(අංජුල මහික වීරරත්න)

බාප්පත් එක්ක එකතු වී රට හදන්නට බැරි වුණු නාමල් දැන් ජාතික සභාවේ සැලසුම් හදන්නට දැමීම රටට විහිළු සැපයීමක් බව සමගි ජන බලවේගයේ මැද කොළඹ ප්‍රධාන සංවිධායක පාර්ලිමේන්තු මන්ත්‍රී  මුජිබුර් රහුමාන් මහතා පැවසීය.

ජාතික සභාව ගැන විවේචනාත්මක අදහසක් සජබෙට තිබෙන බව කී රහුමාන් මහතා නිෂ්චිත කාලසීමාවක් සඳහා ආණ්ඩුව පොදු එකඟතාවයක් ඉදිරිපත් කරනවා නම් එවැනි  වැඩපිළිවෙලකට තනතුරු නොලබා  සහයෝගය දෙන්න හැකියාව තිබෙන බවද රහුමාන් මහතා කීය.

ජාතික  සභාවේ දීර්ඝ කාලීන සහ කෙටි කාලීන විසඳුම් ඉදිරිපත් කරන්න නාමල් රාජපක්ෂ මහතා  පත් කර ඇතැයි ද ඔහු හදන සැලසුම මොකද්දැයි මුජුබුර් රහුමාන් මහතා ප්‍රශ්න කළේය.

විපක්ෂයත් එකතු කරගෙන වැඩ කරනවා යැයි ජාත්‍යන්තරයට පෙන්වන්නට ආණ්ඩුවට උවමනා වී තිබෙන බවද ජාතික සභාව එවැනි ගුණ්ඩුවක් බවද මුජුබුර් රහුමාන්  මහතා සඳහන් කළේය.