එසැණ පුවත්

ගිනිඅවි-පතුරොම් සමඟ 5ක් අල්ලයි

ටි 56 අවියක් සහ හිස් පතුරොම් ගැබ් 2 ක් හා ගුවන් ගමන් බලපත්‍ර 08 ක් සමඟ පුද්ගලයන් පස් දෙනකු අත්අඩංගුවට ගත් බව කොටුව පොලිසිය කියයි.

24 November 2025

පුරාවිද්‍යා බෝඩ් ගැලවීම ගැන විමර්ශනයක්

මඩකලපුව දිස්ත්‍රික්කයේ යම් සංවිධානගත පිරිසක් පුරාවිද්‍යා නාම පුවරු ගලවා දමා රැගෙන යාම සම්බන්ධව පට්ටිපොළ සහ කොක්කඩිචෝලේ පොලිසිය වෙත පැමිණිලි කර ඇති බව බුද්ධ ශාසන ආගමික හා සංස්කෘතික කටයුතු අමාත්‍ය, ආචාර්‍ය හින්දුම සුනිල් සෙනව් මහතා සඳහන් කළේය.

24 November 2025

කාලගුණය වැස්ස ගැන දුන් අනාවැකිය

දිවයින ආශ්‍රිතව පවතින පහළ වායුගෝලයේ කැළඹිලි තත්වය හෙට දිනයේ අඩු පීඩන කාපයක් දක්වා වර්ධනය වීමේ හැකියාව පවතින බව කාලගුණ විද්‍යා දෙපාර්තමේන්තුව දැනුම් දෙයි.

24 November 2025

මිදිගම සිද්ධියේ තවත් සැකකරුවෙක් මාට්ටු

මිදිගම ප්‍රදේශයේ ව්‍යාපාරිකයකු ඇතුළු හත්දෙනකු ඝාතනය කිරිම සදහා සැලසුම් කරමින් සිටි සිද්ධිය සම්බන්ධ පලාගිය තවත් සැකකරුවකු අත්අඩංගුවට ගත් බව වැලිගම පොලිසිය පවසයි .

24 November 2025

කඩුගන්නාවේ කොන්ක්‍රිට් සුන්බුන් අතර සිරවී දිවි බේරාගත් නිශාන්ති

මම හිර වේලා හිටියේ බිම් දෙකක් අතර මට හුස්ම ගන්න කියන්න පුළුවන් මට්ටමේ තමයි හිටියේ එතන පරතරයක් තිබුණා ඒ නිසා පහසු වුනා. මම ඇතුලේ එහෙට මෙහෙට වෙන්න ගිහින් තමයි අත කැපුණේ ඊට අමතරව බොයිලෙරුවේ වතුර හැලිලා කකුල ටිකක් පිච්චුනා යැයි පහළ කඩුගන්නාවේ නාය ගිය කඩයේ සුන්බුන් අතර සිරව සිට දිවි ගලවා ගත් දන්තුරේ චන්ද්‍රිකා නිශාන්ති මහත්මිය පැවැසුවාය.

23 November 2025

ගාලුමුවදොර ඩ්‍රෝන යැවු තරුණයෙක් මාට්ටු

ගාලුමුවදොර පිටියේ අනවසරයෙන් ඩ්‍රෝන යානාවක් ගුවන් ගත කළ තරුණයකු අත්අඩංගුවට ගත් බව කොටුව පොලිසිය පවසයි.

23 November 2025

මඩකළපුවේ පුරා විද්‍යා බෝඩ් ගලවන් යයි

මඩකලපුව මංමුනේ දකුණ සහ කෝරලේපත්තු වාලච්චේන ප්‍රාදේශීය සභා බල ප්‍රදේශවලට අයත් පුරාවිද්‍යා ස්ථාන පහක සවිකර තිබූ නාම පුවරු පහක් ගලවා ඉවත් කර ඇතැයි කිරන් හා පට්ටිපලෙයි පොලිසි පවසයි.

23 November 2025

කායවර්ධන උපදේශක කුඩු සමග මාට්ටු

පල්ලම නගරයෙ පවත්වාගෙන ගිය කායවර්ධන මධස්ථානයක් පවත්වාගෙන ගිය හිමිකරුවකු අයිස් මත්ද්‍රව්‍ය සමග අත්අඩංගුවට ගත් බව පල්ලම පොලිසිය කියයි.

23 November 2025

වැස්ස නිසා විභාගෙට යන්න බැරි නම් කියන්න තැන් තුනක්

අයහපත් කාලගුණ තත්ත්වය නිසා අ.පො.ස උසස් පෙළ විභාග ශාලා කරා සිසුන් ප්‍රවාහනය කිරීමට යොදා ඇති විකල්ප ප්‍රවාහන සේවා වෙත ළඟාවීමට නොහැකි විභාග අයදුම්කරුවන් ළඟම කලාප අධ්‍යාපන කාර්යාලය අමතන්නැයි විභාග කොමසාරි ජනරාල් ඉන්දිකා කුමාරි ලියනගේ මහත්මිය පවසයි.

23 November 2025

යාපනයට ගෘහස්ථ ක්‍රීඩාංගනයක්

යාපනය දිස්ත්‍රික්කයෙහි පළමු ගෘහස්ථ ක්‍රීඩාංගනයෙහි ඉදි කිරීමට අද(23) මුල් ගල තැබිණි. තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතාගේ ප්‍රධානත්වයෙන් ක්‍රීඩාංගනයේ ඉදිකිරීම් ආරම්භ විය.

23 November 2025

සජිත් එජාප දීගය බාර ගනී

එක්සත් ජාතික පක්ෂය සමඟ එක්ව කටයුතු කිරීමේ වගකීම පක්ෂ නායක සජිත් ප්‍රේමදාස මහතා භාරගත් බව සමගි ජන බලවේගයේ මහලේකම් රංජිත් මද්දුමබණ්ඩාර මහතා පැවසීය.

23 November 2025

හෘද රෝගීන් 9600 සැත්කම්වලට පෝලිමේ

කොළඹ ජාතික රෝහලේ ‘බයිපාස්’ හෘද සැත්කම් සඳහා 9600කගේ දිගු පෝලිමක් පවතින බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පාර්ලිමේන්තුවේදී පැවැසීය.

23 November 2025

හිටපු ජනපති රනිල්ගේ රට සවාරිය ගැන 50කගෙන් ප්‍රකාශ

වොල්වර්හැම්ප්ටන් විශ්වවිද්‍යාලයේ පැවැති තම බිරිඳගේ ගෞරව ආචාර්ය උපාධි ප්‍රධානෝත්සවය සඳහා සහභාගීවීමට එක්සත් රාජධානිය බලා පියාසර කිරීමට හිටපු ජනාධිපති රනිල් වික්‍රමසිංහ මහතා රාජ්‍ය මුදල් රුපියල් ලක්ෂ 166 ක මුදලක් අවභාවිත කළ බවට එල්ල වී ඇති චෝදනාව සම්බන්ධයෙන් සිදු කෙරෙන විමර්ශනයට අදාළව අපරාධ පරීක්ෂණ දෙපාර්තමේන්තුව පුද්ගලයන් 50 කගෙන් පමණ ප්‍රකාශ ලබාගෙන ඇතැයි ආරංචි මාර්ග පසුගියදා ප්‍රකාශ කළේය.

23 November 2025

වියට්නාම් ගංවතුරින් 90ක් මරුට

වියට්නාමයේ දින කිහිපයක් පුරා පැවති අධික වර්ෂාව හේතුවෙන් ඇති වූ ගංවතුර සහ නායයෑම් හේතුවෙන් මිය ගිය පුද්ගලයින් ගණන 90 දක්වා ඉහල ගොස් ඇති බවත් 12 දෙනෙකු පමණ අතුරුදහන් වී ඇති බවත් විදෙස් මාධ්‍ය වාර්තා කරයි.

23 November 2025

දොස්තරලා 6000ක් රට යන සූදානමක

ඒඑම්සී කළ වෛද්‍යවරුන් හය දාහක් රට යෑමට බලාපොරොත්තුවෙන් සිටින බව සමගි ජන බලවේගයේ ගම්පහ දිස්ත්‍රික් මන්ත්‍රී කවින්ද ජයවර්ධන මහතා පාර්ලිමේන්තුවේදී පැවසීය.

23 November 2025

නි,ඇමැති කෙනෙක්- මාධ්‍යවේදනියකට කැත විදියට කතා කරලා

නියෝජ්‍ය අමාත්‍යවරයෙක් ජ්‍යෙෂ්ඨ මාධ්‍යවේදනයකට පාර්ලිමේන්තු සංකීර්ණයේදී අසෝබන අයුරින් කතා කර ඇතැයි සමගි ජන බලවේගයේ කළුතර දිස්ත්‍රික් මන්ත්‍රී අජිත් පී. පෙරේරා මහතා මාධ්‍ය හමුවකදී අද(23) පැවසීය.

23 November 2025

බැංකු නොවන ණය දෙන ආයතන නියාමනයට

බැංකු නොවන ණය දෙන ආයතන නියාමනය කිරීම සඳහා පනත් කෙටුම්පතක් ඉතාමත් ඉක්මණින් පාර්ලිමේන්තුවට ඉදිරිපත් කිරීමට නියමිත අතර එම පනත් කෙටුම්පතට අනුකූල නොවන බැංකු නොවන ණය දෙන ආයතනවලට මහේස්ත්‍රාත් අධිකරණයේදී නඩු පැවරීමෙන් අනතුරුව වරදකරු වුවහොත් රුපියල් ලක්ෂ 50 කට නොවැඩි දඩයකට හෝ වසර පහකට නොවැඩි සිර දඬුවමකට හෝ ඒ දෙකටම යටත් වීමට සිදුවේ.

23 November 2025

තරුණ සේවා සභාව හරි පාරට වැටිලා

ජාතික තරුණ සේවා සභාව නිවැරදි දිශානතියකට ගමන් කරමින් තිබෙන බව තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක මහතා පැවසීය.

23 November 2025

159 ෆේල්- අනුර දැනට පාස්

159 නම් අදාළම නෑ.ඔවුන් ෆේල්.ඒක තමයි අනුර කුමාර මහත්තයත් තනියෙන් එල්ලිලා මේකෙ සටන් කරන්නේ.ඒ එතුමා දැනට මිනිස්සු අතර පාස් නිසා වෙන්න ඕන යැයි එක්සත් ජාතික පක්ෂයේ නියෝජ්‍ය මහ ලේකම් හරින් ප්‍රනාන්දු මහතා පැවසීය.

23 November 2025

මාධ්‍යවේදී ඝාතන ෆයිල් යළි අරිනවා

යට ගැසූ ඝාතන මාධ්‍යවේදී ඝාතන ෆයිල් නැවත විවෘත කර ඒවාට නිසි සාධාරණය කරන බවට ජාතික ජන බලවේගය දුන් පොරොන්දුව අභියෝග මැද ඉටුකරන බව ජනමාධ්‍ය නියෝජ්‍ය ඇමැතිනී ආචාර්ය කෞශල්‍යා ආරියරත්න මෙනවිය පාර්ලිමේන්තුවේ දී කීවාය.

23 November 2025

සෞඛ්‍ය මානව සම්පතේ දීමනා අයවැයෙන් කපලා

සෞඛ්‍ය මානව සම්පතට තිබූ බොහොමයක් දීමනා මෙවර අයවැයෙන් කප්පාදු කර ඇතැයි පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැවසීය.

23 November 2025

වෛද්‍ය ඉල්ලීමක් දෙන දවස කියයි

වෛද්‍යවරුන්ගේ ඉල්ලීමක් වන ’’ශ්‍රී ලංකා වෛද්‍ය සේවය’’ ජනවාරි 31 දා වන විට ඇරැඹීමට කටයුතු කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පාර්ලිමේන්තුවේදී පැවැසීය.

23 November 2025

නුගේගොඩ රැලියට මන්ත්‍රී අජිත්ගෙන් සහතිකයක්

නුගේගොඩ රැලිය සාර්ථක එකක් බව සමගි ජන බලවේගයේ මන්ත්‍රී නීතිඥ අජිත් පී පෙරේරා මහතා පැවසීය.

23 November 2025

76 සාපෙ නම් හොඳම සෞඛ්‍ය සේවයක් හැදුනේ කොහොමද?

ලංකාව ලෝකයේ හොඳම සෞඛ්‍ය සේවයක් ඇති රටක් බවට පත් වූයේ ඉකුත් සැප්තැම්බර් මාසයේ අනුර කුමාර ජනාධිපති වූ පසුවදැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී ප්‍රශ්න කළේය.

23 November 2025

ලංකාවේ තුනෙන් දෙකක් බොරු තොරතුරු වලට රැවටිලා

සිංහල මාධ්‍යයෙන් සමාජ මාධ්‍යයේ තොරතුරු ලබා ගන්නන්ගෙන් තුනෙන් දෙකක්ම ව්‍යාජ තොරතුරු වලට රැවටී සිටින බවට සමීක්ෂණයකින් තහවුරු වී ඇතැයි ගාල්ල දිස්ත්‍රික් මන්ත්‍රී ගයන්ත කරුණාතිලක මහතා:-(ස.ජ.බ) පාර්ලිමේන්තුවේදී පැවසීය.

23 November 2025

ව්‍යාජ ලේඛන හදා වාහනයක් විකුණූ අයෙක් අත් අඩංගුවට

රුපියල් ලක්ෂ හැටකට අසන්න මුදලකට ව්‍යාජ ලේඛන සකසා, කෑලි අමුණන ලද වාහනයක් විකුණන ලද සැකකරුවෙක් හලාවත මාදම්පේ ප්‍රදේශයේ දී රත්නපුර පොලීසියේ විශේෂ අපරාධ විමර්ශන ඒකකයේ නිළධාරීන් කණ්ඩායමක් විසින් අත් අඩංගුවට ගනු ලැබීය.

23 November 2025

මාධ්‍යයට ස්වයං නියාමනයක් ඕනෑ

ජනමාධ්‍ය ස්වයං නියාමනයක් විය යුත්තේ කෙසේද යන්න සම්බන්ධයෙන් රජය නැවත වතාවක් කල්පනා කරන බව කළුතර දිස්ත්‍රික් මන්ත්‍රීනී නිලන්ති කොට්ටහච්චි මහත්මිය:-(ජා.ජ.බ) පාර්ලිමේන්තුවේදී කීවාය.

23 November 2025

අත්‍යවශ්‍ය ඖෂධ තුන්සීයකට වඩා හිඟයි

රටේ අත්‍යවශ්‍ය ඖෂධ තුන්සීයකට වඩා හිඟතාවයක් තිබෙන බව ගම්පහ දිස්ත්‍රික් මන්ත්‍රී වෛද්‍ය කාවින්ද ජයවර්ධන මහතා:-(ස.ජ.බ) පාර්ලිමේන්තුවේ දී පැවසීය.

23 November 2025