රංජිත් රාජපක්ෂ  

                  
තලවකැලේ ලිඳුල නගර සභාවේ සභාපති අශෝක සේපාල මහතා (ස්වාධින) අද (12) එක්සත් ජාතික පක්ෂයේ සමාජිකත්වය ලබා ගත්තේය.

එක්සත් ජාතික පක්ෂ නායක හා අග්‍රාමාත්‍යය රනිල් වික්‍රමසිංහ අතින් පාර්ලිමේන්තු සංකිර්ණයේ දී අශෝක සේපාල මහතා එක්සත් ජාතික පක්ෂයේ සාමාජිකත්වය ලබා ගනු ලැබීය.

අශෝක සේපාල මහතා එක්සත් ජාතික පක්ෂයේ ලිදුල කොට්ඨාස සංවිධායකවරයා වශයෙන් ඉදිරියේ දී  කටයුතු කිරිමට නියමිතය.

ශ්‍රි ලංකා පොදු ජන පෙරමුණේ ජයග්‍රහණය වෙනුවෙන් නුවරඑලිය දිස්ත්‍රික්කයෙන් විශාල මෙහෙවරක් සිදු කල අශෝක සේපාල මහතාට ඉකුත් පළාත් පාලන මැතිවරණයේදි තලවකැලේ ලිඳුල නගර සභාවට තරග කිරිම සදහා ශ්‍රි ලංකා පොදු ජන පෙරමුණෙන් නාම යෝජනා නොලැබිම නිසා අශෝක සේපාල මහතා ස්වාධිනව තරග කර එම නගර සභාවේ සභාපතිවරයා වශයෙන් තේරි පත්විය.

අශෝක සේපාල මහතා එක්සත් ජාතික පක්ෂයේ සමාජිකත්වය ලබා ගන්නා අවස්ථාවට එක්සත් ජාතික පක්ෂයේ ජාතික සංවිධායක සහ වැවිලි කර්මාන්ත අමාත්‍යය නවින් දිසානායක මහතා, නුවරඑලිය මහා නගර සභාවේ නගරාධිපති චන්දනලාල් කරුණාරත්න මහතා ඇතුළු තලවකැලේ ලිඳුල නගර සභාවේ එක්සත් ජාතික පක්ෂයේ නාගරික මන්ත්‍රීවරුන් ද සහභාගී වී සිටියහ.