(පුෂ්පකුමාර මල්ලවආරච්චි)

මධ්‍යම අධිවේගී මාර්ගයේ ඉදිකිරීම් කටයුතුවල නිරත චීන ජාතිකයින්ට ලබාදීම සඳහා ගෙන යමින් තිබූ කසිප්පු බෝතල් 45 ක්  සමග සැකකරුවෙකු අත්අඩංගුවට ගත් බව පල්ලෙවෙල පොලිසිය කියයි.

පෙරේදා 19 මෙසේ අත්අඩංගුවට ගෙන ඇත්තේ ඉඹුලන්වල ප්‍රදේශයේ පදිංචි තිස් පස් හැවිරිදි පුද්ගලයෙකි.

බස්නාහිර පළාත් බුද්ධි කොට්ඨාස නිලධාරින්ට ලත් තොරතුරක් මත මෙම වැටලීම කරණ ලද්දේ ගනේගොඩ ප්‍රදේශයේදීය.

සැකකරු හිරුවල ප්‍රදේශයේ යතුරුපැදි විකුණුම්  මධ්‍යස්ථානයක් පවත්වාගෙන යන බවත් එහි ඇති යතුරුපැදි උපයෝගී කරගනිමින් වරින්වර මෙසේ මත්පැන් ප්‍රවාහනය කර ඇති බවද පොලිස් පරීක්ෂණවලදී හෙළිවී ඇත 

මෙසේ මහා පරිමාණයෙන් මත්පැන් නිෂ්පාදනය කර බෙදාහරින සැකකරු අනියම් බිරියන් තිදෙනකු ඇසුරු කරන බවටත් ඔවුන් සඳහා සුඛෝපභෝගී නිවාස තනා දී ඇති බවත් හෙළි වූ බව ද බවද පොලිසිය සඳහන් කරයි 

සැකකරුට දුරකථන ඇමතුමක් ලත් සැණින් ඔහුගේ  ජංගම වෙළඳාම සිදු කර ඇතැයිද හෙලි කර ගෙන ඇති පොලිසිය ඔහුගේ නිෂ්පාදන වැඩි වශයෙන් අලෙවි කර ඇත්තේ අධිවේගී මාර්ගයේ සේවයේ නියුතු චීන ජාතිකයන් වෙත බව ද හෙළි වී ඇත . 

පල්ලෙ වෙල පොලිස් ස්ථානාධිපති ප්‍රධාන පොලිස් පරීක්ෂක රත්නායක මහතාගේ මෙහෙයුම යටතේ  උප පොලිස් පරීක්ෂක කරුණාතිලක  පොලිස්්සැ රයන් ප්‍රදීප් පොලිස් කොස්තාපල් දංග ල්ල යන නිලධාරීන් මෙම වැටලීම කළ හ . සැකකරු අධිකරණය ඉදිරිපත් කිරීමට නියමිතය