(ලක්මි කුඩලිගම සහ නයදුල සෙන්ද නායක)

අගුරුවාතොට,හොරණ සහ ඉංගිරිය යන පොලිස් බල ප්‍රදේශවල වෙළඳසල් හතරක් කඩා රුපියල් ලක්ෂ 40කට වඩා වටිනා භාණ්ඩ සොරාගත් හොරණ අධ්‍යාපන කලාපයට අයත් ප්‍රසිද්ධ පාසල් තුනක සිසුන් තිදෙනකු අත්අඩංගුවට ගත් බව අගරුවාතොට පොලිසිය පවසයි.

සැකකරුවන් වයස අවුරුදු 16 වියෙහි පසුවන අගුරුවාතොට දොබගොඩ සහ බටගොඩ යන ප්‍රදේශවල පදිංචි සාමාන්‍ය පෙළ සිසුන් බව පොලිසිය පවසයි.

අගුරුවාතොට ⁣දොබගොඩ ප්‍රදේශයේ පැවති මෙහෙයුමක් අතරතුර යතුරු පැදියක් පරික්ෂා කිරීමේදී අත් පොරවක් සහ නිංජා කැප් එකක් හමුවීමෙන් පසු සුදුකළ විමර්ෂණයකදී හොරකම පිළිබඳ තොරතුරු අනාවරණය වී ඇත.

සැකකරුවන් දෙමාපියන්ට හොර රහසේ රාත්‍රිකාලයේ වරින් වර මෙම සොරකම් සිදුකරගෙන ගොස් ඇති බව පොලිසිය පැසීය.

සැකකරුවන් සොරකම් කිරීමට භාවිතා කරණ ලද යතුරු පැදි තුනක් පොලිසිය මගින් අත්අඩංගුවට ගෙන ඇත. මොවුන් සොරකම් කරන ලද භාණඩ වැඩි මිලට විකුණා නොයෙක් විනොද කටයුතුවල යෙදී ඇති බව පොලිස් පරික්ෂනවලදි අනාවරනය වී ඇත.

ඔවුන් සොරකම් කරන ලද ලැප්ටොප් පරිගණක තුළ තිබි ඔවුන් විසින් පටිගත කරන ලද අසභ්‍ය වීඩියෝ දර්ශන රැසක්ද පොලිසිය සොයාගෙන ඇත.