(යොහාන් භාසුර)
අඩු ආදායම් ලාභීන්ට සහන ක්රමවේදයක් යටතේ සූර්ය විදුලිබල සම්බන්ධතා ලබාදීමට කටයුතු කරන ලෙස විදුලිබල අමාත්ය ගාමිණී ලොකුගේ මහතා ලංකා විදුලි පුද්ගලික සමාගමට (ලෙකෝ) උපදෙස් දී තිබේ.
අඩු ආදායම් ලාභීන්ට සහන ක්රමයට විදුලිය ලබාදීමෙන් ඔවුන්ගේ විදුලිය අවශ්යතාව මෙන්ම අතිරික්ක විදුලිය විකිණීමෙන් ඔවුන්ට අතිරේක ආදායමක් ලබාගැනීමේ අවස්ථාව ලැබෙන බව කී අමාත්ය ගාමිණී ලොකුගේ මහතා එම ව්යාපෘතියෙන් අඩු ආදායම් ලාභීන්ගේ ආර්ථිකය ශක්තිමත් කිරීමේ අවස්ථාව ද ලැබෙන බව සඳහන් කළේය.
වසර 2030 වන විට ශ්රී ලංකාවේ ජාතික විදුලිබල පද්ධතියට පුනර්ජනනීය බලශක්ති දායකත්වය සියයට 70 ක් කිරීමට ජනාධිපතිවරයා තමන්ට උපදෙස් ලබාදී ඇති බවත් ඒ සඳහා වන ව්යාපෘති රැසකට මේ වන විටත් ආයෝජකයන්ට ආරාධනා කර ඇති බවත් අමාත්යවරයා වැඩි දුරටත් පැවසීය.
නාරාහේන්පිට ඉදිකරන ලංකා විදුලි පුද්ගලික සමාගමේ මූලස්ථාන ගොඩනැගිල්ලට මුල්ගල තැබීමේ අවස්ථාවට එක්වෙමින් විදුලිබල අමාත්ය ගාමිණී ලොකුගේ මහතා එසේ පැවසීය.
COMMENTS
Reply To:
Sisira - cb chds hcdsh cdshcsdchdhd
ඇමැතිවරයා ගැන අබමල් රේණුවක පැහැදීමක් නැතත්, මෙම කටයුත්ත අගය කරමු.. අඩු ආදායම් ලාභීන් කවුරුද හා සහන ක්රමය පිළිබඳ දැනුවත් කිරීම් ගම්මට්ටමින් කළොත් වඩා සාර්ථක වේවි..
ලෙකෝ කියන්නේ සමාගමක්. ඇමති බූදලයක් නොවේ
අඩු ආදායම් ලාභීන්ට පමණක් නොව, වැඩි ආදායම් ලබන අයටද මේවා ක්රියාත්මක කිරීම කාලෝචිතය. එසේම, සෑම කටයුත්තකදීම බල ශක්තිය අර පිරිමැස්මෙන් සහ වඩාත් කාර්යක්ෂමව යොදා ගැනීම ගැන වැඩි අවධානය යොමු කලයුතුය.
හිනා යන කතා. කොරෝනා හින්දා එදා වේල පිරිමහගන්න බැරි අයට 5000 ක් දී ගන්න බැහැ. ලක්ෂ ගණන් වියදම් වෙන සුර්ය පැනල හයි කරන්ඩ කතාව
අත යට කොමිස් ලබා නොගෙන කරන වැඩක් නම් නරකයි කියල කියන්න බැරි පරිසරයට උදව්වක් ලැබෙන නිසයි. ඒත් දැන් ගස් ටික බේරගන්න වෙලා තියෙන්නෙ එය සුරැකීමට බැදී ඉන්න උදවියගෙන් නේද? ලංකාව දැන් හොදම විහිළු කාරයො ඉන්න රට කියල එක් පාර්ලිමේන්තු සැසියකදි කාටත් තේරෙයි.