එසැණ පුවත්

පළාත් කීපයකට අදත් ටික ටික වැසි

සබරගමුව පළාතේත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (26) විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

26 June 2022

ණය කාඩ්පත් පොලිය වැඩි කරයි

ශ්‍රී ලංකා වාණිජ බැංකු කිහිපයක් ණය කාඩ්පත් සඳහා අයකරනු ලබන පොලී අනුපාතිකය ඉහළ දමා ඇති බව වාර්තා වෙයි.

26 June 2022

එක්සත් ජනපද නියෝජිත පිරිස මෙරටට පැමිණෙති

ශ්‍රී ලංකාවේ දැනට පවතින ආර්ථික, මූල්‍ය සහ සමාජීය අර්බුදකාරී පිළිබඳව සොයා බැලීම සදහා සිව් දෙනෙක්ගෙන් යුතු ඇමෙරිකානු රාජ්‍ය දූත පිරිසක් අද දින අලුයම කටුනායක ගුවන් තොටුපළ වෙත පැමිණහ.

26 June 2022

මස්කෙළියට දින නවයකින් පෙට්‍රල් නෑ

මස්කෙළිය නගරයේ පිහිටි එකම ඉන්ධන පිරවුම් හලට දින 09 කින් පෙට්‍රල් නොලැබුණු බව පවසමින් මස්කෙළිය ප්‍රදේශයේ ත්‍රීවිල් රථ රියදුරෝ මස්කෙළිය ඉන්ධන පිරවුම්හල ඉදිරිපිට ප්‍රධාන මාර්ගය අවහිර කරමින් උද්ඝෝෂණයක නිරත වූහ.

25 June 2022

කතගේ ලැමෙන් කෝටියක රන් මතු වේ

රුපියල් එක් කෝටි දස ලක්ෂයක් පමණ වටිනා ස්වර්ණාභරණ තොගයක් තම ළැම ප්‍රදේශයේ සගවා ගෙන, නීතිවිරෝධී ලෙස ශ්‍රී ලංකාව තුළට රැගෙන ඒමට තැත් කළ කාන්තාවක් කටුනායක ගුවන් තොටුපළ පැමිණීමේ පර්යන්තයේ දී අත්අඩංගුවට ගත් බ රේගු නිලධාරීහු පවසති.

25 June 2022

එකට බීලා මරා වැසිකිළිවළේ දාලා

මහරගම නාවින්න නිවාඩු නිකේතනයක් පිහිටි භූමියකදී ඉස්කැවේටර් රියදුරකුට පහරදී ඝාතනය කර වැසිකිලි වළක සැඟවූ බව කියන මුරකරුවකු අත්අඩංගුවට ගත් බව මහරගම පොලිසිය කියයි

25 June 2022

හිටපු ලොක්කෝ ජනපතිගෙන් තනතුරු ඉල්ලති

ආණ්ඩුවේ හිටපු කැබිනට් සහ රාජ්‍ය අමාත්‍යවරුන් පිරිසක් ජනාධිපති ගෝඨාභය රාජපක්ෂ මහතා ඉකුත්දා මුණගැසී තනතුරු ඉල්ලා ඇතැයි රජයේ ආරංචි මාර්ග සඳහන් කරයි.

25 June 2022

ආහාර වර්ග දහයක් විවෘත ඇණවුම් ක්‍රමය යටතේ ආනයනයට

අත්‍යවශ්‍ය භාණ්ඩ වර්ග දහයක් විවෘත ඇණවුම් ක්‍රමය යටතේ ආනයනය කිරීම සඳහා අවසර ලබා දීමට රජය අවධානය යොමු වී ඇත.

25 June 2022

නව දේශපාලන පක්ෂයක් ළඟදීම කරලියට

දේශපාලන පක්ෂ කිහිපයක් එක්ව පිහිටුවනු ලබන නව දේශපාලන සන්ධානයක් ලබන මාසයේ දී පමණ එළි දැක්වීමට නියමිත බව ආරංචි මාර්ග සඳහන් කරයි

25 June 2022

චීන තානාපති-මහින්ද මහතා අතර හමුවක්

හිටපු අග්‍රාමාත්‍ය මහින්ද රාජපක්ෂ මහතා සහ ශ්‍රී ලංකා වේ චීන තානාපති චි චෙන්හොන්ග් මහතා අතර හමුවක් ඊයේ 24 පැවැත්විණ

25 June 2022

දරුවන්ගේ මන්දපෝෂණය වාර්තාගත ලෙස ඉහළට

ආහාර හිඟය නිසා දරුවන් මන්දපෝෂණයට ගොදුරුවීම සියයට 20 කින් පමණ වැඩිවී ඇතැයි කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා ඉරිදා ලංකාදීපයට පැවැසීය.

25 June 2022

ලබන සතියේ පාසල් පවත්වන්නේ මෙහෙමයි

ලබන සතියේ දී පාසල් පැවැත්විය යුතු ආකාරය සම්බන්ධයෙන් අධ්‍යාපන අමාත්‍යාංශය නිවේදනයක් නිකුත් කර තිබේ.

25 June 2022

ඇමෙරිකානු නියෝජිත පිරිසේ ශ්‍රී ලංකා සංචාරය

එක්සත් ජනපද භාණ්ඩාගාර දෙපාර්තමේන්තුව සහ එක්සත් ජනපද රාජ්‍ය දෙපාර්තමේන්තුව නියෝජනය කරන ඉහළ පෙළේ නියෝජිත පිරිසක් හෙට (26) සිට 29 දක්වා ශ්‍රී ලංකාවේ සංචාරයක නිරත වෙන බව ශ්‍රී ලංකාවේ ඇමෙරිකානු තානාපති කාර්යාලය අද (25) නිවේදනය කළේය.

25 June 2022

ඩොලර්වලට තවත් සීමාවක්

ශ්‍රි ලංකාවේ සිටින හෝ නේවාසික පුද්ගලයකුට ළඟ තබාගත හැකි විදේශ මුදල් ප්‍රමාණය ඇ:ඩො:15,000 සිට 10,000 දක්වා අඩු කිරිමට තීරණය කර ඇතැයි ශ්‍රී ලංකා මහ බැංකුව පවසයි.

25 June 2022

සෞඛ්‍යට තෙල් දෙන්න තවත් ෂෙඩ් දහයක්

සෞඛ්‍ය අංශ සේවකයන්ට ඉන්ධන ලබා ගැනීම සඳහා වෙන්කෙරෙන ඉන්ධන පිරවුම්හල් සංඛ්‍යාව 84 ක් දක්වා ඉහළ දැමීමට රජය තීරණය කර ඇත.

25 June 2022

ශ්‍රී ලංකන් විකුණයිද?

ශ්‍රී ලංකන් ගුවන් සේවය පවත්වාගෙන යෑම සඳහා මැදපෙරදිග රටකට ලබාදීම කෙරෙහි රජයේ ඉහළ අවධානය යොමුවී ඇත.

25 June 2022

හැටන් නගරයෙන් කොළඹ මාර්ගය වසයි

හැටන් නගරයේ සිපෙට්කෝ ඉන්ධන පිරවුම්හලකින් භුමිතෙල් මිල දි ගැනිමේ අපෙක්ෂාවෙන් පොලිම් වල රැදි සිටි දෙදහසක් පමණ පාරිභෝගිකයෝ පිරිසක් ඉන්ධන පිරවුම්හල ඉදිරිපිටින් හැටන් කොළඹ ප්‍රධාන මාර්ගය අවහිර කරමින් උද්ඝෝෂණයක නිරත වූහ

25 June 2022

ඉන්ධන තොග ලග තබාගත් සැකකරුවෙකු දැලේ

බලපත්‍ර නොමැතිව ඉන්ධන ලීටර් 630 ක ප්‍රමාණයක් ගබඩා කරගෙන සිටී සැකකරුවෙකු යාපනය මනිපායි ප්‍රදේශයේ දී විශේෂ කාර්ය බළකාය මඟින් අත්අඩංගුවට මගින් අත්අඩංගුවට ගෙන ඇත .

25 June 2022

ත්‍රිරෝද රියැදුරා මරා කැසට්ටුව සොරාගෙන

ගල්කිස්ස තෙලවල ප්‍රදේශයේ දී ප්‍රදේශයේ දී පුද්ගලයකු පැහැර ගෙන ගොස් ඝාතනයකර , ත්‍රිරෝද රථයේ සවිකර තිබූ කැසට් රෙකෝඩරය සහ, බෆල් දෙක සොරාගත් සැකකරුවෙකු ගල්කිස්ස කොට්ඨාශ අපරාධ විමර්ශන ඒකකය මගින් තෙලවල ප්‍රදේශයේ දී අත්අඩංගුවට ගෙන ඇත.

25 June 2022

වෙල්ගමට පහරදුන්නැයි තවත් අයෙක් අත්අඩංගුවට

පාර්ලිමේන්තු මන්ත්‍රී කුමාර වෙල්ගම මහතාට සහ ඔහුගේ පෞද්ගලික ආරක්ෂක නිලධාරීයාට කොට්ටාව මාකුඹුර අධිවේගී පිවිසුමේදී පහර දී තුවාල සිදු කොට, ඔවුන් ගමන් ගත් මෝටර් රථයට ගිනි තබා විනාශ කිරීමේ සිද්ධියට සම්බන්ධ සැකකරුවෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් බව පොලිසිය පවසයි.

25 June 2022

සහල් සහ වී ගැන පාරිභෝගිකයෙන් ගැසට්ටුවක්

සහල් හෝ වී සත්ව ආහාර නිෂ්පාදනය සඳහා කෙලින්ම හෝ අනියමින්යොදා ගැනීම තහනම් කරමින් පාරිභෝගික කටයුතු පිළිබඳ අධිකාරිය අති විශේෂ ගැසට් නිවේදනයක් නිකුත් කර තිබේ.

25 June 2022

ඇත්දළ සමග අයෙක් සැකපිට

ඇතුන් මරා දළ යුගලයක් සන්තකයේ තබාගෙන සිටි බව කියන 42 හැවිරිදි පුද්ගලයකු මඩකළපුව කල්අඩි, වේලූර්, ප්‍රදේශයේදී අත්අඩංගුවට ගත් බව පොලිස් විශේෂකාර්ය බලකාය පවසයි.

24 June 2022

ලංගමට දහස් ගණනක් හොරපාරෙන් අරන් වැටුප් ගෙවලා

ශ්‍රී ලංකා ගමනාගමන මණ්ඩලයට 2017 වර්ෂයේදී නිසි අනුමැතියකින් තොරව සේවකයන් දහස් ගණනක් බඳවාගෙන වැටුප් ගෙවීම සම්බන්ධයෙන් පොදු ව්‍යාපාර පිළිබඳ පාර්ලිමේන්තු කාරක සභාවේ ( කෝප් කමිටුව) දැඩි අප්‍රසාදය පළවී ඇත.

24 June 2022

අයි.එම්.එෆ් නියෝජිතයෝ ජනපති හමුවෙති

ජාත්‍යන්තර මූල්‍ය අරමුදල මගින් ශ්‍රී ලංකාව සම්බන්ධයෙන් පියවර ගැනීම සඳහා පත් කර සිටින නියෝජිත පිරිස අද (24) පස්වරුවේ කොටුව ජනාධිපති මන්දිරයට පැමිණ ජනාධිපති ගෝඨාභය රාජපක්ෂ මහතා හමුවූහ.

24 June 2022

දස ලක්ෂයකට ඉඩම් ඔප්පු දෙයි

ඉඩම් හා නිවාස අයිතිය සඳහා ඔප්පුවක් නොමැති දස ලක්ෂ ගණනක් වූ ලාංකිකයන්ට එම අයිතිය නීත්‍යානුකූලව ලබා දීමට කටයුතු කරන බව අග්‍රාමාත්‍ය රනිල් වික්‍රමසිංහ මහතා පැවසීය.

24 June 2022

පෙට්‍රල් නැව දින නියමයක් නැතුව ප්‍රමාද වෙයි

ඔක්ටේන් 92 පෙට්‍රල් මෙට්‍රික්ටොන් 40,000 ක රැගත් නෞකාව තව දුරටත් ප්‍රමාද වන බව විදුලිබල හා බලශක්ති අමාත්‍ය කංචන විජේසේකර මහතා අද (24) පස්වරුවේ පැවසීය.

24 June 2022

ධම්මික ආයෝජන ප්‍රවර්ධන අමාත්‍ය ධුරයේ දිවුරුම් දෙයි

පාර්ලිමේන්තු මන්ත්‍රී ධම්මික පෙරේරා මහතා ආයෝජන ප්‍රවර්ධන අමාත්‍වරයා ලෙස ජනාධිපති ගෝඨාභය රාජපක්ෂ මහතා ඉදිරියේ අද පස්වරුවේ දිවුරුම් දුන්නේය.

24 June 2022

කම්කරු පනත් දෙකට කතානායකගේ සහතිකය

පසුගිය 21 වනදා පාර්ලිමේන්තුවේ සම්මත වූ කාර්මික ආරවුල් (විශේෂ විධිවිධාන), අපරාධ නඩු විධාන සංග්‍රහය (සංශෝධන) සහ සිවිල් නඩු විධාන සංග්‍රහය (සංශෝධන) පනත් කෙටුම්පත් සදහා කථානායක මහින්ද යාපා අබේවර්ධන මහතා සිය සහතිකය ඊයේ (23) සටහන් කළේය.

24 June 2022