(පාලිත ආරියවංශ)

හාලිඇල පරගහඇල්ල - බැද්දෙගම මාර්ගය සංවර්ධනය නොකිරීම නිසා පරගහඇල්ල , කොළණිය,පහළගම ඇතුළු ගම්මාන රැසක ජනතාව කලක සිට දැඩි  දුෂ්කර තාවයකට පත්ව සිටිති.

මැදගම සිට පරගහඇල්ල ගමේ කොටසක් දක්වා පමණක් බස්රථයක් ධාවනය වුවද මාර්ගයේ එම කොටසද අද ඉතා අබලන්ව පවතින බව ගම්වාසීහු පවසති.

පරගහඇල්ල සිට බැද්දෙගම දක්වා මාර්ගය කිසිසේත්ම සංවර්ධනය වි නැති අතර එම මාර්ගයේ පාගමනින් වත් ගමන් කිරීමට නොහැකිය. ඇතැම් අවස්ථාවලටදී කුඩු දරුවන් ඇද වැටී තුවාල ලබන බව ද ගම්වාසීහු අපහා පැවැසූහ.

කිලෝ මීටර් හතරහමාරකින් බදුල්ලට යාමට ඇති ගමන කිලෝ මීටර් දාහතරහමාරක් ගොස් බදුල්ලට ළඟා වීමට සිදුව ඇතැයි  ජනතාව කියති .

පාසල් දරුවන්ට කිලෝ මීටර්කි දෙකහමාරක් පාගමනින් ගොස් මැදගම විදුහලට යාමට සිදුව තිබේ .

බදුල්ල නගරයේ පාසල්වලට යන සිසුන්දෙ පාගමනින්  මග දුරක් ගොස් බසය ලබාගන්නා නමුත් එම එකම බස්රථයද  බොහෝ දවස්වල ධාවනය නොවන බවත් එදිනට දරුවන්ගේ පාසල් ගමනද නතර වන බව සිසුහු චෝදනා කරති.