කෝවිඩ් වසංගතය හේතුවෙන් ශ්‍රී ලංකාව විශාල ආර්ථික අර්බුදයකට මුහුණ පා සිටින අතර, විදෙස් ශ්‍රමිකයන්ගෙන් ගලා ආ විදේශ විනිමය නතර වී ගොසිනි. විදෙස් සංචිත හිඟ වීම නිසා වාරයේ අත්‍යවශ්‍ය භාණ්ඩ කන්ටේනර මුදා ගත නොහැකි වී ඇති බව ද පැවැසෙයි.

ශ්‍රී ලංකා මුදල් අමාත්‍ය බැසිල් රාජපක්ෂ මහතා බදාදා දින ප්‍රකාශ කර සිටියේ රට මුහුණ දෙන මෙම මුල්‍ය අර්බුදයෙන් ගැලවීම සඳහා තමා  ජාත්‍යන්තර මුල්‍ය අරමුදලෙන් උපදෙස් සහ සහාය ලබා ගැනීමට ලිඛිත ඉල්ලීමක් කළ බවය.

කෙසේ නමුත් ජාත්‍යන්තර අරමුදලේ මෙහෙයුම් ප්‍රධානී මසහිරෝ නොසාකි මහතා ඒ.එෆ්.පී පුවත් සේවයට ලිඛිතව දැනුම් දී ඇත්තේ මෙතෙක් ශ්‍රී ලංකා රජයෙන් මුල්‍ය සහයෝගිතාවයක් අවශ්‍ය බවට ලිඛිත ඉල්ලීමක් ජාත්‍යන්තර අරමුදලට ලැබී නොමැති බවත්, එසේ ලිඛිත ඉල්ලීමක් ලැබුණොත් යා හැකි විකල්ප සම්බන්ධයෙන් තමන් සාකච්ඡා කිරීමට සුදානම් බවත්ය

(විමුක්ති එස් රුද්‍රිගු - ඒ.එෆ්.පී.)