(නිමල කොඩිතුවක්කු)
විධායක ජනාධිපති ධූරයේ බලතල සීමාකර ප්රජාතන්ත්රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්රජාතන්ත්රවාදයත් දුර්වල කර ඒකාධිපති පාලනයක් කරා රට ගෙන යන 20 වන සංශෝධනයට සහය පළ කරමින් සිටින බව සිවිල් සංවිධාන හා වෘත්තීය සමිති එකමුතුවේ කැඳවුම්කරු හිටපු පාර්ලිමේන්තු මන්ත්රී සමන් රත්නප්රිය මහතා පැවසීය.
ආණ්ඩුවේ මෙම ඒකාධිපති ගමනට එරෙහිව එක වේදිකාවකට ගොඩ වන්නැයි නිදහසට සහ ප්රජාතන්ත්රවාදයට ආදරය කරන සියලු කණ්ඩායම් වලින් ඉල්ලා සිටින බව ද සමන් රත්නප්රිය මහතා සඳහන් කළේය.
සිවිල් සංවිධාන හා වෘත්තීය සමිති එකමුතුව රාජගිරියේදී අද (3) කැඳවූ මාධ්ය හමුවකට එක්වෙමින් ඔහු මේ බව පැවසීය.
එහිදී වැඩිදුරටත් අදහස් දැක්වූ සමන් රත්නප්රිය මහතා මෙසේද කීය.
මේ වනවිට ආණ්ඩුව කඩිමුඩියේ විසිවන සංශෝධනයක් ඉදිරිපත් කර තිබෙනවා. විධායක ජනාධිපතිධුරය රටට අහිතකරයි කියලා රටේ පොදු මතයක් තිබුණ. ඒ නිසා විධායක ජනාධිපති ධුරය අහෝසි කරන බවට මහින්ද රාජපක්ෂ මහතා ඇතුළු බොහෝ දෙනා පොරොන්දු ලබා දුන්නා.
මාදුළුවාවේ සෝභිත හිමියන්ගේ ප්රධානත්වයෙන් විධායක ජනාධිපති ධුරය අහෝසි කිරීම පිළිබඳ අපිත් විශාල හඬක් ගෙන ගියා. මෙහි අදහස තමයි දහනවවන සංශෝධනයෙන් යම් ප්රමාණයකට ක්රියාත්මක කළේ. දහනම වන සංශෝධනයට 225 න් 214 ක් අත ඉස්සුවා. තුනෙන් දෙකකින් නෙමේ හයෙන් පහකටත් වඩා වැඩි බලයකින් තමයි මේ සංශෝධනය සම්මත වුණේ.
විධායකය සීමා කරන්න කියලා එදා අත උස්සපු පිරිස් අද කියනවා මේ බලතල යළි ජනාධිපතිවරයාට දෙන්නලු. 19 න් පාර්ලිමේන්තුවත්, ප්රජාතන්ත්රවාදයත් ශක්තිමත් කළා. පාර්ලිමේන්තුවත් ප්රජාතන්ත්රවාදය දුර්වල කරලා යළිත් විධායකය ශක්තිමත් කිරීමට තමයි මේ උත්සාහ කරන්නේ.
ජාතික ආරක්ෂාව තහවුරු කරන්න රටේ ආර්ථික සංවර්ධන වැඩපිළිවෙළ ක්රියාත්මක කරන්න. ජීවන වියදම අඩුකරන්න ලක්ෂ හැට නවයක් ජනතාව මේ ආණ්ඩුවට ඡන්දය දුන්නා. තුනෙන් දෙකකින් බලයට පත් වූ මේ ආණ්ඩුව ජනතා අවශ්යතා පැත්තකට දාලා තමන්ගේ ඕනෑ එපාකම් වෙනුවෙන් කැපවෙනවා.
රට ආර්ථික වශයෙන් කඩාගෙන වැටී ඇති අවස්ථාවක 20 ගේන්න මේ අයට මොකද්ද තියෙන හදිස්සිය. දැන් මේ විසිවන සංශෝධනය මගින් ව්යවස්ථා සභාව අහෝසි කරන බවත් කියවෙනවා. ඒ අනුව පොලිස්පති, නීතිපති, මැතිවරණ කොමිසම ආදී තනතුරු පත් කිරීමේ බලය යළිත් විධායක ජනාධිපති වරයාට පැවරෙනවා. විගණන කොමිෂන් සභාව අහෝසි කරල තියෙනවා. ස්වාධීන කොමිෂන් සභා වලින් රජයේ සේවකයන්ට කොන්ද කෙලින් තියාගෙන වැඩ කරන්න පුළුවන් වුණා. දැන් මේ 20න් ඒ කොදු කඩල තියෙනවා. ඒ වෙනුවට ඔක්සිජන් කන්නද කියලා අහපු රාජ්ය අමාත්යවරුන් ශක්තිමත් කරලා තියෙනවා.
මේ ආණ්ඩුව පත් වෙච්ච මේ කෙටි කාලය තුළ කුරුණෑගල රාජ සභා මණ්ඩපය කඩලා දැම්මා, සිංහරාජය මැදින් පාරක් කැපුවා, පුත්තලම අභයභූමිය විනාශ කළා. මේ එකකටවත් නීතිය ක්රියාත්මක වුණේ නැහැ. 19 තියෙද්දී මෙහෙම නම් 20 සම්මත වුණොත් මේ අය කොහොම රට පාලනය කරයිද කියලා ජනතාව තේරුම් ගත යුතුයි. මෙහෙම සංශෝධනයක් ජනතාව ඉල්ලුවේ නැහැ.
කෝප්,කෝපා කමිටුවල සභාපති තනතුරු සඳහා ආණ්ඩුවේ මන්ත්රීවරු පත්කිරීමට සූදානමක් තිබෙනවා. මේ දෙකේම මෙයට පෙර හිටියේ විපක්ෂයේ මන්ත්රීවරුන්. ඒ නිසා තමයි මහා පරිමාණ වංචා දූෂණ පිළිබඳ සොයා ගැනීමට හැකියාවක් ලැබුණේ.
තමන්ගේ පැවැත්ම ගැන හිතන්නේ නැතුව රටත් ජනතාවත් ගැන හිතන්න කියලා අපි මේ ආණ්ඩුවෙන් ඉල්ලා සිටිනවා. ඒ වගේම මේ ඒකාධිපති වැඩපිළිවෙළට එරෙහි එකතුවන්න කියලා නිදහසට ප්රජාතන්ත්රවාදයට ආදරය කරන පිරිස්වලින් අපි ඉල්ලා සිටිනවා.
මෙම අවස්ථාව සඳහා සිවිල් සංවිධාන සහ වෘත්තීය සමිති නියෝජිතයන් ඇතුළු පිරිසක් එක්ව සිටියහ.
ඉන්දියාවේදී ලැබන ඔක්තෝබර් මස 5 වැනිදා ආරම්භ වන එක්දින ලෝක කුසලාන ක්රිකට් තරගාවලියට සහභාගි වන ශ්රී ලංක පිල ගුවහාටිහිදී අද (29) සහභාගි වූ පළමු පුහුණු තරග
හිටපු ජනාධිපති මහින්ද රාජපක්ෂ මහතා අද දහවල් කැලණිය රජමහා විහාරයට ගොස් වැඳපුදා ගත්තේය.
විදුලි බල මණ්ඩලය කෑලි 15 කඩා ප්රතිව්යුහගත කර එළඹෙන නොවැම්බර් මාසයේදී සියයට 22 කින් විදුලි බිල නැංවීමට කටයුතු කරමින් සිටින බව, එක්සත් ජනරජ පෙරමුණේ නායක,
මොරටුව එක්සත් ජාතික පක්ෂ හිටපු නාගරික මන්ත්රීවරයකු පැදවූ මෝටර් රථයේ ගැටී පොලිස් කොස්තාපල්වරයෙකු තුවාල ලබා අද (29) රෝහල් ගත කර ඇතැයි ගල්කිස්ස පොලිසිය ප
වරකාපොල සිට විනෝද චාරිකාවක් පැමිණ කොග්ගල මෝය කට අසල මුහුදේ දිය නාමින් සිටි 14 හැවිරිදි පිරිමි ළමයෙකු අද සවස මුහුදේ ගිලි අතුරුදහන්ව ඇතැයි හබරාදුව පොලිස
කලුතර බන්ධනාගාරයේ රඳවා සිටින සැකකරුවන් දෙදෙනෙක් බැලීමට පැමිණි පුද්ගලයෙක් සැකකරුවන්ට දීමට රැගෙනආ කෙසෙල් ඇවරියක කෙසෙල් ගෙඩිවල අඟල් 3 සහ 4 ප්රමාණයේ බී
දැඩි ආශාව හා කැපවීම මුණගැසෙන ක්රිකට් වැනි ක්ෂේත්රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක
නිවසේ දී වැටීම් හා පිළිස්සීම්වලින් දරුවන් ආරක්ෂා කිරීම දෙමව්පියන්ගේ යුතුකමකි. දරුවන් නිවසේ දී ඇද වැටීම්වලට ලක් වීම සාමාන්ය දෙයකි. වගකීම් සහගතව නිවැ
දේශයේ රක්ෂකයා වන ශ්රී ලංකා ඉන්ෂුවරන්ස් :ීඛෂක්* මෙරට විශාලතම රාජ්ය හිමිකාරිත්වය සතු රක්ෂණ ආයතනය වන අතරල හැකියාවෙන් පිරිපුන් දක්ෂ කාර්යමණ්ඩලය ශ්
’විධායකයේ බලතල කප්පාදුවට අත එසවූ පිරිස් 20 ශක්තිමත් කරන්න අත ඔසවනවා’
Bandara Thursday, 03 September 2020 10:40 AM
මූණ දැක්කාම කැඳත් නැහැ දවසටම..
sisira Thursday, 03 September 2020 11:19 AM
ආපහු මේ ළමයා අඬන්න පටන් අරන් වගේ...
Raveendra Thursday, 03 September 2020 11:21 AM
කවුද මේ ගැරඬින්? මොකේ කැඳවුම්කරුද? ගාන කීයද? මොන NGO ටකරන් මඩුව වෙනුවෙන්ද අඬන්නේ.. කියන්න ඇත්ත මල්ලියේ? ස්විස් පැත්තේ අාපහු යන්න වගේ කුරුමානම... හා හා යමු යමු..
Cisco Thursday, 03 September 2020 12:43 PM
මෙයා මෙතරම් රටට ආදරෙයි නම් තීරුබදු සහන වාහනේ වත් නොගෙන ඉන්න තිබුණානේ...
chandana Saturday, 05 September 2020 06:28 PM
නුඹට නොතේරුණාට වැරදි තේරුම් අරගෙන ඒවා නිවැරදි කර ගන්න එක, වැරදි හදාගන්න එක හොඳ පුරුද්දක් ළමයෝ. දැන දැන වැරදි කරකර ඒ වැරදි වලේම වැටිලා ඉන්නේ ඌරන්ම තමයි.
චන්දන Saturday, 05 September 2020 06:34 PM
මෙලෝ රහක් නැතුව, මෙලෝ දැනුමක් නැතිව පාර්ලිමේන්තු ඇවිත් වෙනත් කෑදරකම්වලට ලොල් වෙලා රටට වැඩක් නැති, රටක් කැමති නැති, ජනතාවට වෙට්ටු දාන මිනිහෙක්ට විධායක අගමැතිකම දෙනවට වඩා රටේම බහුතර කැමැත්තකින් පත්වෙන ජනාධිපතිට විධායක බලය දෙන එක මාර නම්බුයි.
Bamunuarachchi Monday, 07 September 2020 03:27 PM
මේ හාදයාගේ මුහුණ දැක්කාම එපා වෙනවා.