(සුජිත් හේවාජුලිගේ )

පාර්ලිමේන්තු භාෂා පරිවර්තන අංශයේ නිලධාරියකුට කොවිඩ් වයිරසය ආසාදනය වී ඇති බවට තහවුරු වී ඇතැයි එහි ආරංචි මාර්ග කියයි .

මේ පිළිබඳ තොරතුරු හෙළිවීමෙන් පසු එම නිලධාරියාගේ සමීපතම ආශ්‍රිතයෝ කිහිප දෙනෙක් නිරෝධායනයට යොමු කරනු ලැබ සිටිති.

පාර්ලිමේන්තු සේවකයන් 28 දෙනකු පි.සි.ආර් පරීක්ෂණවලට ඉකුත්  සිකුරාදා යොමු කෙරුණු අතර මෙම නිලධාරියාට කොවිඩ් ආසාදනය වී ඇතැයි තහවුරු වී ඇත්තේ එම පරීක්ෂණවලදීය.

පාර්ලිමේන්තු සංකීර්ණයේ කතානායක කාර්යාලයෙන් කොවිඩ් ආසාදිතයකු හමුවීම නිසා එම කාර්යාලය පසුගියදා තාවකාලිකව වසා දමා එහි සෙසු සේවකයෝ නිරෝධායනයට යොමු කරනු ලැබූහ.

මේ අතර කොරෝනා පැතිරීම පාලනය කිරීමේ පියවරක් ලෙස පාර්ලිමේන්තු සංකීර්ණයේ සෑම අංශයකටම සේවකයන් කැඳවීමද සීමා කර ඇතැයි පාර්ලිමේන්තු මහලේකම් කාර්යාලය පවසයි.

පාර්ලිමේන්තු සංකීර්ණයට පිටතින් පිරිස් කැඳවීම ද නතර කර ඇත.