(නිමන්ති රණසිංහ)

මහ බැංකු බැඳුම්කර සිද්ධියකට අදාළව හිටපු මුදල් අමාත්‍ය බැසිල් රාජපක්ෂ මහතාගේ විදෙස් ගමන් තහනමක් නිකුත් කරන ලෙසට කළ ඉල්ලීමක් කොළඹ අතිරේක මහේස්ත්‍රාත් හර්ෂණ කැකුනාවල මහතා අද (18) ප්‍රතික්ෂේප කළේය.

හිටපු මුදල් අමාත්‍ය බැසිල් රාජපක්ෂ මහතා සහ මුදල් අමාත්‍යාංශයේ හිටපු ලේකම් එස්. ආර්. ආටිගල මහතාද මෙම බැඳුම්කර සිද්ධියට අදාළව සාක්ෂි කරුවන් වශයෙන් නම් කර ඔවුන්ගේ විදෙස් ගමන් තහනම් කරන ලෙසට ජනාධිපති නීතිඥ මෛත්‍රි ගුණරත්න මහතා මෙම ඉල්ලීම ඉල්ලීය.

මෙම මහ බැංකු බැදුම්කර සිද්ධියට අදාළව රුපියල් බිලියන 500 ක මුදලක් ගෙවන ලද පුද්ගලයන්ගේ නම් ලැයිස්තුව අධිකරණයට ඉදිරිපත් කරන ලෙසට වන නියෝගය සම්බන්ධයෙන් සලකා බැලීම ලබන මැයි මස 02 වැනිදා තෙක් කල් තැබීමට ද අධිකරණ තීරණය කළේය. 

මෙම සිද්ධියට අදාළ පැමිණිල්ල අධිකරණයට ඉදිරිපත් කර තිබුණේ හිටපු ආණ්ඩුකාර කීර්ති තෙන්නකෝන්  මහතා විසිනි.