(කේ. බුද්ධික කුමාරසිරි)

පවතින දැඩි වර්ෂාපතනය සමග ඇති වූ ගංවතුර තත්වය නිසාවෙන් කොළඹ - අවිස්සාවේල්ල ප්‍රධාන මාර්ගය කොස්ගම හිගුරල රංවල පහන ප්‍රදේශයෙන් ජලයෙන් යට වීම නිසාවෙන් එම මාර්ගයේ ගමනාගමන කටයුතු අවහිර වී ඇතැයි කොස්ගම පොලිසිය පවසයි.

මේ හේතුවෙන් එම ස්ථානයෙන් කිසිදු රථ වාහනයකට ගමන් කිරීමට හැකියාවක් නොමැති බැවින් විකල්ප මාර්ග භාවිතා කරන ලෙස ද පොලිසිය මහජනතාවගෙන් ඉල්ලා සිටියි.

එමෙන්ම කැළණි වැලි දුම්රිය මාර්ගයේ අවිස්සාවේල්ල සහ කොස්ගම අතර කොටසෙහි දුම්රිය මාර්ගයට ඇද වැටී තිබූ ගස් දෙකක් ඉවත් කර දුම්රිය ගමනා ගමනය සදහා වීවෘත කළ බව ද පොලිසිය පවසයි.