එසැණ පුවත්

යතුරු පැදි අනතුරින් තරුණයෙක් මරුට

මිද්දෙණිය, දෙබොක්කාව, කාරියමඩිත්ත ආදාහනාගාරයට හැරෙන හන්දිය අසළ ඊයේ (26) රාත්‍රි 11ට පමණ සිදුවූ රිය අනතුරකින් 31 හැවිරිදි තරුණයෙකු ජීවිතක්ෂයට පත්ව ඇතැයි මිද්දෙණිය පොලිසිය පැවසීය.

වෑන් රියේ ගැටුණු අලියා මරුට

හබරණ ත්‍රිකුණාමල ප්‍රධාන මාර්ගයේ කිලෝමීටර් 124 කනුව ආසන්නයේදී අද අලුයම 5.30ට පමණ වෑන් රථයක , ගැටුණු අලියකු මියගොස් ඇති බව හබරණ පොලිසිය කියයි.

වනඅලි පහරින් කතක් මරුට

බූන්දල වනෝද්‍යානය තුළ පිහිටි වැලිගත්ත කලපුව අසළදී ගවයන් දක්කාගෙන එද්දී වන අලියකු පහරදිම නිසා කාන්තාවක ජීවිතක්ෂයට පත්ව ඇතැයි හම්බන්තොට මූලස්ථාන පොලිසිය පැවසීය.

මත්තල ගුවන්තොට සමාගම් තුනකට

මත්තල ජාත්‍යන්තර ගුවන්තොටුපළ රාජ්‍ය ව්‍යාපාර පෞද්ගලික හවුල්කාරීත්වය වැඩ පිළිවෙල (PPP) යටතේ පෞද්ගලික සමාගම්වලට පැවරීමට යෝජනාවලියක් සකස් කර ඇතැයි වරාය සහ සිවිල් ගුවන් සේවා අමාත්‍ය ආචාර්ය අනුර කරුණාතිලක මහතා ලංකාදීපයට පැවසීය.

සීදූවේ සමාජ ශාලාවකට බෝම්බ ගහන්න ආ හයක් මාට්ටු

සිදුවේ සමාජ ශාලාවකට පෙට්‍රල් බෝම්බ ගසා අපරාධයක් සිදු කිරීමට සූදානමින් සිටි පුද්ගලයන් හය දෙනකු පෙට්‍රල් බෝම්බ හයක් සමඟ අත්අඩංගුවට ගත් බව බස්නාහිර පළාත උතුර අපරාධ කොට්ඨාසය කියයි.

රාගමින් හමුවූ මොටර් රථය සහ ගිනි අවිය ගැන තොරතුරු එළියට

රාගම, කිරිමැටියාන ප්‍රදේශයේ මෝටර් රථයක් තුළ ටී 56 වර්ගයේ ගිනි අවියක් දමා ගොස් ඇත්තේ දැනට විදේශ රටක සැඟව සිටින දික්පිටිගොඩ ලහිරු නැමත්තාගේ උපදෙස් පරිදි මත්ද්‍රව්‍ය ජාවාරම්කරුවකු ඝාතනය කිරීම සඳහා බවට පොලිසිය තොරතුරු අනාවරණය කරගෙන ඇත.

කැලිෆෝනියාවටත් ගංවතුර

කැලිෆෝනියාවට ඇද හැළුණු තද සුළං, වැසි නිසා ලොස් ඇන්ජලීස් අසල හදිසි ගංවතුරක් සහ සියෙරා නෙවාඩා හි හිම කුණාටු ඇතිවීමේ අවදානමක් ඇතැයි විදෙස් මාධ්‍ය වාර්තා කරයි.

ගාල්ල නගර සභා ලේකම්ට එරෙහිව පෙත්සමක්

ගාල්ල මහ නගර සභාවේ 2026 වසර සදහා ඉදිරිපත් කරණ ලද අයවැය ලේඛණය පිළිබඳ දෙවන වර ඡන්ද විමසිමේදි විපක්ෂයි කියු මන්ත්‍රිවරුන් හතර දෙනකු පක්ෂයි යනුවෙන් පැවසු බවට සටහන් කොට අනිතික ලෙස අයවැය සම්මත වු බවට ලේඛණ ගතකිරිම සම්බන්ධයෙන් පරික්ෂණයක් පවත්වන ලෙස ඉල්ලා ඒකාබද්ධ විපක්ෂ කණ්ඩායම අද සවස දකුණු පළාත් පාලන සහකාර කොමසාරිස් මංජුල ප්‍රියන්ත පෙරේරා මහතාට පෙත්සමක් බාර දෙන ලදි.

පුංචි දියණියට විදුලි සැර වැදිලා

වරල්ල ප්‍රදේශයේ පාසල් දැරියක විදුලි සැර වැදීමෙන් අද (26) දින ජීවිතක්ෂයට පත්ව ඇතැයි කොස්මෝදර පොලීසිය කියයි.

ලොව දිගම උමං මාර්ගය විවෘත වෙයි

චීනයේ උරුම්කි - යුලි ලොව දිගම අධිවේගී මාර්ග උමං මාර්ගය වන කිලෝමීටර් 22.13 ක ටියැන්ෂාන් ෂෙන්ග්ලි උමග අද (26) දින නිල වශයෙන් ගමනාගමනය සඳහා විවෘත කළ බව විදෙස් මාධ්‍ය පවසයි.

හිටපු ඇමැති ඩග්ලස් දේවානන්දා අත්අඩංගුවට

හිටපු අමාත්‍ය ඩග්ලස් දේවානන්ද මහතා අද (26) අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසයි.

වැලිගමට සභාපතිවරයකු පත් කිරිම දින නියමයක් නැතිව කල් යයි

වැලිගම ප්‍රා‌දේශීය සභා සභාපතිවරයකු තෝරා ගැනීමේ ජන්ද විමසුම දින නියමයක් නොමැතිව කල් තැබිමට දකුණු පළාත් පාලන කොමසාරිස් එරන්දි උමංගා මෙන්ඩිස් මහත්මිය පියවර ගත්තාය.

කොහුවලදී වෙඩි කෑ තරුණයා දින තුනකට පසු මරුට

කොහුවල එස්.ද.එස් ජයසිංහ මාවතේ පුද්ගලික රෝහලක රථ ගාල ඉදිරිපිටදීට වෙඩි ප්‍රහාරයට ලක්ව බරපතල තුවාල ලද තරුණයා දින තුනකට පසු මියගිය බව කොහුවල පොලිසිය කියයි.

මෙවර නත්තලේදී සිරකරුවන්ට සමාවක් නෑ

ඉතිහාසයේ ප්‍රථම වතාවට මෙවර නත්තලේදී සිරකරුවන්ට පොදු සමාවක් නොලැබීම විශේෂත්වයකි.

දිගටම වැඩ කරගෙන යන්න අයවැය පරාද සභාවලට කියයි

යතුරු පැදියෙන් තරගෙට ගිහින් නොඑනගමන් යයි

නත්තල්දා මාවක්ඔය ප්‍රදේශයේ දියනෑමට යහළුවන් පිරිසක් සමග හොරණ මිවන පලාන ප්‍රදේශයේ යහළු නිවසකට ගිය විසිදෙහැවිරිදි තරුණකු හොරකැටිය මීවනපලාන මාර්ගයේදි යතුරු පැදියේ වේගය පාලනය කර ගැනීමට නොහැකිව මාර්ගයෙන් ඉවතට පැන කාණුවකට ඇද වැටී අසල පිහිටි ගල් කන්ඩියක වැදීමෙන් බරපතල තුවාල ලබා හොරණ දිස්ත්‍රික් රෝහලට ඇතුළත් කිරීමෙන් පසු මිය ගොස් ඇති බව හොරණ පොලිසිය පවසයි.

මහනුවර කච්චේරියට බෝම්බ බියක්

මහනුවර දිස්ත්‍රික් ලේකම් කාර්යාල පරිශ්‍රයේ බෝම්බයක් ඇතැයි කිසියම් අයකු ලබා දුන් තොරතුරක් මත දිස්ත්‍රික් ලේකම් කාර්යාලය සම්පූර්ණ අද විශේෂ සෝදිසියකට ලක් කළේය.

තරුණයෙක් දුම්රියට බිලි

සිදුව , ලියනගේමුල්ල ප්‍රදේශයේ දී දුම්රියේ ගැටුණ ආණමඩුව නවගත්තේගම වෙලේවැව තරුණයකු මරණයට පත්ව ඇති බව පොලීසිය කියයි.

හග්ගල යළි විවෘත කරයි

දිට්වා සුළි කුණාටුවේ බලපෑම් හේතුවෙන් වසා දමා තිබු හග්ගල උද්භිද උද්‍යානය යළි දෙස් විදෙස් සංචාරකයන් සදහා ඊයේ (25) සිට විවෘත කිරිමට පියවර ගෙන ඇති බව පරිසර අමාත්‍යාංශය පවසයි.

තැන තැන සුනාමි සැමරුම්

සුනාමි ව්‍යසනයට වසර විසි එකක් සපිරීම නිමිත්තෙන් සහ ජාතික සුරක්ෂිත දිනය නිමිත්තෙන් සුනාමියෙන් මිය ගිය පිරිස් අනුමරණය කිරීම සඳහා අද (26) දිවයිනේ බොහෝ තැන්හි වැඩසටහන් රැසක් සංවිධානය කර තිබිණි.

රිය අනතුරින් තුන්හැවිරිදි දැරියට දිවි අහිමිවෙයි

වැලිපැන්න අලුත්ගම මතුගම මාර්ගයේ 5 කණුව අසලදී කැබ් රථයක් සහ යතුරුපැදියක් එකිනෙක ගැටීමෙන් තුන් හැවිරිදි දැරියක් මියගිය බව වැලි පැන්න පොලිසිය කියයි .

පා.මන්ත්‍රී අර්චුනාගෙන් පැමිණිල්ලක්

පාර්ලිමේන්තු මන්ත්‍රී වෛද්‍ය අර්චුනා රාමනාදන් මහතාට ජංගම දුරකථන වලින් අමතා වලිකාමම් ප්‍රාදේශීය සභා මන්ත්‍රීවරුන් සිව් දෙනෙකු ඇතුළු කීප දෙනකු මරණීය තර්ජනය කළ බව පවසමින් තෙලිප්පලේ පොලිසියට පැමිණිලි කර ඇතැයි පොලිස් මූලස්ථානය කියයි.

වෛද්‍යවරයෙක් මුහුදට බිලි

මිරිස්ස මුහුදේ තීරයේ දියනාමින් සිටි වෛද්‍යවරයකු දියේ ගිලී ජීවිතක්ෂයට පත්ව ඇතැයි වැලිගම මුලස්ථාන පොලිසිය පවසයි.

මෝටර් රථයක් අධිබලැති විදුලි කණුවක ගැටේ

ගාල්ල මාතර ප්‍රධාන මාර්ගයේ දලවැල්ලේදි අද උදෑසන මෝටර් රථයක් විදුලි කණුවක හැපි සිදුවු අනතුරකින් එහි ගමන්ගත් දෙදෙනකු තුවාල ලබා රෝහල ගත කර ඇත.

අපරාද රැසකට සම්බන්ධ අයෙක් මාට්ටු

කොටිකාවත්ත මුල්ලේරියාව ප්‍රාදේශීයේ සභාවේ හිටපු උපසභාපති වෙඩි තබා ඝාතනය කිරීමට සැකකරුවන් පැමිණි යතුරුපැදියේ පැදීකරු ලෙස කටයුතු කළ සැකකරු අත්අඩංගුවට ගත් බවව බස්නාහිර පළාත දකුණු දිසාව අපරාධ කොට්ඨාසය කියයි.

ඖෂධ ප්‍රමිතිය වැඩි කරන්න වැඩ අරඹයි

ඖෂධ වල තත්ත්ව පරීක්ෂණ කටයුතු නිසි ප්‍රමිතියෙන් පවත්වාගෙන යාමේ ක්‍රියාවලිය පුළුල් කිරීමට සෞඛ්‍ය හා ජනමාධ්‍ය අමාත්‍යංශය තීරණය කර තිබේ.

පළාත් කීපයකට වැසි ස්වල්පයක්

උතුරු නැගෙනහිර සහ ඌව පළාත්වලත් පොලොන්නරුව,මාතලේ සහ නුවරඑළිය දිස්ත්‍රික්කවලත් වැසි ස්වල්පයක් ඇති විය හැකි බව කාලගුණ විද්‍යා දෙපාර්තමේන්තුව දැනුම් දෙයි.

සුනාමියට අදට වසර 21ක් සපිරේ

ජීවිත 35000කට අධික ජිවිත බිලිගත් සුනාමියට අදට ) 21 වසර සපිරේ.