් ද සිදු කරනු ලැබීය.

ඔබෙත් මගෙත් අයිතිය (ඊ. ටී. එෆ් සහ ඊ. පී. එෆ්) ආණ්ඩුව හොරා කයි යන තේමාවෙන් මෙම වැඩසටහන සංවිධානය කර තිබිණ.

සමගි ජන බලවේගය මහලේකම් රංජිත් මද්දුමබණ්ඩාර, පාර්ලිමේන්තු මන්ත්‍රීවරුන් වන අශෝක අබේසිංහ, මුජුබර් රහුමාන් යන මහත්වරුන් ඇතුළු පිරිසක් මේ සඳහා එක්ව සිටියහ.

සමගි ජන බලවෙිගය සහ සමගි සේවක සංගමය එක්ව මෙම වැඩසටහන සංවිධානය කර තිබිණ.

(ඡායාරූප ශාන්ත රත්නායක)