එසැණ පුවත්

ජපානයේ සහාය ශ්‍රී ලංකාවට

ණය ප්‍රතිව්‍යුහගත කිරීමේ සාකච්ඡාවලදී ජපානය ශ්‍රී ලංකාවට සහාය ලබා දෙන බව ශ්‍රී ලංකාවේ ජපාන තානාපති මිසුකොෂි හිදෙකි මහතා ප්‍රකාශ කළ බව රොයිටර්ස් පුවත් සේවය වාර්තා කළේය.

23 September 2022

නීතිඥ එකමුතුව විරෝධතාවක

යුක්තිය පසදලීමේ ක්‍රියාවලියට විධායකය අත නොතබන ලෙසත් ත්‍රස්තවාදී වැළැක්වීමේ පනත ඇතුළු සියලු මර්දන නීති අහෝසි කරන ලෙසත් රජයට බලකරමින් නීතිඥ එකමුතුව හා අන්තර් විශ්ව විද්‍යාල ශිෂ්‍ය බල මණ්ඩලය එක්ව සංවිධානය කරන ලද විරෝධතාවයක් අලුත් කඩේ උසාවි සංකීර්ණය ඉදිරිපිට අද (23) පැවැත්විය.

23 September 2022

පනත් කෙටුම්පත් එකොළහකට අනුමැතිය

දෙවනවර කියැවීම සදහා පාර්ලිමේන්තුවට ඉදිරිපත් කිරීමට නියමිත පනත් කෙටුම්පත් එකොළහකට අධිකරණ කටයුතු පිළිබඳ අමාත්‍යාංශයීය උපදේශක කාරක සභාවේ අනුමැතිය අද (23) හිමිවිය.

23 September 2022

විජේදාස රාජපක්ෂ ආචාරධර්ම කමිටුවේ සභාපති පුටුවට

අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජේදාස රාජපක්ෂ මහතා පාර්ලිමේන්තුවේ ආචාර ධර්ම සහ වරප්‍රසාද පිළිබද කාරක සභාවේ නව සභාපති වශයෙන් ඒකමතිකව තේරී පත්විය.

23 September 2022

කෝටි 5ක කේරළ ගංජා නොරොච්චෝලෙන් අල්ලයි

රුපියල් කෝටි 5 කට ආසන්න වටිනාකමකින් යුත් කේරල ගංජා කිලෝ 155 කට අධික තොගයක් සහ සැකකරුවන් දෙදෙනකු නොරොච්චෝල ඉලංතඩිය ප්‍රදේශයේ අද (23) අළුයම් අත්අඩංගුවට ගත් බව ශ්‍රී ලංකා නාවික හමුදාව පවසයි.

23 September 2022

ඇමෙරිකාව‍ ලංකාව ගැන සංචාරක උපදේශනය අලුත් කරයි

ශ්‍රී ලංකාවේ සංචාරය කරන විට දැඩි ලෙස අවධානයෙන් පසුවන ලෙස සිය රටවැසියන්ට උපදෙස් දෙමින් ඇමෙරිකා එක්සත් ජනපදය ශ්‍රී ලංකාව පිළිබඳ සංචාරක උපදේශනය ඊයේ (22) යාවත්කාලීන කළේය.

23 September 2022

ආගමික ස්ථානවල විදුලිබිලට සහනයක්

පන්සල්, පල්ලි, කෝවිල් ඇතුළු ආගමික ස්ථානවල විදුලිබිල සම්බන්ධයෙන් ඉදිරියේදී නියත වශයෙන්ම සහනයක් ලබාදෙන බව ප්‍රවාහන, මහාමාර්ග සහ ජනමාධ්‍ය අමාත්‍ය, ආචාර්ය බන්දුල ගුණවර්ධන මහතා පැවසීය.

23 September 2022

රුසියා ගමනට රජයේ මුදල් වියදම් කළේ නැහැ

තමන් නිෂ්පාදනය කළ ‘ද නිවුස් පේපර්’ චිත්‍රපටයට හිමි වූ සම්මානය ලබාගැනීම සඳහා රුසියාවට ගිය ගමන වෙනුවෙන් රජයේ මුදල් සත පහක්වත් වියදම් කළේ නැතැයි ප්‍රවාහන, මහාමාර්ග සහ ජනමාධ්‍ය අමාත්‍ය, ආචාර්ය බන්දුල ගුණවර්ධන මහතා පැවසීය.

23 September 2022

ගල්අඟුරු ගන්න ටෙන්ඩර් කැඳවයි

දිගුකාලීන ණය පදනමට ගල් අඟුරු සැපයීම සඳහා ලංකා ගල්අඟුරු සමාගම නව ජාත්‍යන්තර විවෘත තරගකාරී ටෙන්ඩරයක් ප්‍රකාශයට පත් කළ බව විදුලිබල හා බලශක්ති අමාත්‍ය කංචන විජේසේකර මහතා පැවසීය.

23 September 2022

බොරතෙල් ප්‍රමිතියෙන් තොරයි

බොරතෙල් ප්‍රමිතියෙන් තොර වීම නිසා තෙල් පිරිපහදුවෙන් ලැබෙන දැවිතෙල් විදුලි ජනනයට යොදාගත නොහැකි වී ඇතැයි මහජන උපයෝගිතා කොමිසමේ සභාපති ජනක රත්නායක මහතා පැවසීය.

23 September 2022

බයිස්කෝප් ගොඩ නගන්න පාර්ලිමේන්තු කාරක සභාවක් ඉල්ලයි

දේශීය සිනමා කර්මාන්තය ගොඩනැඟීම සඳහා පාර්ලිමේන්තුවට නිර්දේශ ඉදිරිපත් කළ හැකි විශේෂ කාරක සභාවක් පත් කරන්නැයි මන්ත්‍රීවරුන් 21 දෙනෙකුගේ අත්සනින් යුතු ලිපියක් කතානායක මහින්ද යාපා අබේවර්ධන මහතාට බාරදී තිබේ.

23 September 2022

මැතිසබා මාධ්‍ය බත්පතේ ගෝනි නූල්

පාර්ලිමේන්තුවෙන් මාධ්‍යවේදීන්ට අද (23) දහවල් බත් සමග ලබාදුන් හාල් මැස්සන් බැඳුමේ තිබී අඩියකට ආසන්න දිග ගෝනි නූලක් හමුවිය.

23 September 2022

සිසුන් දෙපිරිසක් ගැටී තුනක් රෝහලට

පයාගල ප්‍රදේශයේ ජාතික පාසලක උසස් පෙල පන්ති දෙකක සිසුන් පිරිසක් අතර අද (23) දහවල් ඇතිවූ ගැටුමකින් තුවාල ලැබූ සිසුන් තිදෙනකු කළුතර ශීක්ෂණ රෝහලට ඇතුලත් කර ඇතැයි රෝහල් ප්‍රකාශයකයෙක් පැවසීය.

23 September 2022

ත්‍රිරෝද, පාසල් හා කාර්යාලයීය ප්‍රවාහන සේවා නියාමනයත් ගමනාගමන කොමිෂන් සභාවට

ත්‍රිරෝද රථ, පාසල් වෑන්/බස් රථ හා කාර්යාලයීය ප්‍රවාහන සේවා නියාමනය කිරීමේ බලතල ද ජාතික ගමනාගමන නියාමන කොමිෂන් සභාවට ලබාදීමට පියවර ගන්නා බව කැබිනට් ප්‍රකාශක, ප්‍රවාහන, මහාමාර්ග හා ජනමාධ්‍ය අමාත්‍ය, ආචාර්ය බන්දුල ගුණවර්ධන මහතා පැවසීය.

23 September 2022

රටබීම හල හොරු කඩද්දි ආරක්ෂකයා සැඟවී බලා ඉඳලා

පිළියන්දල මඩපාත සතොස සුපිරි වෙළඳසලක ඉදිරි වීදුරු දොරවල් කඩා ඇතුළු වූ පුද්ගලයන් පිරිසක් එහි තිබූ මත්පැන් බෝතල් තොගයක් සොරාගෙන ගොස් ඇතැයි පිලියන්දල පොලිසිය කියයි.

23 September 2022

සන්නද්ධ හමුදා රටපුරා කැඳවීමට ජනපති ආඥාවක්

මහජන ආරක්ෂාව සඳහා දිවයින පුරා සන්නද්ධ හමුදා කැඳවීම සඳහා ආඥාවක් ජනාධිපති රනිල් වික්‍රමසිංහ මහතා විසින් නිකුත් කරනු ලැබ ඇත.

23 September 2022

පන්සලේ ලයිටි බිල ලක්ෂ පහහමාරයි

විහාරස්ථානයක් මාසයකදී විදුලි ඒකක 8,500 ක් පාවිච්චි කිරීම නිසා රුපියල් ලක්‍ෂ පහමාරක විදුලි බිලක් ලැබී ඇති බවත් මෙවැනි ආකාරයට දැවැන්ත විදුලි පරිභෝජනයක් කරන ආගමික ස්ථාන පිළිබඳව රජය මැදිහත්විය යුතු බවත් මහජන උපයෝගිතා කොමිසමේ සභාපති ජනක රත්නායක මහතා පැවසීය.

23 September 2022

මහ රැජින වෙනුවෙන් මැති සබෙි සොව පළ වෙයි

එළිසෙබෙත් මහ රැජින ක්‍රිස්තියානි ආගම ඇදහුවද මෙරට බුදුදහම ආරක්ෂා කිරීමට කටයුතු කළ බව ජනාධිපති රනිල් වික්‍රමසිංහ මහතා පැවසීය.

23 September 2022

විද්‍යුත් මාධ්‍යටත් ආචාර් ධර්ම පද්ධතියක්

විද්‍යුත් මාධ්‍ය සඳහා ආචාර් ධර්ම පද්ධතියක් හඳුන්වාදීමට හැකිවන පරිදි විකාශන නීතියක් හඳුන්වාදීම සඳහා යෝග්‍ය නිර්දේශ ඉදිරිපත් කිරීමට අමාත්‍ය මණ්ඩල අනු කමිටුවක් පත්කර ඇත.

23 September 2022

කෘෂි ‍යෙදවුම් ආනයන සීමා සංශෝධනය කෙරේ

කෘෂිකාර් මික යෙදවුම් ආනයනය කිරීම සම්බන්ධයෙන් පවතින සීමා සංශෝධනය කිරීමට අමාත්‍ය මණ්ඩල අනුමැතිය හිමිව ඇත.

23 September 2022

ජාතික සභාවේ නියමුවන් මැති සබයේදී ප්‍රකාශයට

රටේ ප්‍රශ්න විසඳීම සඳහා පිහිටුවනු ලබන ජාතික සභාවට පිළිගත් දේශපාලන පක්ෂ නියෝජනය වන පරිදි මන්ත්‍රීවරුන් 27 දෙනකු පත් කර ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද (23) දැනුම් දුන්නේය.

23 September 2022

දුමින්දගේ නිදහසට එරෙහි පෙත්සම සලකා බැලීම කල් යයි

භාරත ලක්ෂ්මන් ප්‍රේමචන්ද මහතා ඇතුළු සිව් පුද්ගල ඝාතන නඩුවේ 11 වන විත්තිකාර හිටපු පාර්ලිමේන්තු මන්ත්‍රී දුමින්ද සිල්වා මහතාට මරණ දඬුවම නියමකොට තිබියදී ජනාධිපති පොදු සමාවක් යටතේ නිදහස් කිරීමට ජනාධිපතිවරයා නිකුත් කළ නියෝගය බල රහිත කරන ලෙස ඉල්ලා ශ්‍රේෂ්ඨාධිකරණයේ ගොනු කර ඇති මූලික අයිතිවාසිකම් පෙත්සම් පිළිබඳව විභාගය ලබන නොවැම්බර් මස 17 වනදා දක්වා කල් තැබීමට ශ්‍රේෂ්ඨාධිකරණය අද (23) නියම කළේය.

23 September 2022

අන්තරේ මුදලිගේ අයිතිවාසිකම් පෙත්සමට විරෝධතා ඉල්ලයි

නීතියට පටහැනිව රැඳවුම් නියෝග මත රඳවා තබා තබාගෙන තම මූලික අයිතිවාසිකම් කඩවන ලදැයි සඳහන් කරමින් නියෝගයක් නිකුත් කරන්නැයි අන්තර් විශ්ව විද්‍යාල ශිෂ්‍ය බල බලමණ්ඩලයේ කැඳවුම්කරු වසන්ත මුදලිගේ මහතා ඇතුලු තිදෙනකු ශ්‍රේෂ්ඨාධිකරණය හමුවේ ගොනුකර ඇති මූලික අයිතිවාසිකම් පෙත්සම් සම්බන්ධයෙන් විරෝධතා ඉදිරිපත් කිරීමට ශ්‍රේෂ්ඨාධිකරණය නීතිපතිවරයාට අද (23) අවසර ලබා දුන්නේය.

23 September 2022

සත්ව ආහාර සඳහා බඩඉරිඟු ආනයනයට අවසර

සත්ව ආහාර නිෂ්පාදනය සඳහා බඩඉරිඟු හෝ සුදුසු වෙනත් ධාන්‍ය මෙට්‍රික් ටොන් 25,000ක් ආනයනය කිරීමට කැබිනට් මණ්ඩල අනුමැතිය හිමිව ඇත.

23 September 2022

ඇමතිවරුන්ගේ විදෙස්ගමන්වලට සීමා

රාජ්‍ය වියදම් අවම කිරීම සඳහා අමාත්‍යවරුන්ගේ සහ රාජ්‍ය අමාත්‍යවරුන්ගේ විදෙස් සංචාර සීමා කිරීමට කැබිනට් මණ්ඩලය තීරණය කර ඇත.

23 September 2022

බැංකු පොලිය දරාගන්න බෑ සිපෙට්කෝ පිරවුම්හල් හාන්සි

ඛනිජ තෙල් සංස්ථාවෙන් අත්පිට මුදලට ඉන්ධන ලබාගැනීමේදී බැංකුවලින් නිකුත් කරන අයිරා පහසුකම් සහ ණය සඳහා පොලී අනුපාත සීඝ්‍ර ඉහළ දැමීම හේතුවෙන් පිරවුම්හල් පවත්වාගෙන යාමට නොහැකි තත්වයකට පත්ව ඇති බව ඛනිජ තෙල් බෙදුම්කරුවන්ගේ සංගමයේ සම ලේකම් කපිල නාඔටුන්න මහතා අද (23) පෙරවරුවේ පැවසීය.

23 September 2022

රටවල් 23ක තානාපතිවරු ජනපති හමුවෙති

පැරිස් සමාජය (Paris Club) සහ පැරිස් සමාජයට අයත් නොවන රටවල් 23කට අයත් තානාපතිවරුන් සහ ජනාධිපති රනිල් වික්‍රමසිංහ මහතා අතර සාකච්ඡාවක් ජනාධිපති කාර්යාලයේ දී පැවැත්විණි.

23 September 2022

අලුතින් වන රක්ෂිත ප්‍රදේශ තුනක් නම් කරයි

නන්දිකඩාල්, නයාරු සහ සාම්බලතිව් කලපු වන සංරක්ෂිත කලාප බවට පත් කිරීමට තීරණය කර තිබෙි.

23 September 2022