(ශාන්ත චන්ද්‍රසිරි)

හැටන් - මහනුවර මාර්ගයේ වටවල, කැරොලිනා  ප්‍රදේශයේදී යතුරු පැදියක් මාර්ගය හරහා පෙරලී ගොස් සිදු වු අනතුරකින් තරුණයෙකු ජීවිතක්ෂයට පත්ව ඇතැයි වටවල පොලීසිය පවසයි.

මෙම අනතුරින් ජීවිත්කෂයට පත්ව ඇත්තේ නාවලපිටිය, වැලිගම්පොල, දෙකිඳ ප්‍රදේශයේ පදිංචි අන්තෝනී ඩොමනික් (25) නැමැති තරුණයෙකි.

වටවල ප්‍රදේශයේ පුද්ගලික අයතනයක රැකියාවක නිරත මෙම තරුණයා රැකියාව නිම කොට යතුරු පැදියෙන්නා වලපිටිය ප්‍රදේශයේ පිහිටි නිවසට යමින් සිටියදී යතුරු පැදිය ලිස්සා ගොස් මාර්ගය හරහා පෙරලීයාමෙන් සිදු වු

අනතුරකින් පසුව වටවල රෝහලට ඇතුලත් කිරීමෙන් අනතුරුව ජීවිතක්ෂයට පත්ව තිබේ.

වර්ෂාව සහිත කාලගුණික තත්ත්වය හේතුවෙන් යතුරු පැදියේ වේගය පාලනය කර ගැනීමට නොහැකිව මෙම අනතුර සිදු වන්නට ඇතැයි පොලීසිය කියයි.

අනතුරින් මියගිය තරුණයාගේ මළසිරුර මරණ පරීක්ෂණ කටයුතු සඳහා නාවලපිටිය දිස්ත්‍රික් මහ රෝහලට රැගෙන යාමට පොලීසිය පියවර ගෙන තිබිණි. මේ සම්බන්ධයෙන් වටවල පොලීසිය වැඩිදුර විමර්ශණ කටයුතු සිදු කරනු ලබයි.