(අංජුල මහික වීරරත්න සහ සුජිත් හේවාජුලිගේ)

ක්‍රිකට් ක්‍රීඩාවෙි දියුණුව වෙනුවෙන් ඉදිරියේදී  තීන්දු තීරණ රැසක් ගන්නා බව තරුණ හා ක්‍රීඩා කටයුතු අමාත්‍ය නාමල් රාජපක්ෂ මහතා පාර්ලිමේන්තුවේ දී පැවසීය.

"අප ඒ තීන්දු තීරණ ගන්නේ හංගලා නොවේ.පාර්ලිමේන්තුව මෙන්ම මාධ්‍යයත් ඒ තීරණ ගැන දැනුවත් කරනවා.අප බාර ගන්නා විට ක්‍රිකට් පමණක් නොව සියලු ක්‍රීඩා පසුබෑමට ලක්ව තිබුණා.විනය ගැන මෙන්ම හැසිරීම ගැනත් ගැටලු තිබුණා.එය ක්‍රිකට් වලට පමණක් සීමා වූ කාරණයක් නොවේ.

අප විනය ගැන දැඩි අවධානය යොමු කළා. ඒ නිසා දැඩි තීන්දු ගන්න සිදුවුණා.එයින් මමත් විවේචනයට ලක් වුණා.තරුණ ක්‍රීඩකයන්ට අවස්ථාව දීම තුළ ඒ අභියෝග බාර ගත හැකි දැයි ප්‍රශ්න ඇතිවුණා.

කෙසේ වෙතත් දැන් ඒ නවක ක්‍රීඩකයන්  ජාත්‍යන්තර තලයේ ක්‍රීඩකයන් බවට පත්ව තිබෙනවා යනුවෙන්ද නාමල් රාජපක්ෂ මහතා සඳහන් කළේය .