IMG-LOGO

2025 ඔක්තෝබර් මස 15 වන බදාදා


විත්තිකරුවකුට අසනීපවී ප්ලාස්ටික් පිස්තෝල නඩුව කල්යයි

දිලීප් ජයසේකර සහ චන්ද්‍රසේන ගමගේ

මත්තල ජාත්‍යන්තර ගුවන්තොටුපොළ හා හම්බන්තොට මාගම්පුර වරායේ නිරික්ෂණ චාරිකාවකට එක් වූ එක්සත් ජාතික පක්ෂයේ පාර්ලිමේතු මංත්‍රිවරුන්   පිරිසට    හම්බන්තොට වරාය පරිශ්‍රයේදී ප්‍රහාරයක් එල්ල කිරීම ගැන නඩු   විත්තිකරුවකු  සිහිසුන්ව  ඇදවැටීම හේතුවෙන් නඩු විභාගය මැයි මස 15 වන දින දක්වා කල් තැබීමට හම්බන්තොට මහාධිකරණ විනිසුරු තාමර තෙන්නකෝන් මහතා අද නියෝග කළේය.

එක්සත් ජාතික පක්ෂයේ පාර්ලිමේන්තු මන්ත්‍රීවරුන් වන අජිත් පී පෙරේරා, අජිත් මාන්නප්පෙරුම, නලින් බණ්ඩාර, ඉරාන් වික්‍රමරත්න හා ආර්.යෝගරාජන් මහත්වරුන්    ඇතුළු කණ්ඩායමක්  2014 අප්‍රේල් 17 වැනි දා  නිරීක්ෂණ චාරිකාවක් සඳහා ගොස්  හම්බන්තොට වරාය පරිශ්‍රයෙන් පිටව යන අවස්ථාවේ බිත්තර හා ගල් මුල් ප්‍රහාරයක් එල්ලවීය.

මෙම සිද්ධියට අදාලව එවකට හම්බන්තොට හිටපු නගරාධිපති එරාජ් රවීන්ද්‍ර මහතාට ද,   පේමසිරි පරණමාන, තුවාන් රම්සාන්, මදුෂ නිලාන් හා බිංදු ශ්‍රි වර්ණසිංහ යන පිරිසටද එරෙහිව  චෝදනා 29ක් යටතේ  නඩු විභාගය පැවැත්වෙයි.

මෙම සිද්ධියට අදාලව පැවැත්වෙන  නඩු විභාගය 26 හා 27 යන දෙදින  එක දිගට පැවැත්විමට මිට පෙර දෙපාර්ශ්වයේම කැමැත්ත අනුව තීරණය වි තිබුණු අතර ඒ අනුව පළමුව 26 වැනි දින පැවති නඩු විභාගයේදි සිද්ධියට අදාලව අජිත් පී පෙරේරා හා ආර්.යෝගරාජන් යන මහත්වරු සාක්කි දුන්හ.  

අද (27) දිනයේද නඩුව විභාගයට ගනිමින් ඉරාන් වික්‍රමරත්න මහතාගෙන් සාක්ෂි ලබා ගැනිම සිදුකෙරුණි.  පෙරවරු  11ට පමණ අදාල නඩු විභාගය ආරම්භ කෙරුණු අතර ඉරාන් වික්‍රමරත්න මහතාගේ සාක්ෂිය ලබා දෙමින් සිටි අතරවාරයේ දහවල් 12.30ට පමණ විත්ති කූඩුවේ සිටි පළමු වැනි විත්ති කරු එකවර විත්තිකූඩුව තුළ ඇදවැටිම හේතුවෙන් නඩු විභාගය මිනිත්තු 30ට කල් තැබීමට මහාධිකරණ විනිසුරුවරයා නියෝග කළේය.

ඒ අනුව පස්වරු 01ට නැවත නඩුව කැඳවු අතර එහිදී විත්තිය වෙනුවෙන් පෙනි සිටි නීතීඥ   තුසිත අලුත්පටබැදිගේ මහතා අධිකරණයට දැනුම් දුන්න්නේ විත්ති කූඩුව තුල අසනිප වී  ඇදවැටුණු පළමු විත්ති කරු වන පේමසිරි පරණමාන යන අය  ප්‍රතිකාර සදහා හම්බන්තොට මහ රෝහලට ඇතුලත් කළ බවයි.   ඒ අනුව මහාධිකරණ විනිසුරු වරයා ඒ බව උසාවි පොලිස් නිළධාරී වරයාගෙන්ද විමසීමක් කළ අතර උසාවි පොලිස් නිළධාරීයා රෝහල් පොලිසිය මගින් ඒ බව තහවුරු කරගෙන තිබුණි.

පැමිණිල්ල වෙනුවෙන් පෙනීසිටි නියෝජ්‍ය සොලිස්ටර් ජනරාල් දිලීප පීරිස් මහතා මෙහිදී අධිකරණයෙන් ඉල්ලා සිටියේ රෝහල් ගත කෙරුණු විත්තිකරු සම්බන්ධයෙන් මීලග නඩු දිනයේදී වෛද්‍ය වාර්තාවක් ඉදිරිපත් කරන ලෙස නියෝගයක් නිකුත් කරන ලෙසයි. ඒ අනුව මහාධිකරණ විනිසුරුවරයා අද දින රෝහල් ගත කෙරුණු පළමු විත්තිකරු සම්බන්ධයෙන් වෛද්‍ය වාර්තාවක් මීළඟ නඩු දිනයේදී මහාධිකරණය වෙත ලබා දෙන ලෙස හම්බන්තොට රෝහලේ අධිකරණ වෛද්‍යවරයාට නියෝග කළේය.

 නඩු විභාගය මැයි මස 15 වැනි දිනට කල් තැබිණි.

ඉරාන් වික්‍රම රත්න, අජිත් මාන්නප්පෙරුම හා නලින් බණ්ඩාර යන මහත්වරුන්ට මීළඟ දිනයේ සාක්කි ලබා දීමට අධිකරණය හමුවේ පෙනී සිටින ලෙස විනිසුරුවරයා නියෝග කළේය.

මෙම සිද්ධිය වූ දිනයේ හිටපු නගරාධිපති එරාජ් මහතා පිස්තෝලයක් අතැතිව සිටි අතර ඔහු පසුව කීවේ එය ප්ලාස්ටික් පිස්තෝලයක් බවයි.   



අදහස් (1)

විත්තිකරුවකුට අසනීපවී ප්ලාස්ටික් පිස්තෝල නඩුව කල්යයි

Ajith Nissanka Tuesday, 27 March 2018 02:12 PM

අධිකරණ ක්‍රියා මාර්ග වලට යනකොට ලෝකේ නැති ලෙඩ මේගොල්ලන්ට හැදෙනවා!

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 687 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 865 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී. 2025 සැප්තැම්බර් මස 23 370 0
ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන

Our Group Site