(යොහාන් භාසුර)

සිංහල සහ දෙමළ අලුත් අවුරුද්ද අවසන් වන විට ශ්‍රී ලංකා පොදුජන පෙරමුණට ශක්තිමත් නායකයෙක් පත්කරන බවත් හිස තෙල් ගාලා නැකතට වැඩඅල්ලා නව නායකයා ප්‍රකාශයට පත්කරන බවත් පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතා අද (10) පැවසීය.

පොදුජන පෙරමුණෙන් ඡන්දය ඉල්ලලා ආණ්ඩුවේ වගකීම් දරණ අය කොවුලො වගේ මේ වන විට හැසිරෙන බව කී බණ්ඩාර මහතා දෑත් ශක්තිමක් කරන්නේ යැයි කියන එම කොවුල් පැටව්න්ට ශ්‍රී ලංකා පොදුජන පෙරමුණ කියන කපුටු කූඩුව ඔවුන්ව රැකගත් බව අමතක වී ඇති බව ද සඳහන් කළේය.  

එම කොවුලන්ට බිත්තර දාන්න නැවත කපුටු කූඩුවට ඒමට සිදුවන්නේ යැයි අමතක වී ඇති බව කී ඒ මහතා පොදුජන පෙරමුණේ මතවාදය වෙනුවෙන් පමණක් ඉදිරිපත් වන පිරිසක් පමණක් මැතිවරණයට ඉදිරිපත් කරන බව ද සඳහන් කළේය.  

ශ්‍රී ලංකා පොදුජන පෙරමුණේ නායකයා ලෙස හිටපු ජනාධිපති මහින්ද රාජපක්‍ෂ මහතා මේ වන විට කටයුතු කරයි.