(බිමල් ශ්‍යාමන් ජයසිංහ)

අති සුඛෝභෝගී පෞද්ගලික මගි බස් රථයක් අද රාත්‍රි 06.45 හදිසියේ ඇතිවූ ගිනි ගැනීමක් හේතුවෙන් සම්පූර්ණයෙන්ම විනාශ වී ගිය බව දක්ෂිණ අධිවේගී කුරුඳුගහහැතැප්ම පොලිසිය සඳහන් කරයි.

වැලි පැන්න සහ කුරුඳුග හැතැප්ම අතර කිලෝමීටර 64 අනුව ආසන්නයේදී මෙම ගිනි ගැනීම සිදුව ඇතැයි පොලිසිය කියයි.

මේ හේතුවෙන් ගාල්ල දෙසට ගමන් ගන්නා වාහන කිලෝමීටර් 03 ක පමණ දැඩි රථ වාහන තදබදයක් ඇති විය.

ඇතිවූ ගිනි ගැනීමෙන් එහි ගමන් ගත් මගීන්ට ජීවිත හානි හෝ තුවාල සිදුවී නැතැයි පොලිසිය සඳහන් කරයි.

කොළඹ සිට ගාල්ල දක්වා බස් රථය ධාවනය වෙමින්් තිබියදී එහි පිටුපස ඇන්ජින් කොටසින් මෙම ගින්න හටගෙන ඇති බව පොලිසිය සඳහන් කරයි.

ඇති වූ ගිනිගැනීමත් සමඟම ගාල්ල දෙසට ගමන් ගන්නා සියලු වාහන අරක්ෂක පියවරක් තාවකාලිකව නතර කිරීමට පොලිසිය මගින් කටයුතු කෙරිණි.

බස් රථයේ ඇතිවූ ගින්නට හේතුව මෙතෙක් අනාවරණය වි නැත