
(අංජුල මහික වීරරත්න)
ක්ෂුද්ර මූල්ය හා ණය නියාමන අධිකාරිය පනත කෙටුම්පත් කිරීමට කැබිනට් අනුමැතිය ලැබී ඇත.
2016 අංක 6 දරන ක්ෂුද්ර මුල්ය පනත ඉවත් කර ක්ෂුද්ර මූල්ය සහ ණය නියාමන අධිකාරිය පනත හඳුන්වා දීම සඳහා නීති කෙටුම්පත් සම්පාදක විසින් සකස් කරන ලද පනත් කෙටුම්පත රජයේ ගැසට් පත්රයේ පළ කිරීමටත්, ඉන් අනතුරුව, අනුමැතිය පිණිස පාර්ලිමේන්තුවට ඉදිරිපත් කිරීමටත් 2023-10-09 දින අමාත්ය මණ්ඩලය විසින් අනුමැතිය ලබා දී ඇත.
එහෙත් පාර්ශ්ව කිහිපයක් විසින් මෙම පනත් කෙටුම්පත ශ්රේෂ්ඨාධිකරණය ඉදිරියේ අභියෝගයට ලක් කරන ලදුව, ශ්රේෂ්ඨාධිකරණය විසින් සිය නියෝගය ලබා දී ඇත.
එමෙන්ම පාර්ලිමේන්තුවේ ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ කාරක සභාව වෙත මෙම පනත් කෙටුම්පත යොමු කරනු ලැබ තිබේ. එහි අන්තර්ගතය සම්බන්ධයෙන් විවිධ පාර්ශ්ව විසින් ඉදිරිපත් කර ඇති අදහස් හා විකල්ප යෝජනා පිළිබඳව අධ්යයනය කර නිර්දේශ ඉදිරිපත් කිරීම සඳහා කමිටුවක් පත් කරන ලෙස එකී කාරක සභාව විසින් දන්වා ඇත. ඒ අනුව, පත් කරන ලද ප්රතිපත්ති/ මෙහෙයුම් කමිටුව විසින් ශ්රේෂ්ඨාධිකරණ නියෝගය පරිදි වන සංශෝධන සහ විවිධ පාර්ශ්වයන්ගෙන් ලබා ගත් යෝජනා ඇතුළත් කරමින් සිය අවසන් වාර්තාව සකස් කොට ඇත.
ක්ෂුත් මූල්ය සහ ණය නියාමන අධිකාරිය පනත හඳුන්වා දීම සම්බන්ධයෙන් වත්මන් අමාත්ය මණ්ඩලයේ ප්රතිපත්තිමය අනුමැතිය ලබා දීමටත්, ඉහත සඳහන් වාර්තාව පදනම් කර ගනිමින් අදාළ පනත් කෙටුම්පත සකස් කිරීම පිණිස නීති කෙටුම්පත් සම්පාදක වෙත උපදෙස් දීමටත් මුදල්, ක්රම සම්පාදන සහ ආර්ථික සංවර්ධන අමාත්ය වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී
2025 නොවැම්බර් මස 04
211
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2077
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1592
0
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ක්ෂුද්ර මූල්ය - ණය නියාමනයට අලුත් පනතක්