(නිමල කොඩිතුවක්කු)

මෙවර නත්තල් උත්සවය සැමරීමට ජනතාවට ආර්ථික තත්වයක් නැති බව සමගි ජනබලවේගයේ සහකාර ලේකම් පාර්ලිමේන්තු මන්ත්‍රී කාවින්ද ජයවර්ධන මහතා කොළඹදී අද(20) පැවසීය.

ලෝ වාසීන්ට හා ලක්වාසීන්ට නත්තල බොහොම සතුටුදායක දිනයක් වුවත් රටට සෞභාග්‍ය උදාකර දීමට පැමිණි ආණ්ඩුව ජනතාවගේ සතුට පැහැරගෙන ඇති බවත් ජයවර්ධන මහතා සඳහන් කළේය.

නත්තල සැමරීම තබා ජනතාවට එක් වේලක් හෝ ලබාගැනීමට නොහැකි තරමට රටේ ආර්ථිකය බංකොලොත් වී ඇතැයි ද ඇතුළුකෝට්ටේ පිහිටි සමගි ජන බලවේගය ප්‍රධාන කාර්යාලයේ පැවති මාධ්‍ය හමුවකට එක්වෙමින් ඔහු පැවසීය.

රජයේ අසාර්ථක තීරණ වලට හැටනම ලක්ෂය ලක්ෂ ඇතුළු රටේ සමස්ත ජනතාවටම වන්දි ගෙවීමට සිදුව ඇති බවත් පාර්ලිමේන්තු මන්ත්‍රී කාවින්ද ජයවර්ධන මහතා එහිදී වැඩිදුරටත් කියා සිටියේය.