(බිමල් ශ්‍යාමන් ජයසිංහ)

මිරිහාන ඇඹුල්දෙණිය සාලාව පාරේ හිටපු රාජ්‍ය අමාතය ලොහාන් රත්වත්තේ මහතාගේ නිවසේ ගරාජයක තිබී රුපියල් කෝටි ගණනාවක් වටිනා අති සුඛෝභෝගී මෝටර් රථයක් පොලිස් භාරයට ගැනීමත් සමගම හිටපු රාජ්‍ය අමාත්‍ය ලොහන් රත්වත්තේ යුවළ සහ පුතු ආගිය අතක් නැතැයි පොලිස් ආරංචි මාර්ග සඳහන් කරයි.

ඔවුන්ගේ ජංගම දුරකතන මේ වන විට විසන්ධි කර ඇතැයි දැනගන්නට ඇතැයි පොලිසිය පවසයි.

පොලිස් බාරයට ගත් මෝටර් රථය තුළ තිබී මීට මාස කීපයකට ඉහතදී මිරිහාන ප්‍රදේශයේ සුපිරි වෙළෙඳ සැලකින් භාණ්ඩ මිලදී ගත් රිසිට් පත් 3 ක් පොලිස් නිලධාරීන් වෙත හමුවී ඇති අතර එම භාණ්ඩ මිලදී ගත් පුද්ගලයන් කවුරුත් දැයි හඳුනා ගැනීම සඳහා එම වෙළඳසලට විශේෂ පොලිස්‌ කණ්ඩායමක් ගියද මාස කීපයකට ඉහතදී එම භාණ්ඩ මිලදී ගෙන තිබූ හෙයින් සීසීටිවි දර්ශනවලින් එය අනාවරණය කර ගැනීමට නොහැකි වී ඇත.

ඊට අමතරව එන්ජින් සහ චැසි අංක ඔස්සේ සිදුකළ විමර්ශනවලදී මෙම සුඛෝභෝගී මෝටර් රථය මෙරට ලියාපදිංචි කළ එකක් නොවන බවට ද මේ වන විට සිදුකළ විමර්ශනවලදී වැඩිදුරටත් අනාවරණය වී ඇතැයි පොලිසිය කියයි.