එසැණ පුවත්

ඔසඳ යාපා අධිකරණයට එයි - වරෙන්තු ආපසු කැඳවයි

කුරුඳුවත්ත නෙළුම්පොකුණ ආසන්නයේ ඉකුත් වසරේ සිදු වු රිය අනතුරක් සම්බන්ධව අදාල නඩු විභාගයට අධිකරණයේ පෙනී සිටින්නැයි වරෙන්තු නිකුත් කරනු ලැබ සිටි රාජ්‍ය ඇමැති ලක්ෂ්මන් යාපා අබේවර්ධනගේ පුත් ඔසඳ යාපා අබේවර්ධන අද(14) අධිකරණය හමුවේ පෙනී සිටියේය.

14 June 2017

රිය පැදවූ හිමිනමට 2500ක දඩයක්

රියදුරු බලපත‍්‍ර නොමැතිව වෑන් රථයක් පැදවූවැයි තිරප්පනේ පොලිසිය මගින් අත් අඩංගුවට ගත් හිමිනමට රුපියල් 2500ක දඩ කොලයක් ලබාදුන් බව තිරප්පනේ පොලිසිය කියයි.

14 June 2017

කරාපිටිය රෝහලේ අත්‍යවශ්‍ය ඖෂධ දෙකක් නෑ

හදිසි ප‍්‍රතිකාර සඳහා අත්‍යාවශ්‍ය ඖෂධ දෙකක් වන ඇඩ්රිනලින් හා පොටෑසියම් ක්ලෝරයිඞ් කරාපිටිය රෝහලේ නොමැති වීමෙන් රෝගීන් අවදානමකට පත්ව ඇතැයි එහි සේවකයෝ කියති.

14 June 2017

කම්කරු රාජ්‍ය ඇමැතිට එරෙහි සංශෝධිත පැමිණිල්ලක් ඉල්ලයි

ව්‍යාජ අංක තහඩු සහිත වාහනයක් භාවිතා කර චැසි අංක වෙනස් කළැයි කියන සිද්ධියකට අදාළව කම්කරු සේවා රාජ්‍ය ඇමැති රවීන්ද්‍ර සමරවීර මහතා හා තවත් අයකුට සංශෝධිත පැමිණිල්ලක් ලබන 19 වැනි දා අධිකරණයට ඉදිරිපත් කරන ලෙස කොළඹ අතිරේක මහේස්ත්‍රාත් රංග දිසානායක මහතා බොරැල්ල පොලිසියට අද(14) නියෝග කළේය.

14 June 2017

රාමදාන් මාසයේදී රටවල් අටකට පහර දෙන්නැයි ඉල්ලයි

ඉස්ලාමීය බැතිමතුන්ගේ ශුද්ධ මාසය වන රාමදාන් මාසයේදී ඇමෙරිකාව, යුරෝපය, රුසියාව, ඕස්ට්‍රේලියාව, ඉරාකය, සිරියාව, ඉරානය සහ පිලිපීනය යන රටවලට ප්‍රහාර එල්ල කරන්නැයි අයි.එස් සංවිධානය ඔවුන්ගේ අනුගාමිකයන්ට පවසා ඇතැයි වාර්තා වේ.

14 June 2017

වන අලි ප්‍රහාරයකින් මවත් දරුවාත් රෝහලේ

හම්බන්තොට කටුවැව අලුත් පාරේ අලුත් රෝහල ආසන්නයේදී වන අලියකු මෝටර් රථයකට අද (14) අ‍ලුයම පහර දී ඇතැයි ද මෝටර් රථයේ ගමන් ගත් මවක හා දරුවකු තුවාල ලබා හම්බන්තොට මහ රෝහලට ඇතුළත් කර ඇතැයි ද හම්බන්තොට පොලිසිය කියයි.

14 June 2017

හබරාදූව ග්‍රාමීය බැංකු ගනුදෙනුකරුවෝ ගාලු - මාතර පාර වහති

හබරාදූව ග්‍රාමීය බැංකු මුදල් තැන්පත්කරුවන් සිය තැන්පත් මුදල් ලබාදෙන ලෙස ඉල්ලා ගාලු - මාතර මහා මාර්ගය මධ්‍යයේ උද්ඝෝෂණයක් අරඹා ඇත.

14 June 2017

උතුරේ ඇමති මාරුවට එකම පක්ෂයේ මත දෙකක්

උතුරු පළාත් සභාවේ දූෂණ සමබන්ධයෙන් චෝදනා එල්ල වී සිටින ඇමතිවරුන් සිව් දෙනාම ඉවත් කරන්නේනම් එයට විරුද්ධ වන බවට දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ සුමන්තිරම් මහතා පවසයි.

14 June 2017

රතුපස්වල බ්‍රිගේඩියර් යළි රිමාන්ඩ්

පිරිසිදු පානීය ජලය ඉල්ලු රතුපස්වල ප්‍රදේශවාසින්ට වෙඩි තබා තිදෙනෙකු මරා දැමීමේ සිද්ධියට සැකපිට රිමාන්ඩ් බාරයේ සිටින බ්‍රිගේඩියර් දේශප්‍රිය ගුණවර්ධන ඇතුළු සිව්දෙනා ලබන 28 වැනි දා දක්වා යළි රිමාන්ඩ් කරන ලෙස ගම්පහ ප්‍රධාන මහේස්ත්‍රාත් ඩී.ඒ.රුවන් පතිරණ මහතා අද (14) නියෝග කළේය.

14 June 2017

තැපැල් වර්ජනය දෙවැනි දිනටත්

තැපැල් වෘත්තීය සමිති ආරම්භ කළ වැඩවර්ජනය අද(14) දෙවැනි දිනටත් ක්‍රියාත්මක කෙරේ.

14 June 2017

ලන්ඩන් නිවාස සංකීර්ණයක ගින්නක්

බටහිර ලන්ඩනයෙන් ලැටිමර් මාර්ගයේ නිවාස සංකීර්ණයක ගින්නක් හටගෙන ඇතැයි ද ඒ තුළ මිනිසුන් සිරවී ඇතැයි ද ඇසින් දුටු පිරිස් පැවසූ බව වාර්තා වේ.

14 June 2017

සෞදි ගිය ගෘහ සේවිකාවට ඉහළම හිඟ වැටුප හිමිවෙයි

ගෘහ සේවිකාවක් වශයෙන් සෞදි අරාබියට ගොස් දැනට සුරක්ෂා නිවාසයේ රැඳී සිටින ඥානප‍්‍රකාශම් නිශාන්තිනීට හිමි හිඟ වැටුප වන සෞදි රියාල් 123400 ක් (රුපියල් 4,936,000) ක් ලබාදීමට එරට කම්කරු අමාත්‍යංශය කටයුතු කොට තිබේ.

14 June 2017

හිටපු බුද්ධි අංශ ලොක්කා හෙට එෆ්සීඅයිඩීයට

මුල්‍ය ගනුදෙනු රැසක් සම්බන්ධයෙන් මුදල් විශුද්ධීකරණ පනත යටතේ කෙරෙන පරීක්ෂණ සදහා ප‍්‍රකාශයක් ලබා ගැනීමට හිටපු ජාතික බුද්ධි අංශ ප‍්‍රධානි මේජර් ජනරාල් (විශ‍්‍රාමික) කපිල හෙන්දාවිතාරණ මහතා හෙට (14) පෙරවරුවේ මුල්‍ය අපරාධ කොට්ඨාසය හමුවට කැඳවා ඇති බව පොලිස් ආරංචි මාර්ග පවසයි.

13 June 2017

මුදල් ඇමතිට පිළිතුරු දෙන්න මා බැඳී නැහැ - විගණකාධිපති

“මෙම සිද්ධියට අදාළව වාර්තාවක් ඉදිරිපත් කරන ලෙස ප‍්‍රශ්න 10ක් ඉදිරිපත් කරමින් මුදල් අමාත්‍ය රවී කරුණානායක මහතා මා වෙත ඉදිරිපත් කළ ලිපියට පිළිතුරු ලබා දීමට ආණ්ඩු ක‍්‍රම ව්‍යවස්ථාව අනුව විගණකාධිපතිවරයා ලෙස මා බැඳී නැතත් ජාතික වැදගත්මක් සහිත ප‍්‍රශ්නයක් ලෙස සළකා මා ඊට පිළිතුරු ලබා දුන්නා. මා එසේ තොරතුරු ලබාදුන්නේ ඒ අවස්ථාව වන විට රටේ විශාල සංවාදයක් ඇති වී තිබු නිසයි. කෝප් කමිටුවටත්, රවී කරුණානායක මහතාටත්, මා මේ පිළිබඳව දැනුම් දුන්නා“ යැයි බැදුම්කර කො

13 June 2017

බැඳුම්කර ගනුදෙනුවේ අලාභය සොයන්නැයි නියෝග

2015 සහ 2016 අතර වසරක කාලයක් තුළ භාණ්ඩාගාර බැඳුම්කර ද්වීතීයක වෙළෙඳ පොළේ සිදු වු ගනුදෙනු සම්බන්ධයෙන් විගණනයක් සිදුකොට ඉන් රජයට හා ව්‍යවස්ථාපිත ආයතනවලට සිදුවු අලාභය ගණනය කොට දැනුම් දෙන ලෙස බැඳුම්කර කොමිසම රජයේ විගණකාධිපතිවරයාට අද (13) නියම කළේය.

13 June 2017

මහින්දගේ රියැදුරු රිමාන්ඩ්

ඉඩම් ප්‍රතිසංස්කරණ කොමිෂන් සභාවට අයත් රජයේ ඉඩමක අනවසරයෙන් ගල් කොරියක් පවත්වාගෙන යාමේ සිද්ධියකට අදාළව මූල්‍ය අපරාධ විමර්ශන කොට්ඨාසය විසින් අත්අඩංගුවට ගනු ලැබූ හිටපු ජනාධිපති මහින්ද රාජපක්ෂ මහතාගේ රියැදුරු ලෙස සේවය කළ යුද හමුදා කපිතාන් තිස්ස විමලසේන ලබන 27 වැනි දා තෙක් රිමාන්ඩ් කරන ලෙස කොළඹ අතිරේක මහේස්ත්‍රාත් චානිමා විජේබණ්ඩාර මහත්මිය අද(13) නියෝග කළාය.

13 June 2017

අත්අඩංගුවට නොගන්නැයි ඥානසාර හිමිගෙන් පෙත්සමක්

සංවිධානාත්මක අපරාධ නිවාරණ කොට්ඨාසය විසින් තමා සම්බන්ධයෙන් පවත්වන විමර්ශනයන් අවසන් වන තෙක් හා ඒ සම්බන්ධයෙන් නීතිපති ගේ උපදෙස් ලැබෙන තෙක් තමන් අත්අඩංගුවට ගැනීම වළක්වාලන අතුරු නියෝගයක් නිකුත් කරන්නැයි ඉල්ලා බොදුබල සේනා සංවිධානයේ මහලේකම් ගලගොඩ අත්තේ ඥානසාර හිමියෝ ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළහ.

13 June 2017

උතුරු කොරියාවට තවත් චෝදනාවක්

උතුරු කොරියාවට අයත් බව සැකකෙරෙන නියමුවන් රහිත යානයක් දකුණු කොරියාවේ ස්ථාපිත කර තිබෙන ඉහළ තාක්ෂණයෙන් යුත් ඇමෙරිකානු මිසයිල නාශක පද්ධතියේ ඡායාරූප ගෙන ඇතැයි දකුණු කොරියානු ආරක්ෂක අංශ පවසයි.

13 June 2017

කෙහෙළිය - ජයම්පති දෙදෙනාටම නඩු

හිටපු ඇමැති කෙහෙළිය රඹුක්වැල්ලට හා රාජ්‍ය මුද්‍රණ සංස්ථාවේ හිටපු සභාපති ජයම්පති බණ්ඩාර හීන්කෙන්දට එරෙහිව අල්ලස් කොමිසම අද(13) කොළඹ ප්‍රධාන මහේස්ත්‍රාත් අධිකරණයේ නඩු පවරනු ලැබීය.

13 June 2017

හමුදාවට බාර වූ පිරිසකට නිදහස දීමට ජනපති පොරොන්දු වෙයි

යුද්ධයේ අවසාන සමයේදී හමුදාවට බාර වූ පිරිසක් නිදහස් කිරීමට ජනාධිපති මෛත්‍රීපාල සිරිසේන මහතා පොරොන්දු වී තිබේ.

13 June 2017

රජයේ වියදම් අඩු කරගත්තානම් මෙහෙම වෙන්නේ නෑ-විගණකාධිපති

අයවැය ඉක්මවා ගිය රාජ්‍ය වියදම් නිසා රජයට මේ ආකාරයට බැඳුම්කර වෙන්දේසි මඟින් මුදල් සොයා ගැනීමට සිදුව ඇතැයිද රජයේ වියදම් අඩුකර ගත්තා නම් මේ තත්ත්වය උද්ගත වීමට ඉඩ නොතිබුණා යැයි රජයේ විගණකාධිපති ගාමිණි විජේසිංහ මහතා අද (13) බැඳුම්කර කොමිසම හමුවේ හෙළි කළේය.

13 June 2017

ශ්‍රී ලංකාව ළමා ශ්‍රමිකයන් තුරන් කිරීමේ සාර්ථක වෑයමක

ශ්‍රී ලංකාව මෑත භාගය තුළ ළමා ශ්‍රමය අවම කිරීම සම්බන්ධයෙන් සැලකිය යුතු වර්ධනයක් අත්පත් කරගෙන ඇත. වයස අවුරුදු 5 -17 අතර ළමයින්ගේ ළමා ශ්‍රමය 2008/09 යේදී වාර්තා වූ සියයට 2.5 සිට 2016 වර්ෂයේ දී සියයට 1.0 දක්වා පහත වැටී ඇත.

13 June 2017

ජාතීන් අසමගි වන පුවත් පළ නොකරන්නැයි ඉල්ලයි

ජාතීන් අතර අසමගිය ඇති වන ආකාරයේ ප‍්‍රවෘත්ති පලකිරීමෙන් වලකින ලෙසට ආරක්ෂක ලේකම් කරුණාසේන හෙට්ටිආරච්චි මහතා අද (13) මාධ්‍යවේදීන්ගෙන් ඉල්ලීමක් කළේය.

13 June 2017

ඛනිජ තෙල් අමාත්‍යාංශයේ නව ලේකම් වැඩ බාරගනී

ඛනිජ තෙල් සම්පත් අමාත්‍යාංශයේ නව ලේකම් ලෙස පත් කරනු ලැබූ උපාලි මාරසිංහ මහතා අද(13) වැඩ බාරගත්තේය.

13 June 2017

අතුරුදන්වූවන් පිළිබඳ කාර්යාලය පිහිටුවීමේ පාර්ලිමේන්තු විවාදය 21 දා

අතුරුදන්වූ තැනැත්තන් පිළිබඳ කාර්යාලය පිහිටුවීමේ සංශෝධන පනත් කෙටුම්පත දෙවැනිවර කියවීමේ පාර්ලිමේන්තු විවාදය මේ මස 21 වැනිදා දවසපුරා පැවැත්වීමට පක්ෂ නායකයන් තීරණය කර තිබේ.

13 June 2017

මුහුණු පොතේ කවි ලිව් ගුරුවරයා මාරු

තම පෞද්ගලික ෆේස්බුක් පිටුවේ කවි ලියා පළ කළැයි චෝදනා එල්ල වි සිටි කුලියාපිටිය මධ්‍ය මහා විද්‍යාලයයේ තරුණ ගුරුවරයා වෙනත් පාසලකට ස්ථාන මාරු කර තිබේ.

13 June 2017

මාධ්‍ය නිදහස කප්පාදු කරලා යයි නාමල් කියයි

වර්තමාන ආණ්ඩුව ජනතාවට ඇත්ත තත්ත්වය එළි කිරීම සඳහා මාධ්‍යයට ඇති අයිතියට ඉඩ දෙන්නේ නැතැයි පාර්ලිමේන්තු මන්ත‍්‍රී නාමල් රාජපක්ෂ මහතා පවසයි.

13 June 2017

අධිකරණයේ ස්වාධීන්තවය ගැන ජගත් මානව හිමිකම් කවුන්සිලයට කරුණු පහදයි

අධිකරණය සහ නීතියේ ස්වාධීනත්වය තහවුරු කිරීම උදෙසා වත්මන් රජය වැදගත් පියවර රැසක් ක්‍රියාත්මක කර ඇති බව ජිනීවාහි එක්සත් ජාතීන්ගේ ශ්‍රී ලංකා නිත්‍ය නියෝජිත රවිනාථ ආර්යසිංහ මහතා එක්සත් ජාතීන්ගේ මානව හිමිකම් කවුන්සිලයට නිල වශයෙන් දැනුම් දී ඇත.

13 June 2017