(අජන්ත කුමාර අගලකඩ)

ජනාධිපති මෛත්‍රීපාල සිරිසේන මහතා කොළඹ ඩාර්ලි පාරේ පිහිටි ශ්‍රී ලංකා නිදහස් පක්ෂ මූලස්ථානය වෙත අද (02) ගියේය.

නව වසරේ පක්ෂ මූලස්ථානයේ කටයුතු ආරම්භ කිරීමට සහ කාර්ය මණ්ඩලය මුණ ගැසී සුබ පැතීමට ජනාධිපතිවරයා පක්ෂ මූලස්ථානය වෙත පැමිණි බව ශ්‍රීලනිප මහලේකම් රෝහණ ලක්ෂ්මන් පියදාස මහත ලංකාදීපයට පැවැසීය.

එහිදී ජනාධිපතිවරයා පක්ෂ මූලස්ථානයේ කාර්ය මණ්ඩලය ඇමතූ බවත් ඉදිරි කටයුතු පිළිබඳ සාකච්ඡා කළ බවත් මහ ලේකම්වරයා කීවේය.

පක්ෂයේ මහලේකම් මහාචාර්ය රෝහණ ලක්ෂ්මන් පියදාස පාර්ලිමේන්තු මන්ත්‍රීවරුන් වන දයාසිරි ජයසේකර, තිංලග සුමතිපාල, බස්නාහිර මහ ඇමැති ඉසුර දේවප්‍රිය යන මහත්වරු ද මෙම අවස්ථාවට සහභාගි වූහ.