එසැණ පුවත්

කිරි හරක් ගෙන්වීම ගැන විමර්ශන අරඹයි

ලංකාවට කිරි ගවයන් ආනයනය කිරීමේදී සිදුවී ඇතැයි කියන අක්‍රමිකතා සම්බන්ධයෙන් ජනාධිපති පරීක්ෂණ කොමිෂන් සභාව අද පරීක්ෂණ ආරම්භ කළේය.

25 March 2019

අල්ලස් චෝදනා ලැබූ අමාත්‍යාංශ නිලධාරිනියගේ රාජකාරී අත්හිටුවයි

ගාල්ල ප‍්‍රදේශයේ පාසලකට සිසුවියක ඇතුළත් කිරීම සඳහා අල්ලස් ගත් බවට චෝදනා එල්ල වී සිටින අධ්‍යාපන අමාත්‍යාංශයේ ලේඛන සහකාරවරියගේ රාජකාරී වහාම ක‍්‍රියාත්මක වන පරිදි අත්හිටවූ බව එම අමාත්‍යාංශය පවසයි.

25 March 2019

‘වැඩි මිලට ගත් පිළිකා එන්නත් තොගයක් තහනම් කළා’

බහුජාතික සමාගමකින් වැඩි මුදලකට මිලදී ගත් පිළිකා එන්නත් තොගය තහනම් කිරිමට පියවර ගත් බව සෞඛ්‍ය පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා අද (25) මාතලේ දී පැවසිය.

25 March 2019

බැචලගේ වාර්තාවට ජනපති අනුමැතියෙන් තොරව ප්‍රතිචාර

එක්සත් ජාතීන්ගේ මානව හිමිකම් පිළිබඳ මහ කොමසාරිස් මිෂෙල් බැචලේ මහත්මිය ශ්‍රී ලංකාව සම්බන්ධයෙන් ඉදිරිපත් කරන ලද වාර්ෂිකව වාර්තාව ජනාධිපති මෛත්‍රීපාල සිරිසේන මහතාගේ අනුමැතියකින් තොරව පිළිගෙන ඊට ප්‍රතිචාර දක්වා තිබූ බව උතුරු පළාත් ආණ්ඩුකාර ආචාර්ය සුරේන් රාඝවන් මහතා කොළඹ දී අද (25) පැවැසීය.

25 March 2019

වතු කම්කරු වැටුප් ගැන කතා කරන්න ගිහින් ගැටුමක් - 5 ක් අත්අඩංගුවට

තේවතු කම්කරු වැටුප් සම්බන්ධයෙන් වෘත්තීය සමිති පියවරයන් ගැන වතු කම්කරුවන් දැනුම්වත් කිරීමේ වැඩසටහනක් අතරතුර ඇතිවීයැයි කියන ගැටුමකින් පසු පස් දෙනකු අත්අඩංගුවට ගෙන ඇතැයි පොලිසිය කියයි.

25 March 2019

ඇමැති ධූර දෙන්න ශ්‍රීලනිප මන්ත්‍රීවරු සිව් දෙනෙකුගේ නම් ජනපතිට

අග‍්‍රාමාත්‍ය රනිල් වික‍්‍රමසිංහ මහතාට සහය පළ කළ ශ්‍රී ලංකා නිදහස් පක්ෂයේ මන්ත‍්‍රීවරුන් අතරින් සිව් දෙනෙකුගෙන් යුත් නම් ලැයිස්තුවක් අමාත්‍යධුර ලබාදීම සඳහා ජනාධිපති මෛත‍්‍රිපාල සිරිසේන මහතා වෙත යොමු කර ඇතැයි එක්සත් ජාතික පක්ෂ ආරංචි මාර්ග සදහන් කරයි.

25 March 2019

නඩුව කෙටියෙන් අවසන් කරන ආකාරය නීතිපතිවරයාට දන්වන්න’යි නියෝග

මෛත‍්‍රීපාල සිරිසේන මහතා සහ රනිල් වික‍්‍රමසිංහ මහතා අතර ගිවිසුමක් ඇති බවට කූට ලෙස සකස් කළ ලියවිල්ලක් මාධ්‍ය වෙත ඉදිරිපත් කළ බවට තිස්ස අත්තනායක මහතා චෝදනා ලැබ සිටින එක්සත් ජාතික පක්‍ෂයේ හිටපු මහලේකම් තිස්ස අත්තනායක මහතාට එරෙහි නඩුව කෙටි ක‍්‍රමයකින් අවසන් කර ගන්නා ආකාරය නීතීපතිවරයාට ලිඛිතව දැනුම් දෙන ලෙසත් නීතිපතිවරයා මාර්ගයෙන් එය ජනාධිපතිවරයා හා අගමැතිවරයා වෙනුවෙන් පෙනී සිටින නීතීඥවරුන්ට දැනුම් දෙන ලෙසත් කොළඹ මහාධිකරණ විනිසුරු විකුම් කළුආරච්චි මහත

25 March 2019

නිල නිවාස බාර දී නැති හිටපු ඇමැතිවරු 19 කට නඩු

මෙතෙක් රජයේ නිල නිවාස බාරදී නැති හිටපු අමාත්‍යවරුන් 19 දෙනෙකුට එරෙහිව නඩු පැවරීමට සිදුවන බව රාජ්‍ය පරිපාලන හා ආපදා කළමනාකරණ අමාත්‍යංශය කියයි.

25 March 2019

දෙමටගොඩ චමින්දගේ ගෝලයෝ දෙදෙනක් හෙරොයින් සමඟ අත්අඩංගුවට

දෙමටගොඩ චමින්ද නැමැති පාතාල සාමාජියාගේ ගෝලයන් දෙදෙනකු රුපියල් ලක්ෂ 80 ට ආසන්න හෙරොයින් තොගයක් සමග අද අත්අඩංගුවට ගත් බව පොලිස් විශේෂ කාර්ය බළකාය කියයි.

25 March 2019

සෞදි ගිහින් නොදන්නා ලියැවිලිවලට අත්සන් නොතබන්නැයි ඉල්ලීමක්

සවුදි අරාබියේ දී යම් ලේඛනයකට අස්සන් කිරීමට සිදුවුවහොත් එහි සඳහන්ව ඇත්තේ මොනවාදැයි විමසා බලා තහවුරු කර ගත හැකි නම් පමණක් අත්සන් කරන්නැයි විදේශ රැකියා අමාත්‍යංශයේ අධීක්ෂණ මන්ත්‍රී හෙක්ටර් අප්පුහාමි මහතා එරට සේවය කරන හා එහි වෙසෙන ශ්‍රී ලාංකිකයන්ගෙන් අද (25) ඉල්ලීමක් කළේය.

25 March 2019

එල්ලුම්ගසේ ක්‍රියාකාරීත්වය විමසා බලන්න යයි

වැලිකඩ බන්ධනාගාරයේ පිහිටුවා ඇති එල්ලුම්ගසේ ක්‍රියාකාරීත්වය මැනබැලීම සඳහා බන්ධනාගාර මූලස්ථානය විසින් වැලිකඩ බන්ධනාගාරයෙන් වාර්තාවක් කැඳවා ඇත.

25 March 2019

බැඳුම්කර සිද්ධියට අත්අඩංගුවට ගත් 5 දෙනා රිමාන්ඩ්

මහබැංකු බැඳුම්කර සිද්ධිය සම්බන්ධයෙන් අත්අඩංගුවට ගත් සැකකරුවන් පස් දෙනා ලබන 5 වැනි දා දක්වා රක්ෂිත බන්ධනාගාර ගත කිරිමට කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (25) නියෝග කළාය.

25 March 2019

පූජ්‍ය පක්ෂයට ඖෂධ සඳහා සියයට 5ක වට්ටමක්

රාජ්‍ය ඖෂධ නීතිගත සංස්ථාවේ ඔසුසල් මගින් ඖෂධ මිල දී ගැනීමේ දී පූජ්‍ය පක්ෂය ස`දහා 5% ක වට්ටමක් ලබාදීමට සෞඛ්‍ය, පෝෂණ හා දේශීය වෛද්‍ය අමාත්‍යාංශය පියවර ගෙන තිබේ.

25 March 2019

'මෙවර අයවැය පරාජය කරන්න බෑ'

මෙවර අයවැය පරාජය කිරීමට නොහැකි බව මාතර දිස්ත‍්‍රික් පාර්ලිමේන්තු මන්ත‍්‍රී ඩලස් අලහප්පෙරුම මහතා අද (25) පැවැසීය.

25 March 2019

හෙද හෙදියෝ කළුපටි පැළඳ විරෝධතාවයක

සැමට හෙද උපාධියත් හෙද සේවය දීප ව්‍යාප්ත සේවාවක් කිරීමත් ඇතුළු ඉල්ලීම් රැසක් ලබාදෙන ලෙස රජයට බල කරමින් දිවයින පුරා හෙද හෙදියෝ අද (25) විරෝධතාවයක නිරත වෙති.

25 March 2019

එජාප මැයි රැළිය කොළඹ නගර සභා පිටියේදී

එක්සත් ජාතික පක්ෂ මෙවර මැයි දින රැළිය කොළඹ නගර සභා පිටියේ දී පැවැත්වීමට තීරණය කර ඇති බව එක්සත් ජාතික පක්ෂ මහලේකම්, අධ්‍යාපන අමාත්‍ය අකිල විරාජ් කාරියවසම් මහතා පැවැසීය.

25 March 2019

ලංකාවේ ධාවනය කළ නොහැකි යතුරු පැදියක් රාජසන්තකයි

ශ්‍රී ලංකාවේ පොදු මාර්ගවල ධාවනය කළ නොහැකි එන්ජින් ධාරිතාවයකින් යුත් යතුරු පැදියක ව්‍යාජ අංක තහඩුවක් සවිකර ගෙන ධාවනය කිරීම සම්බන්ධයෙන් වරදකරු වූ පුද්ගලයෙකුට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා රුපියල් 65,000ක දඩයක් නියම කර යතුරු පැදිය රාජසන්තක කිරීමට අද(25) නියෝග කළේය.

25 March 2019

විදේශ රැකියා නියෝජිතවරයෙකු පැහැරගෙන ගිය දෙදෙනෙක් අත්අඩංගුවට

දෙහිවල සුබෝධාරාම මාවතේ විසූ විදේශ රැකියා නියෝජිතවරයෙකු වෑන් රථයකින් පැහැරගෙන ගොස් පහරදී අලුත්ගම ප්‍රදේශයේ දමා ගිය කණ්ඩාමක පුද්ගලයන් දෙදෙනෙකු අත්අඩංගුවට ගත් බව දෙහිවල පොලිසිය කියයි.

25 March 2019

අනාරක්ෂිත විදුලි වැටේ ගැටී පස් දරු මවක් මරුට

නවගත්තේගම මහපිටිය ප්‍රදේශයේ ඉඩමක් වටා ඇද තිබූ අනාරක්ෂිත විදුලි වැටක ගැටී පස් දරු මවක් අද(25) මරණයට පත්ව ඇති බව නවගත්තේගම පොලිසිය පවසයි.

25 March 2019

පර්පෙචුවෙල් සභාපති අත්අඩංගුවට

බැඳුම්කර සිද්ධිය සම්බන්ධයෙන් පර්පෙචුවෙල් ට්‍රෙෂරීස් සමාගම් සමුහයේ සභාපති ජෙෆ්රි ජෝෂප් ඇලෝසියස් මහතා අද (25) අත්අඩංගුවට ගනු ලැබීය.

25 March 2019

ඉරාන ජාතිකයන් 9 දෙනා රඳවා ප්‍රශ්න කරන්න නියෝග

බහුදින ධීවර යාත්‍රාවකින් හෙරොයින් මත්කුඩු ප්‍රවාහනය කරමින් සිටි ඉරාන ජාතිකයන් 9 දෙනා ලබන 29 වැනි දා තෙක් පොලිස් මත්ද්‍රව්‍ය නාශක කාර්යංශය තුළ රඳවා ප්‍රශ්න කිරීමට කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (25) නියෝග කළාය.

25 March 2019

නකල්ස් රක්ෂිතයේ පැළ සිටුවන්න ආරාධනා

දුම්බර වන පෙතේ ශාකගහනය වර්ධනය කිරීමේ අරමුණින් මෙරට අධි සංවේදී පරිසර පද්ධතියක් වන නකල්ස් රක්ෂිතයේ හිස් භූමි ප්‍රදේශවල පැළ සිටුවීමේ ව්‍යාපෘතියක් ‘දුම්බර මිතුරෝ’ පරිසර සංවිධානය විසින් ආරම්භ කර ඇත.

25 March 2019

ජනපති විරෝධය මෙහෙයවූ දේශපාලනඥයන් දෙදෙනෙකු සොයයි

ජනාධිපති මෛත්‍රීපාල සිරිසේන මහතා සහභාගී වූ පුත්තලම පැවති රැස්වීමකට බලහත්කාරයෙන් කඩාවැදීමට සුදානම් වූ විරෝධතාවය මෙහෙයවූ ප්‍රාදේශීය දේශපාලඥයින් දෙදෙනෙකු ඇතුළු සැකකරුවන් 20 කට ආසන්න පිරිසක් අත්අඩංගුවට ගැනීමට පොලිස් කණ්ඩායම් කීපයක් යොදවා ඇති බව පුත්තලම කොඨඨාස බාර පොලිස් අධිකාරි ජේ.ඒ. චන්ද්‍රසේන මහතා පැවසීය.

25 March 2019

බැඳුම්කර සිද්ධියට මහ බැංකුවේ හිටපු නියෝජ්‍ය අධිපති ඇතුළු හතරක් අත්අඩංගුවට

මහබැංකු බැඳුම්කර සිද්ධිය සම්බන්ධයෙන් පරීක්ෂණ පවත්වන රහස් පොලිසිය අද තවත් සැකකරුවෝ හතර දෙනෙක් අත්අඩංගුවට ගනු ලැබූහ.

25 March 2019

ජිහාද් සාමාජිකයෝ හමුදාවට බාරවෙති

ඉස්ලාමික් ස්ටේට් සංවිධානයේ ජිහාද් සාමාජිකයන් උමං හා බිම් ගෙවල්වලින් එළියට පැමිණ හමුදාවට බාර වෙමින් සිටින බව කුර්දි ප්‍රකාශකයෙක් අද (24) පැවැසීය.

24 March 2019

දකුණු අප්‍රිකාවට ලකුණු 45 ක ජයක්

ශ්‍රී ලංකාව සහ දකුණු අප්‍රිකාව අතර ජොහැන්නස්බර්ග් නුවරදී අද (24) පැවැති තුන්වැනි සහ අවසන් විස්සයි-20 තරගයේදීත් දකුණු අප්‍රිකානු කණ්ඩායම ලකුණු 45 ක ජයක් අත්කර ගත්තේය. මෙම ජයත් සමග තරග 3 කින් සමන්විත විස්සයි-20 තරගාවලියේදී 3-0 ක ජයක් දකුණු අප්‍රිකානු පිලට හිමිවිය.

24 March 2019

වලපනේ අනතුරකින් 50කට තුවාල

ලපනේ - රාගල මාර්ගයේ සිදුවූ රිය අනතුරකින් 50කට අධික පිරිසක් තුවාල ලබා රෝහල් ගත කර ඇතැයි පොලිසිය කියයි.

24 March 2019

යුද හමුදාවෙන් පාලනය කළ ඉඩම් අක්කර 71,172ක් යුද්ධයෙන් පසු මුදා හැරලා

ශ්‍රී ලංකාවේ යුද්ධය අවසන් වූ 2009 වසරේ සිට මෙම වසරේ මාර්තු මාසය දක්වා වූ කාලයේ දී යුද හමුදාවෙන් අත්පත් කරගෙන තිබූ උතුරු නැගෙනහිර ඉඩම් අක්කර 71172ක් සාමාන්‍ය ජනයා වෙත මුදා හැර ඇතැයි යුද හමුදාව කියයි.

24 March 2019