(අංජුල මහික වීරරත්න)

රටෙි මූල්‍ය අර්බුද විසඳා ගැනීමට වහා ජාත්‍යන්තර මූල්‍ය අරමුදලට යන්නැයි  එජාප නායකයා පැවසූ විට මරාගෙන මැරෙන්නට හැදූ අය දැන් කියන්නේ  මොකක්දැයි එක්සත් ජාතික පක්ෂ නියෝජ්‍ය නායක රුවන්  විජයවර්ධන මහතා ප්‍රශ්න කළේය.

පහුවෙලා හෝ ජාත්‍යන්තර මූල්‍ය අරමුදලට යන්නට මුදල් ඇමතිවරයා  ගත් තීරණය නිවැරදි බවද එජාප නියෝජ්‍ය නායකයා සඳහන් කළේය.

"අපි කියන්නෙත් ජාත්‍යන්තර මූල්‍ය අරමුදලට ගිහින් මේ ඩොලර් අර්බුදය විසදා ගන්න කියලයි.

මහ බැංකුවට ඩොලර් නෑ. බොරුවට ඩොලරය හිරකරගෙන ඉන්නේ නැතුව කලු කඩේ ගානම බැංකු හරහා දුන්නා නම් විදෙස් ශ්‍රමිකයන් බැංකුවලට මුදල් එවයි.‍ එහෙම කළොත් මහ බැංකුවේ මුදල් සංචිත ඉහළ යනවා යනුවෙන් ද කොළඹ පැවැති තරුණ හමුවකදී විජයවර්ධන මහතා පැවසීය.