කොතලාවල පනතට කොටුවේ විරෝධතාවක්

(ඩයනා උදයංගනී)

කොතලාවල ආරක්‍ෂක විශ්ව විද්‍යාල පනත අහෝසි කිරීම ඇතුළු ඉල්ලීම් කිහිපයක් මුල් කරගනිමින් පෙරටුගාමී සමාජවාදී පක්‍ෂය සංවිධානය කළ උද්ඝෝෂණයක් කොළඹ කොටුව දුම්රියපල ඉදිරිපිට දී අද (20) පැවැත්විණි.

සංවර්ධනය මුවාවෙන් සිදුකරන පරිසර විනාශයන් නතර කරනු, කම්කරු වැටුප් වැඩි කරනු, ක්‍ෂුද්‍ර මූල්‍ය ණය අහෝසි කරනු, මර්දනය නවත්වනු, ඇමෙරිකානු, චීන, ඉන්දියා බරපොරයට රටත්, ජනතාවත් බිලි නොදෙනු ආදී සටන් පාඨ සහිත පුවරු ප්‍රදර්ශනය කරමින් පිරිස විරෝධතාවයේ යෙදුණහ.

පෙරටුගාමී සමාජවාදී පක්ෂයේ නායක කුමාර් ගුණරත්නම් මහතා ඇතුළු එහි නායකයින් මෙන්ම කම්කරු අරගල මධ්‍යස්ථානය, විප්ලවවාදී ශිෂ්‍ය සංගමය, නිදහස උදෙසා කාන්තා ව්‍යාපාරය, ඒකාබද්ධ ගුරු සේවා සංගමය ආදී සංවිධාන නියෝජනය කරමින් විශාල පිරිසක් මේ සඳහා එක්ව සිටියහ.

ඡායාරූප -- ළහිරු හර්ෂණ