(අංජුල මහික වීරරත්න)

පාර්ලිමේන්තුව සජීවීව  විකාශය කිරීම පැය බාගයකින් පරක්කු කරන්නැයි කථානායකවරයාගෙන් සහ ආණ්ඩු පක්ෂ ප්‍රධාන සංවිධායකගෙන් තමා ඉල්ලීමක් කළ බව පොදුජන පෙරමුණේ  හම්බන්තොට දිස්ත්‍රික් පාර්ලිමේන්තු  මන්ත්‍රී නාමල් රාජපක්ෂ පැවසීය.

පාර්ලිමේන්තුවේ අනවශ්‍ය මඩ ප්‍රහාර සහ වෙනත් බොහෝ දේ  කතා කරමින් වරප්‍රසාද වලට මුවා වී අධිකරණයට හා විනිසුරුවන් ඉලක්ක කරගෙන  විවිධ ප්‍රකාශ කිරීම නිසා තමා මෙම ඉල්ලීම කළ බවද නාමල් රාජපක්ෂ මහතා කීය.

හම්බන්තොට පැවති උත්සවයක් අමතමින් නාමල් රාජපක්ෂ මහතා මේ බව සඳහන් කළේය.

විපක්ෂනායකවරයා  පාර්ලිමේන්තුවේ  අහන ප්‍රශ්න දෙස බලන්නැයි  කී රාජපක්ෂ මහතා අනවශ්‍ය දේට කාලය මිඩංගු කරමින් වැඩකට නැති දේවල් කතා කරන බවත් මේවා බලාගෙන ඉන්න අයට පාර්ලිමේන්තුව ගැන තියෙන විශ්වාසය නැතිවී තිබෙන බවත් පැවසීය .