(නිමල කොඩිතුවක්කු)

ලංකා ඛනිජ තෙල් සංස්ථාව මගින් දුම්රිය දෙපාර්තමේන්තුවට අවශ්‍ය ඉන්ධන දෛනිකව ලබා නොදුනහොත් දුම්රිය ධාවනයට ගැටලු මතුවිය හැකි බව දුම්රිය වෘත්තිය සමිති සන්ධානය ප්‍රකාශ කරයි.

දුම්රිය දෙපාර්තමේන්තුව සතුවඉන්ධන ලීටර් ලක්ෂ 5ක 6ක පමණ සංචිතයක් තිබුනත් මේ වන විට එය ලක්ෂ තුන හමාර දක්වා අඩුවී ඇතැයි ද දුම්රිය වෘත්තීය සමිති සන්ධානයේ සම කැඳවුම්කරු එස්. පී විතානගේ මහතා පැවසීය.

නියමිත පරිදි දුම්රිය ධාවනය වන්නේ නම් දිනකට ඉන්ධන ලීටර් ලක්ෂයක පමණ ප්‍රමාණයක් වැයවන බවත් ඔහු සඳහන් කළේය.

මරදාන දුම්රිය සේවක සංගම් කාර්යාලයේ අද(25) පැවති මාධ්‍ය හමුවකදී ඔහු මේ බව පැවසීය.