( තිළිණි ද සිල්වා )

ශ්‍රීලංකන් ගුවන් සමාගමේ නව ප්‍රධාන වාණිජ නිලධාරී ලෙස රිචඩ් නටාල් මහතා පත් කර ඇතැයි එම සමාගම අද නිවේදන කළේය.

වහාම ක්‍රියාත්මක වන පරිදි මෙම පත් කිරීම සිදු කළ බවද ශ්‍රී ලංකන් ගුවන් සමාගම කියා සිටී.‍

ගුවන් සේවා ක්ෂේත්‍රයේ වසර 30කට වැඩි පළපුරුද්දක් ඇති විශේෂඥයෙකු වන ඒ මහතා බොහෝ ප්‍රමුඛ ගුවන් සේවා සහ ආයතන කිහිපයකමජ්‍යෙෂ්ඨ කළමනාකාරීත්ව තනතුරු හොබවා ඇත.

තවද මහතාගේ ප්‍රවීණත්වය සහ පළපුරුද්ද ගුවන් සේවා කළමනාකරණය, වර්ධනය, උපාය මාර්ග සංවර්ධනය, ඩිජිටල් උපාය මාර්ග, උපදේශනය, ගෝලීය නායකත්වය, ආදායම් කළමනාකරණය, ජාල සැලසුම්කරණය, ගුවන් සේවා බෙදා හැරීම සහ විකුණුම් යනක්ෂේත්‍ර කිහිපයකම විහිදී පවතී.

රිචඩ් නටාල් මහතා මහාද්වීප 5ක් පුරා ආයතන රැසක ප්‍රධාන විධායක නිලධාරී, ප්‍රධාන වානිජ නිලධාරී සහ අධ්‍යක්ෂ මණ්ඩල සාමාජික තනතුරු හොබවා ඇති අතර ඒ මහතා ආයතන තුළ තිරසාර වර්ධනයක් ඇති කිරීමේ සුවිශේෂී වාර්තා තබමින් අත්දැකීම් සම්භාරයක් සතුව ඇති ප්‍රවීණයෙකි.