(රන්ජන් කස්තුරි)

අපරාධ පරීක්ෂණ දෙපාර්තමේන්තුවට පැමිණ කටඋත්තරයක් දෙන්නැයි දැනුම් දීමත් සමග හරීන් ප්‍රනාන්දු මන්ත්‍රීවරයා පෞද්ගලික රෝහලක සැඟව සිටින බවට චෝදනා කරමින් දේශප්‍රේමි එක්සත් ජාතික පක්ෂය අපරාධ පරික්ෂණ දෙපාර්තමේන්තුවට අද පැමිණිල්ලක් කර තිබේ.

අපරාධ පරීක්ෂණ දෙපාර්තමේන්තුවට කැඳවීමට පෙරදින පර්ලිමේන්තුවේ ජවසම්පන්න නිරෝගී පුද්ගලයකු  ලෙස හැසිරුණු හරීන් ප්‍රනාන්දු මන්ත්‍රීවරයා සැනෙකින් පෞද්ගලික රෝහලක දැඩි සත්කාර ඒකකයකට ඇතුළුවුයේ කෙසේදැයි රටට ප්‍රශ්නයක් යැයි ද දේශප්‍රේමි එක්සත් ජාතික පක්ෂයේ ප්‍රධාන ලේකම් සුගත් හේවාපතිරණ මහතා කර ඇති පැමිණිල්ලේ සඳහන් වේ.