(විමුක්ති එස් රුද්‍රිගු)

මානුෂීය මෙහෙයුමට සම්බන්ධ වූ රණවිරුවන්ව ඉලක්ක කරගනිමින් මානව හිමිකම් කවුන්සිලයට ගෙන ආ 51/5 යෝජනාවට ශ්‍රී ලංකාව විරුද්ධ වන බව ප්‍රකාශ කළ බව විදේශ කටයුතු අමාත්‍ය අලි සබ්රි මහතා පැවසුවේය.

එම යෝජනාවේ 8 වෙනි ඡේදය මගින් ශ්‍රී ලංකාව තුල ජාත්‍යන්තර අධිකරණ බලය ක්‍රියාත්මක කරමින් රණවිරුවන්ව ඉලක්ක කර ඇති බව අලි සබ්රි මහතා පෙන්වා දුන්නේය.

පිටරටවල නඩු අහන එක, විදේශ විනිසුරුවරුන් ලංකාවට පැමිණීම ලංකාවේ ව්‍යවස්ථාව සම්පූර්ණයෙන් උල්ලංඝනය කිරීමක් බව අලි සබ්රි මහතා ප්‍රකාශ කළේය.

මානව හිමිකම් කවුන්සිලයේ බලවත් සාමාජික රාජ්‍යයන් එල්ල කරන බලපෑම් හමුවේ මානව හිමිකම් කවුන්සිලයට ඉදිරිපත් වූ යෝජනාව සම්බන්ධයෙන් පැවැත්වෙන ඡන්ද විමසීම ජයග්‍රහණය කිරීම ඉතාමත් අපහසු කාර්යයක් බව සබ්රි මහතා පෙන්වා දුන්නේය.

යෝජනාව පිළිබඳ ඡන්ද විමසීම හෙට දිනයේ පැවැත්වීමට නියමිතව ඇතැයි පැවසෙයි.