(යොහාන් භාසුර)

මහත් ආන්දෝලනයකට තුඩු දුන් ක්ෂුද්‍ර මූල්‍ය ණය නියාමන අධිකාරි පනත් කෙටුම්පත පිළිබද සමාලෝචනය කිරීම සඳහා පත් කළ කමිටුව එහි වාර්තාව  මුදල් අමාත්‍යාංශයට භාරදුන්නේය.

එම කමිටුවේ සභාපති ලෙස රාජ්‍ය නොවන සංවිධාන පිළිබඳ ජාතික ලේකම් කාර්යාලයේ අධ්‍යක්ෂ ජනරාල් සංජීව විමල ගුණරත්න මහතා කටයුතු කළේය.

ක්ෂුද්‍ර මූල්‍ය ණය නියාමන අධිකාරි පනත් කෙටුම්පත සම්පාදනයකිරීමේදී, එම පනතෙන් බලපෑමට ලක්වන පාර්ශවයන් හා නියමිත ප්‍රවිචාරණයක් නොකර පනත ඉදිරිපත්කර ඇති යැයි චෝදනාවක් එල්ල විය.  

එහි ප්‍රතිඵලයක් ලෙස එම පනත් කෙටුම්පතට එරෙහිව ක්ෂුද්‍ර මූල්‍යය වින්දිතයන්, ප්‍රජා මූල සංවිධාන ඇතුළු සිවිල් නියෝජිතයන් ශ්‍රේෂ්ඨාධිකරණයට මූලික අයිතිවාසිකම් පෙත්සම් හයක් ඉදිරිපත් කළහ.

ශ්‍රේෂ්ඨාධිකරණය එම පෙත්සම් විභාගය  අවසානයේ පනතේ වගන්ති රාශියක් ආණ්ඩුක්‍රම ව්‍යවස්ථාවට පටහැනි බවට තීන්දු කළ අතර පර්ලිමෙන්තුව තුළත්, ඉන් පිටතත්  එම පනත් කෙටුම්පත හකුලා ගන්නා ලෙස රජයට බලපෑම් එල්ල එල්ලවිණි.

මෙම පනත් කෙටුම්පත පිළිබඳව නැවත අදහස් විමසීම සඳහා කමිටුවක් පත් කිරීමට මුදල් අමාත්‍යංශයේ කටයුතු කළේය.