අධිවේගී මඟේදී ව්‍යාපාරිකයා පැහැරගත් තිදෙනා රිමාන්ඩ් අහංගම නගරයේ ව්‍යාපාරිකයෙකු පැහැරගෙන යමින් සිටියදී දක්ෂිණ අධිවේගී මාර්ගයේදී අත්අඩංගුවට ගත් පුද්ගලයින් තිදෙනා අධිකරණයට ඉදිරිපත් කිරීමෙන් පසු 22 වැනි දින දක්වා රක්ෂිත බන්ධනාගාර ගත කිරීමට ගාල්ල ප්‍රධාන මහේස්ත්රාත් හර්ෂණ කැකුණවෙල මහතා අද(16) නියෝග කළේය. 16 January 2019
අනුරාධපුර ගුවන් හමුදා කඳවුරේ ප‍්‍රහාරයට වසර 10 ක සිරදඩුවම් අනුරාධපුර ගුවන් හමුදා කඳවුරට ගුවනින් හා ගොඩබිමින් ප‍්‍රහාර එල්ල කර කඳවුරු ගුවන් පථයේ නවතා තිබු ගුවන් යානා 16ක් විනාශකර රුපියල් කෝටි 400ක අනර්ථයක් සිදු කළැයි කියන සිද්ධිය සම්බන්ධයෙන් වරද පිළිගත් කොටි සංවිධානයේ හිටපු ප‍්‍රබල සාමාජිකයින් දෙදෙනෙකුට වසර 10 බැගින් වෙන් වෙන් වශයෙන් බරපතල වැඩ සහිත සිරදඩුවම් නියම කිරිමට උතුරුමැද පළාත්බද මහාධිකරණ විනිසුරු මහේෂ් වීරමන් මහතා නියෝග කළේය. 16 January 2019
අඟුණකොළපැලැස්ස සිදුවීම ගැන සෙවීමට ත්‍රිපුද්ගල කමිටුවක් අඟුණකොළපැලැස්ස බන්ධනාගාරයේ සිදු වී යැයි කියන සිරකරුවන්ට පහරදීමේ සිදුවීම සම්බන්ධයෙන් පරීක්ෂා කිරීමට අධිකරණ හා බන්ධනාගාර ප්‍රතිසංස්කරණ ඇමැතිනි තලතා අතුකෝරාල මහත්මිය ත්‍රිපුද්ගල කමිටුවක් පත් කර ඇත. 16 January 2019
චීනයෙන් ඩොලර් මිලියන 300 ක ණයක් ගන්න යයි චීනයේ ‘බෑන්ක් ඔෆ් චයිනා’ වෙතින් එක්සත් ජනපද ඩොලර් මිලියන 300ක ණය මුදලක් ලබාගැනීම සම්බන්ධයෙන් සළකා බලමින් සිටින බව මුදල් රාජ්‍ය අමාත්‍ය ඉරාන් වික්‍රමරත්න මහතා පවසයි. 16 January 2019
කන්දකාඩුව කපන්න සුදානම් මහවැලි ගංගාවේ පහළ නිම්නයේ රක්ෂිත වනාන්තර ජාලය හා සම්බන්ධ කන්දකාඩුව හා ති‍්‍රකෝණමඩු වනාන්තරයේ හෙක්ටයාර 3415 ක් නැතහොත් අක්කර 8500 ක් ශී‍්‍ර ලංකා මහවැලි අධිකාරියට පවරා එම ඉඩම් වාණිජ කෘෂිකාර්මික හා සත්ත්ව පාලන ව්‍යාපෘති සඳහා මහ පරිමාණ සමාගම් වලට ලබා දීමට රජය සැලසුම් කර ඇත. 16 January 2019
අඟුණකොළපැලැස්ස බන්ධනාගාරයේ රැඳවියන් පිරිසකට පහර දුන්නැයි පැමිණිල්ලක් අඟුණකොළපැලැස්ස රිමාන්ඩ් බන්ධනාගාරයේ රැඳවියන් පිරිසකට එහි ඉහළ නිලධාරින් පිරිසක් වධහිංසා කළැයි කියන සිදුවීමක් සම්බන්ධයෙන් සිරකරු අයිතිවාසිකම් සුරැකීමේ කමිටුව අපරාධ පරීක්ෂණ දෙපාර්තමේන්තුවට පැමිණිල්ලක් කර ඇත. 16 January 2019
නාලක ද සිල්වා යළි රිමාන්ඩ් හිටපු නියෝජ්‍ය පොලිස්පති නාලක ද සිල්වා මහතා ලබන 21 වැනිදා තෙක් යළි රක්ෂිත බන්ධනාගාරගත කිරීමට කොළඹ කොටුව මහේස්ත්රාත් ප්රියන්ත ලියනගේ මහතා නියෝග කළේය. 16 January 2019
ටෙලිකොම් සේවකයෝ විරෝධතාවක ටෙලිකොම් සමාගමේ ඉල්ලීම් කිහිපයක් මුල් කර ගනිමින් ‘සුරකිමු ශ්‍රී ලංකා ටෙලිකොම් ‘ වෘත්තීය සමිති පෙරමුණ අද (16) කොටුව දුම්රියපොළ ඉදිරිපිටදී විරෝධතා පා ගමනක් ආරම්භ කළේය. 16 January 2019
සබරගමුව වෛද්‍ය පීඨය දේශපාලනඥයින් විවෘත කරනවාට සිසුන්ගේ විරෝධය සබරගමු විශ්ව විද්‍යාලයට අනුබද්ධව කුරුවිට බටුහේනේ ස්ථාපිත කළ වෛද්‍ය පීඨය විවෘත කිරීම දේශපාලනඥයින් සම්බන්ධ කර ගැනීමට විරෝධය පළකරමින් විශ්ව විද්‍යාල සිසුහු අද (16) උද්ඝෝෂණයක් කළහ. 16 January 2019
හිරු සහ ගවයා පුදන තෛපොංගල් ලොව පුරා හින්දු බැතිමතුන් ජනවාරි 15 වැනි දා තෛපොංගල් උත්සවය සැමැරූ අතර තෛපොංගල් අවසන් වන්නේ අද (16) සවස මාට්ටු පොංගල් උත්සවයෙනි. 16 January 2019
ජපාන නාවික හමුදා සාමාජිකයෝ වෙරළ පිරිසිදු කරති සුහද සංචාරයක් සඳහා හම්බන්තොට වරායට සේන්දු වූ ජපාන ස්වයං ආරක්ෂක සාගරික බළකායට අයත් ‘ඉකසුචී’ නෞකාවේ කාර්ය මණ්ඩලය අද (16) වෙරළ තීරය පිරිසිදු කිරීමේ වැඩසටහනක නිරත වූහ. 16 January 2019
ඩොලර් මිලියන 480 ක ආධාරය ගැන සාකච්ඡා ඇමෙරිකානු එක්සත් ජනපදයෙන් ශ්‍රී ලංකාවට ලැබීමට නියමිතව තිබු තාවකාලිකව අත්හිටවූ ඇමෙරිකානු ඩොලර් මිලියන 480 ක ආධාර මුදල සම්බන්ධයෙන් සාකච්ඡා පැවැත්වූ බව පොදු සැපයීම් සහ ආර්ථික ප්‍රතිසංස්කරණ පිළිබඳ කැබිනට් නොවන අමාත්‍ය ආචාර්ය හර්ෂ ද සිල්වා මහතා පැවසීය. 16 January 2019
වැලි පිරවීම අවසන් කළ නෞකාව වරාය නගරයට සමුදෙයි කොළඹ වරාය නගරය ඉදිකිරීම සඳහා මුහුද ගොඩකිරීමේ කටයුතු මේ වන විට සම්පූර්ණයෙන් අවසන් කර ඇති අතර ඒ වෙනුවෙන් සංවිධානය කළ උත්සවයක් වරාය නගර භූමියේදී මහනගර සහ බස්නාහිර සංවර්ධන අමාත්‍ය පාඨලී චම්පික රණවක, ශ්‍රී ලංකාවේ චීන තානාපති චැන් ෂුයෑංග් මහත්වරුන්ගේ ප්‍රධානත්වයෙන් අද (16) පැවැත්විණි. 16 January 2019
මත්පෙති-කරල් ලක්ෂයක් සමඟ අයෙක් අත්අඩංගුවට විවිධ වර්ගයේ මත්පෙති හා කරල් ලක්ෂයකට අධික ප්‍රමාණයක් සමඟ ආයුර්වේද වෛද්‍යවරයකු ලෙස පෙනී සිටි පුද්ගලයකු විරගුල පොලිසිය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක කාර්යාලය කියයි. 16 January 2019
ආගමන - විගමන නීති කැඩූ චීන්නු දෙදෙනාට අධි චෝදනා ආගමන විගමන නිති උල්ලංඝනය කරමින් ලංකාව තුළ රැුදී සිට උපයාගත් ආකාරය හෙළිකළ නොහැකි අන්දමින් මෙරට බැංකු ගිණුමක රුපියල් කෝටි 96කට ආසන්න මුදලක් තැන්පත් කළැයි කියන සිද්ධියකට අදාළ චීන ජාතිකයින් දෙදෙනා සම්බන්ධයෙන් කොළඹ 16 January 2019
ජාත්‍යන්තර මූල්‍ය අරමුදලේ කණ්ඩායමක් පෙබරවාරියේ ලංකාවට ජාත්‍යන්තර මූල්‍ය අරමුදලේ කණ්ඩායමක් පෙබරවාරි මාසයේදී ශ්‍රී ලංකාවට පැමිණෙන බව එම අරමුදලේ කළමනාකරණ අධ්‍යක්ෂිකා ක්‍රිස්ටීන් ලගාර්ඞ් මහත්මිය ප්‍රකාශ කර ඇත. 16 January 2019
‘අඩු මිලට දඹදිව සංචාර සංවිධානය කරන්නන්ගෙන් ප්‍රවේශම්වෙන්න’ අඩු මිලකට දඹදිව සංචාර සංවිධානය කරන සංවිධායකයන්ගෙන් සංචාරකයන් ප්‍රවේශම් විය යුතු බව ශ්‍රී ලංකා විදේශ බෞද්ධ වන්දනා ගමන් සංවිධායකයන්ගේ සංගමයේ ලේකම් රංගනාත් කරුණාදාස මහතා පැවැසීය. 16 January 2019
ත්‍රිවිධ හමුදා මාණ්ඩලික ප්‍රධානියාට එරෙහි නඩු කල් යයි ලුතිනන් කමාන්ඩර් චන්දන ප්‍රසාද් හෙට්ටිආරච්චි හෙවත් නේවී සම්පත්ට රැදී සිටීමට ආධාර අනුබල දුන්නැයි කියන සිද්ධිය සම්බන්ධයෙන් ත්‍රිවිධ හමුදා මාණ්ඩලික ප්‍රධානී රවීන්ද්‍ර විජේගුණරත්න මහතාට පවරා ඇති නඩුව ලබන අප්‍රේල් මස 03 වැනිදා දක්වා කල් තැබීමට කොළඹ කොටුව මහෙස්ත්‍රාත් ප්රියන්ත ලියනගේ මහතා අද (16) නියෝග කළේය. 16 January 2019
මන්නාරම් මිනී වලෙන් හමු වූ සිරුරු ගණන 300 ක් මන්නාරම් සමූහ මිනීවල දෙවැනි වතාවට පුළුල් කිරීමෙන් පසුව කළ කැනීම්වලදී අද (16) වන විට සිරුරු 300 ක් හමු වී ඇති බව කැනීම් භාර නිලධාරී විශේෂඥ අධිකරණ වෛද්‍ය ශමින්ද රාජපක්ෂ මහතා පවසයි. 16 January 2019
ලංකාවේ රෝහල් 132 කට නව ගිලන් රථ ලංකාව පුරා පිහිටි රෝහල් 132 කට අවශ්‍ය ගිලන්රථ 132 ක් ලබා දීමට සෞඛ්‍ය හා පෝෂණ වෛද්‍ය අමාත්‍යංශය පියවර ගෙන තිබේ. 16 January 2019
බ්‍රිතාන්‍ය යුරෝපා සංගමයෙන් ඉවත් වීමේ ගිවිසුම ඡන්ද 230කින් පරාජයට බ්‍රිතාන්‍ය අගමැති තෙරේසා මේ මහත්මිය විසින් ඉදිරිපත් කළ බ්‍රික්සිට් ගිවිසුම ඡන්ද 230කින් ප්‍රතික්ෂේප වී ඇත. 16 January 2019
ෆොන්සේකා හිටියේ ඡන්දයක් දිනාගන්න බැරිව අනාථ වෙලයි සරත් ෆොන්සේකා පොදු අපේක්ෂකයකු කියාගෙන අපේ පක්ෂයට අවා. අපේ ඡන්ද ගත්තා. ඊට පස්සේ දා ගත්තා ගිනි සිළුවක්. ඡන්දයක් දිනාගන්න බැරිව අනාත වෙලා හිටියේ. අපේ නායකතුමාට පිංසිද්ධ වෙන්න එයා නැවත අපේ පක්ෂයට ආවා. ජාතික ලැයිස්තුවෙන් මන්ත්‍රීකමකුත් දුන්නා. මැතිවරණ කොමසාරිස්තුමාට මා අභියෝග කරනවා ඔබ කළ මේ ක්‍රියාව සම්පූර්ණයෙන්ම වැරදි. සුදුසු නැති කෙනකුට මන්ත්‍රීකමක් දීම වැරදි යැයි නියෝජ්‍ය අමාත්‍ය පාලිත තෙවරප්පෙරුම මහතා යටදොලවත්තේදී අද (15) පැවැසීය. 15 January 2019
මැතිවරණය සමානුපාතික ක්‍රමයට පවත්වන්න නව කෙටුම්පතක් මැතිසබේට පළාත් සභා මැතිවරණය පැරණි සමානුපාතික ක්‍රමටය කඩිනමින් පැවැත්වීම සඳහා රජය නව කෙටුම්පතක් පාර්ලිමේන්තු සම්මත කර ගැනීමට තීරණය කර තිබේ. 15 January 2019
උතුරු සංවර්ධන අමාත්‍යධූරය වෙනස් වන බව සුමන්තිරන් කියයි උතුරු සංවර්ධන කටයුතු පිළිබඳ අමාත්‍යධූරය ඉදිරියේදී උතුරු නැගෙනහිර සංවර්ධන වශයෙන් වෙනස් වන බවට දෙමළ ජාතික සන්ධානයේ මාධ්‍ය ප්‍රකාශක පාර්ලිමේන්තු මන්ත්‍රී එම්.ඒ. සුමන්තිරන් මහතා කියා සිටියේය. 15 January 2019
චීන්නු සඳමත බීජ පැළ කරති චීනයට අයත් චැන්ජි-4 යානයෙන් සඳ වෙත ගෙනගිය බීජ සාර්ථකව පැළවී දළු ලා ඇතැයි එරට ජාතික අභ්‍යවකාශ පාලක මණ්ඩලය පවසයි. 15 January 2019
ජපාන නෞකාවක් හම්බන්තොට වරායට ජපාන ස්වයං ආරක්ෂක සාගරික බළකායට අයත් ‘ඉකසුචී’ නෞකාව සුහද සංචාරයක් සඳහා අද (15) හම්බන්තොට වරායට සේන්දු විය. 15 January 2019
නවගත්තේගම නිධන් හෑරූ 12 ක් අත්අඩංගුවට නවගත්තේගම තම්මැන්නාවැටිය ප්‍රදේශයේ ඉපැරණි ස්ථානයක නිධන් ගැනිමේ අරමුණින් කැනීම් සිදුකරමින් සිටි 12 දෙනෙකු ඔවුන් පැමිණි වාහනද සමඟ අද ( 15 ) අත් අඩංගුවට ගත් බව නවගත්තේගම පොලිසිය කියයි. 15 January 2019
ගුවන් ටිකට්පත් වංචාවක් නිසා සැපයුම් අංශ නිලධාරියකුගේ වැඩ තහනම් ශ්‍රී ලංකා විදේශ සේවා නියුක්ති කාර්යංශයට ගුවන් ටිකට් පත් මිල දී ගැනීමේ දී සිදුකළ වංචාවක් හේතුවෙන් එහි සැපයුම් අංශයට අනියුක්තව සේවය කළ නිලධාරියෙකු වැඩ තහනමට ලක් කර ඇතැයි එම කාර්යංශ ආරංචි මාර්ග සඳහන් කරයි. 15 January 2019
ආරක්ෂක ඇමැති මල්වතු - අස්ගිරි නාහිමියන් බැහැදකී ආරක්ෂක රාජ්‍ය ඇමැති රුවන් විජයවර්ධන මහතා අද (15) මහනුවරට ගොස් දළදා වහන්සේ වැද පුදාගෙන අස්ගිරි, මල්වතු මහා නාහිමියන් බැහැදුටුවේය. 15 January 2019
කාබන් බද්දට බස් ගැමුණුත් විරෝධය පායි ඩීසල් සහ පෙට‍්‍රල් වාහන වලින් ජනවාරි 1 වැනි දා සිට බලපැවැත්වෙන පරිදි කාබන් බද්දක් අයකිරීමට රජය ගෙන ඇති තීරණයට දැඩි විරෝධය පළ කරන බව ලංකා පෞද්ගලික බස් හිමියන්ගේ සංගමයේ සභාපති ගැමුණූ විජේරත්න මහතා පැවසීය. 15 January 2019
සා.පෙ සෞන්දර්ය පරීක්ෂණයට යන්න බැරි වූ දරුවන්ට වෙනත් දිනයක් සාමන්‍ය පෙළ විභාගයේ සෞන්දර්ය ප්‍රයෝගික පරීක්ෂණවලට සභභාගී වීමට නොහැකි වූ සබරගමුව පළාතේ දරුවන්ට වෙනත් දිනයක් ලබා දෙන බව විභාග කොමසාරිස් ජනරාල් ඉන්දිකා කුමාරි ලියනගේ පැවැසුවාය... 27 October 2026
