(යොහාන් භාසුර)
ශ්රී ලංකාවට 2025 වසරේදී තොරතුරු තාක්ෂණ ව්යාපාරයෙන් ඩොලර් බිලියන 5 ක හෙවත් ඩොලර් කෝටි 500 ක විදේශ විනිමය ආදායමක් ඉපයීමේ ඉලක්කයක් ඇති බවත් හිටිහැටියේ බදු පැනවීම එම ඉලක්කයට බාධාවක් බවත් ශ්රී ලංකා පරිගණක සංගමයේ සභාපති දමිත් හෙට්ටිහේවා මහතා පැවසීය.
තොරතුරු තාක්ෂණ ව්යාපාරයෙන් 2024 වසරේ ඩොලර් බිලියන 3 ක ආදායමක් ද, එය 2025 වසරේ ඩොලර් බිලියන 5 ක ඉහළට ගෙන ඒම ඉලකක්ය බව කී හෙට්ටිහේවා මහතා ඩොලර් මිලියන 3 ක් ඉපයීමට තොරතුරු තාක්ෂණ වෘත්තිකයන් ලක්ෂ 3 ක් ද, ඩොලර් බිලියන 5 කට යෑමට වෘත්තිකයන් ලක්ෂ 5 ක් පමණ අවශ්ය බව ද සඳහන් කළේය.
එම ඉලක්කයට යෑම සඳහා වසරකට වෘත්තිකයන් 20,000 ක් පමණ අලුතින් එකතු වියයුතු වුවද වර්තමානය වන විට එය වෘත්තිකයන් 9,000 ත් 10,000 ත් අතර අඩු මට්ටමක පවතින බවත් මේ ආකාරයට එකවර බදු පැනවීමෙන් ඉතිරිව සිටින දක්ෂ තොරතුරු තාක්ෂණ ඉන්ජිනේරුවන් ද විදේශ රැකියාවලට පිටත්ව යෑම වැලැක්විය නොහැකි බවත් හෙට්ටිහේවා මහතා කීය.
තොරතුරු තාක්ෂණ ක්ෂේත්රය ඉහළ වැටුප් ලබන රැකියා වීම නිසා වැටුප මත බදුු සියයට 30 ක් දක්වා ඉහළ දැමීමෙන් විශාල වශයෙන් තොරතුරු තාක්ෂණ වෘත්තිකයන් රට හැර යෑමේ ප්රවණතාවක් ඇතිව තිබෙන බව කී හෙට්ටිහේවා මහතා සඳහන් කළේ පෞද්ගලික අංශය ලෙස තොරතුරු තාක්ෂණ ක්ෂේත්රය ද බදු ගෙවීමට සූදානම් නමුත් ඒ සඳහා ව්යාපාරිකයන්ට කාලය දිය යුතු බවත්ය.
එකවර බදු පැනවීමෙන් දක්ෂ තොරතුරු තාක්ෂණ ඉංජිනේරුවන් රට හැර ගියහොත් කර්මාන්තය පවාගෙන යෑමට නොහැකි වනු ඇති බවත් බදුවලින් අධ්යාපනය සහ නවෝත්පාදනයට ආයෝජනය නොකර එම මුදල් පාඩු ලබන රාජ්ය ආයතනවලට වියදම් කරන්නේ නම් එහි ඵලක් නොමැති බවත් ඒ මහතා කීය.
කොළඹදී පැවැති ජාතික තොරතුරු තාක්ෂණ සම්මන්ත්රණයේ දෙවැනි දිනයේ ‘ශ්රී ලංකා ඩිජිටල් ආයෝජන සමුළුව’ ආරම්භ කරමින් හෙට්ටිහේවා මහතා එසේ පැවසීය
COMMENTS
Reply To:
Sisira - cb chds hcdsh cdshcsdchdhd
බදු ගහන්නේ ආදායම් උපයන නිසා. තොරතුරු තාක්ෂණයෙන් ලබන්නේ කිසිම උත්පාදන වියදමක් නැතුව ලබන ආදායමක්. එය 95% ලාබදායී ව්යාපාරයක්. ඉතින් බදු ගසුවාම මොකෝ? තවකෙනෙක් කියයි දොස්ත්රලගෙනුත් බදු ගහනවා ,ලෝයර්ලගෙනුත් බදු ගහනවා කියලා. මොවුන් ලබන්නේ උත්පාදන වියදමක් නැතුව ලබන ආදායම්. දැන් සියලු දෙනාම බදු පෝරමයක් පුරවනවානම් එහි සඳහන් වෙන්න ඕනේ මුදල් ගෙවපු ලෝයස්ලා ,දොස්තරලා. එතකොට ආදායම් බදු දෙපාර්තමේන්තුවට ඔවුන් පසුපස යා හැකී .
බදු අය කරකොට එක එක අංශ මේ විදියට කොලොප්පන් කරන්න ගියොත් මොනවත් කරන්න බැරිවෙනවා. ඒ නිසා මේ වගේ මොට්ට කතා නිෂ්පල දේවල්. ඔය ඩොලර් කතාව අවුරුදු ගානක් තිස්සේ කියන දෙයක්. පට ෂෝ විතරයි.
මේ බදු පැනවීම ම ඊලග අරගලයට හේතුවක් වනු නිසැකය . ආණ්ඩුව ස්ථිරවම මාර්තු වෙනකොට ගෙදර යැවේවි.
රජයෙන් කියන්නෙ හම්බ කරල අපිට හොරාකන්ඩ දෙන්න කියලනෙ. සහ අතපය හතර තියන නිකම්මො ටිකක්ට කන්ඩ දෙන්න කියලනෙ. එහෙනන් ඉතින් ඔයාලම එව්ව කරගනිල්ල. එහෙනන් කොල්ලො අපි ගියා.
සාමාන්ය දූපත් වාසීන්ගේ මානසිකත්වය මෙහි කමෙන්ට් වලින් ද දැකිය හැකිය. ගියාට පස්සේ ආයේ මෙහෙ එන්නේ නෑ.
මුදල් අච්චු ගසමින් රජයේ සේවකයන්ට පඩි ගෙවීම තවදුරටත් කල නොහැකි නිසා ඔවුන්ට පඩි ගෙවීම සඳහා මේ බදු උපයෝගි කර ගනී. එනම් ඔබ බදු ගෙවන්නේ අත පය හතර හොඳට ඇති නිකමෙකුට පින් පඩි ගෙවීම සඳහාය.
ඔබ හරි මම කිසිදිනක බැංකු ණයක් ලබාගෙන නොමැත. මම වෘත්තිකයෙක් නිෂ්පාදන වියදමක් නැත. ඔබලාට ණය ගැනීමට බැංකුවේ මුදල් තැන්පත් කර ඇත.