(බී.ජී චතුරංග)

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල  තුවාල සිදුවූ   පුද්ගලයකු  අනුරාධපුර ශික්‍ෂණ රෝහලට ඇතුලත් කර ඇති බවත්, එම වෙඩි තැබීමට  සම්බන්ධ සැකකරු  ගල් කටස් වර්ගයේ ගිනි අවියක් සමග අත්අඩංගුවට ගත් බව පදවිය පොලිසිය පවසයි. 

මෙලෙස වෙඩි වැදීමෙන් තුවාල ලබා ඇත්තේ  පදවිය, ඕමාරකඩ ප්‍රදේශයේ පදිංචි අවුරුදු  41 ක පුද්ගලයෙකි.

වැඩි වැදීම හේතුවෙන් මෙම පුද්ගලයාගේ වම්  කකුලේ දණ හිස ප්‍රදේශයට බරපතල තුවාල සිදුව ඇති අතර මේ හේතුවෙන් තුවාලකරු ශෛල්‍ය  කර්මයකට භාජනය කිරීමට නියමිත බවද රෝහල්   ප්‍රකාශකයකු පැවසීය. 

තුවාලකරුගේ  නිවස ආසන්නයේදී පදිංචි 19 හැවිරිදි  මාළු ඇල්ලීමේ නිරත  පුද්ගලයෙකු විසින් මෙම වෙඩි තැබීම සිදු කර  ඇති අතර පුද්ගලික ආරවුලක් මත මෙම වෙඩි තැබීම සිදු කර ඇති බව පොලිසිය කියයි.

අත්අඩංගුවට ගත් සැකකරු සන්තකයේ තිබී වෙඩි තැබීමට භාවිතා කල ගල්කටස් වර්ගයේ ගිනි අවියක්ද සොයා ගත් බවද පොලිසිය  සඳහන් කළේය.