( තිළිණි ද සිල්වා )

මාස 21 කට පසු ශ්‍රී ලංකන් ගුවන් සේවය  කොළඹ සිට සීෂෙල්ස් වෙත ගුවන් ගමන් යළි ආරම්භ කළ බව සීෂේල්ස් හී ශ්‍රී ලංකා මහ කොමසාරිස් කාර්යාලය කියා සිටී.

පසුගිය වසරේ  මාර්තු මස 16 වන දින සිට ශ්‍රී ලංකන් ගුවන් සේවය සීෂෙල්ස් වෙත සිදු කළ  සිය ගුවන් ගමන් මෙහෙයුම් නතර කරනු ලැබූ අතර එම ගුවන් ගමන් යළි ආරම්භ කිරීමත් සමග සතියේ  සෑම ඉරිදාවක ම ගුවන් ගමන් ආරම්භ කිරිමට සැලසුම් කර ඇත.

සීෂෙල්ස් ජනරජයේ ශ්‍රී ලංකා මහ කොමසාරිස් ශ්‍රීමාල් වික්‍රමසිංහ මැතිතුමා විසින්  ඉකුත්දා  ශ්‍රී ලංකන් ගුවන් සේවයේ අංක UL 707 දරන ගුවන් යානය සීෂෙල්ස් ජනරජය වෙත පිළිගනු ලැබුවේය.

විශේෂඥ වෛද්‍ය පහසුකම් ලබා ගැනීම සඳහා සීෂෙල්ස් ජාතිකයින් බොහෝ දෙනෙක් ශ්‍රී ලංකාව වෙත පැමිණෙන අතර එමගින් මෙම ගුවන් ගමන් වාර වැඩි වශයෙන් සිදුවනු ඇතැයිද සීෂෙල්ස් හී ශ්‍රී ලංකා මහකොමසාරිස් කාර්යාලය කියා සිටී.