(මනෝජ් හර්ෂික)

දකුණු පළාත් සංචාරක කලාපවල ෆේස්බුක් සාද පැවැත්වීමට අවසර ලබා දීමේදී කිසිදු පාලනයකට යටත් නොවී ඒවා පාලනය කිරීමේ සම්පුර්ණ වගකීම ආරක්ෂක අංශ සතුයැයි දකුණු පළාත් ආණ්ඩුකාර හේමාල් ගුණසේකර මහතා අද (22) සඳහන් කළේය.

දකුණු පළාත් ආරක්ෂක කමිටු රැස්වීමේදී ආරක්ෂක අංශයන් දැනුවත් කරමින් ආණ්ඩුකාරවරයා මේ බව කීය.

ෆෙස්බුක් සාද මුවාවෙන් සිදු කරන මත්ද්‍රව්‍ය භාවිත සැණකෙළි නතර කිරීමට අවශ්‍ය ක්‍රියාමාර්ගයන් ගන්නා ලෙසද ආණ්ඩුකාරවරයා වැඩිදුරටත් සඳහන් කළේය.

එහිදී වැඩිදුරටත් අදහස් දැක්වූ ආණ්ඩුකාරවරයා මෙසේ ද කීය.

       “ෆේස්බුක් සාද සඳහා අවසර ලබා දෙන විට කිසිදු බලපෑමකට යටත් වන්න එපා.මේවා පාලනය කිරීමේ සම්පුර්ණ වගකීම ආරක්ෂක අංශයන් සතුයි.මම මේ පළාතේ ඉන්නකම් මත් කුඩු ජාවාරම්කරුවන්ට කිසිදු සමාවක් නැහැ.ආරක්ෂක අංශයන් එකතුවෙලා මේ උවදුර මැඩලිය යුතු යැයි ගුණසේකර මහතා එහිදී“ පැවැසීය.