එසැණ පුවත්

‘‘රුසියාව සහ චීනය, ඉරානයට සහාය දෙනවා‘‘

රුසියාව සහ චීනය, ඉරානයට අංශ කීපයක් ඔස්සේ සහාය ලබාදෙන බවත් ’’හමුදා සහයෝගීතාව’’ එලෙස රුසියාව සහ චීනය, ඉරානයට සහාය ලබාදෙන එක් අංශයක් බවත් ඉරාන විදේශ කටයුතු අමාත්‍ය අබ්බාස් අරග්චි පසුගියදා ප්‍රකාශ කළේය.

මත් සැකකරුවෝ 929 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 929 ක් ඊයෙ (15) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

පාසල් උත්සව බර මාපියන්ට දාන්න එපා

පාසල් වල පවත්වන උත්සව මව්පියන්ට බරක් නොවන ලෙස සංවිධානය කර ගන්නා ලෙස අග්‍රාමාත්‍ය ආචාර්ය හරිනි අමරසූරිය පැවසුවාය.

මත්ද්‍රව්‍ය ප්‍රවාහනය කළ බහුදින යාත්‍රාවක් නාවික හමුදා බාරයට

බේරුවල මුහුදු සීමාවේදී මත්ද්‍රව්‍ය ප්‍රවාහනය කළ බවට සැක බහුදින ධිවර යාත්‍රාවක් නාවික හමුදාව අද (16) සිය භාරයට ගෙන ගොඩබිමට ගෙන එමින් තිබෙන බවනාවික හමුදා ආරංචි මාර්ග සඳහන් කරයි.

පතලකට යට වී එක්දරු පියා මරුට

හොරණ වගවත්ත ප්‍රදේශයේදී අනවසර පතලක් හැරීමට ගොස් එක්දරු පියෙකු අද (16) මිය ගොස් ඇති බව හොරණ මූලස්ථාන පොලිසිය කියයි.

පළාත් කීපයකට පස්වරුවේ වැස්ස

මධ්‍යම, සබරගමුව, දකුණ, වයඹ සහ ඌව පළාත්වල පස්වරු 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

ඉරාන නැවියන් 239 ගැන හෙට අනිද්දා තීරණයක් ගන්නවා

අයිරිස් ඩේනා සහ අයිරිස් බුෂර් ඉරාන නෞකාවල සිට බේරා ගනු ලැබූ නාවිකයන් සම්බන්ධයෙන් හෙට අනිද්දා තීරණයක් ගනු ඇතැයි ආරක්ෂක නියෝජ්‍ය අමාත්‍ය විශ්‍රාමික මේජර් ජනරාල් අරුණ ජයසේකර මහතා පැවසීය.

විදුලි සැර වැදි ගොවියා මරුට

හොරණ අමුණුවැල්ලපීල්ල කදන ප්‍රදේශයේ පුද්ගලයෙකු කුඹුරක තිබූ අනවසර විදුලි රැහැනක ගැටී විදුලි සැර වැදී මිය ගොස් ඇති බව හොරණ මූලස්ථාන පොලිසිය කියයි.

ඉන්ධන අර්බුදය විසදන්න දින හතරක වැඩ සතියක් ?

ඉන්ධන අර්බුදයට පිළියමක් වශයෙන් දින හතරක වැඩ සතියක් හඳුන්වාදීමට ඉදිරිපත්ව ඇති යෝජනාවක් කෙරෙහි රජයේ විශේෂ අවධානය යොමුව ඇතැයි වාර්තාවේ.

කිව් ආර් නැතිව තෙල් ගහන පැට්‍රල් ෂෙඩ්වල බලපත්‍ර අවලංගුයි

නිතලව වන රක්ෂිතය වනසයි

ගල්ගමුව නිතලව වන රක්ෂිතයේ අක්කර දහයක පමණ රූස්ස, බුරුත, වීර, පලු, කොහොඹ ඇතුළු වටිනා ගස් බිම හෙළමින් විශාල වන විනාශයක් කර ඇතැයි වාර්තාවේ.

ඉරාන නැව ගිල්වීම සාගර කලාපයේ ආරක්ෂාවට බලපෑමක්

ආරක්ෂිත කලාපයක් ලෙස පැවති ඉන්දියන් සාගර කලාපයේදී ඉරාන නෞකාවකට ප්‍රහාරයක් එල්ල වීම කලාපයට කනස්සල්ලක් නිර්මාණය කර ඇතැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවැසීය.

චීනයෙත් ඉන්ධන පෝලිම්

ඉරානයේ කර්ග් දූපතට ඇමෙරිකාව ප්‍රහාර එල්ල කිරීමත් සමග චීන ඉන්ධන පිරවුම්හල් ඉදිරිපිට දීර්ඝ පෝලිම් නිර්මාණය වී ඇතැයි චීන මාධ්‍ය වාර්තා කළේය.

රනිල් ප්‍රතිකාර වැඩකට සිංගප්පූරුවට

හිටපු ජනාධිපති රනිල් වික්‍රමසිංහ මහතා ප්‍රතිකාර කටයුත්තක් සඳහා අද (15)සිංගප්පූරුව බලා පිටත්ව ගියේය.

ඉරානයෙන් එක්සත් එමීර් රාජ්‍යයට අනතුරු අඟවයි

ඉරානයේ කර්ග් දූපතට ඇමෙරිකාව ප්‍රහාර එල්ල කර ඇත්තේ එක්සත් අරාබි එමීර් රාජ්‍යයේ සිට බවත් එහි ජනතාව වරායන් අසලින් ආරක්‍ෂිත ස්ථාන කරා ඉවත්විය යුතු බවත් ඉරාන හමුදාව අද අනතුරු ඇඟවූවේය.

තරුණියකගේ නිරුවත් ඡායා ළඟ තබාගත් සිසුන් දෙකක් මාට්ටු

තරුණියකගේ නිරුවත් විඩියෝ පටයක් වට්ඇප් මගින් හිතවතුනට බෙදාහැරි හා එම විඩියෝ පටය ලඟ තබා ගත් පෞද්ගලික විශ්ව විද්‍යාලයක මෘදුකාංග ඉංජිනේරු පීඨයක සහ කාර්මික විද්‍යාලයක අධ්‍යාපන හදාරන සිසුන් දෙදෙනකු අද අම්බලන්ගොඩ තිලකපුර ප්‍රදේශයේදී සැකපිට ප්‍රශ්න කිරීම සඳහා අත් අඩංගුවට ගත් බව අපරාද පරීක්ෂණ දෙපාර්තමේන්තුවේ සයිබර් අපරාධ අංශය කියයි.

දෙවියනි ! සාමය කෝ ?

මධ්‍යපෙරදිග පවතින උණුසුම්කාරී තත්ත්වය සමනය කර සාමය ස්ථාපිත වනු තමන්ගේ අපේක්ෂාව යැයි 14 වැනි ලියෝ පාප්තුමන් ඉරිදා දේව මෙහෙය පවත්වමින් පැවැසීය.

ඉන්දියාවේ එක පොදියට මැතිවරණ 5 ක්

ඉන්දියාවේ බටහිර බෙංගාලය, ඇසෑමය, තමිල්නාඩුව, කේරළය සහ පුදුචේරි යන ප්‍රාන්තවල ව්‍යවස්ථාදායක සභා මැතිවරණය පැවැත්වෙන දින වකවානු ඉන්දීය මැතිවරණ කොමිසම විසින් ප්‍රකාශයට පත් කර තිබේ.

මැරිලා නැතිනම් හොයන් ගිහින් මරනවා

ඊශ්‍රායල අගමැති බෙන්ජමින් නෙදන්යාහු මියගොස් ඇතැයි ඉරානය තරයේ කියා සිටී. ඒ, ඔවුන් එල්ල කළ මිසයිල ප්‍රහාරයක් නිවැරදි ඉලක්කයට කරා ළඟා වූ බව ද පවසමිනි‍.

ජාතික ආර්ථික හානි අවම වන සේ වැඩ සැලසුම් කරන්න

ජාතික ආර්ථිකයට වන හානිය අවම කර ගැනීම සඳහා ගත හැකි විකල්පයන් පිළිබඳව නිරන්තර අවධානයෙන් සිටින ලෙස ජනාධිපති අනුර කුමාර දිසානායක මහතා නිලධාරීන්ට උපදෙස් ලබා දුන්නේය.

ධීවරයෝ පහක් සමග සැක උර තොගයක් නාවික හමුදා බාරයට

ශ්‍රී ලංකා නාවික හමුදා දිගුදුර නාවික බලඇණිය ගැඹුරු මුහුදේ සිදු කළ තවත් සාර්ථක මෙහෙයුමකදී මත් ද්‍රව්‍ය බවට සැකකර උර තොගයක් සමග සැකකරුවන් පස් දෙනකු බාරයට ගෙන ඇත.

මැදපෙරදිග යුද්දයෙන් ගුවන් වාර 768ක් අවලංගුයි

මැදපෙරදිග ඇතිව තිබෙන ගැටුම්කාරී තත්ත්වය නිසා ශ්‍රී ලංකාවට ගුවන් වාර 768ක් අවලංගු වී ඇතැයි සංචාරක නියෝජ්‍ය අමාත්‍ය මහාචාර්ය රුවන් රණසිංහ මහතා පවසයි.

අත්‍යවශ්‍ය සේවා ගැන ජනපති හදිසි සාකච්ඡාවක් කැඳවයි

නිවසේ සිට රාජකාරී කිරීමේ හැකියාව පිළිබඳ තවදුරටත් සොයා බලා කරුණු වාර්තා කරන ලෙස ජනාධිපති අනුර කුමාර දිසානායක මහතා අමාත්‍යංශ ලේකම්වරුන්ට අද (15)උපදෙස් ලබා දුන්නේය.

කිව්.ආර් ගැටලු 1919ට කියන්න

අලුත් කිව්.ආර් ගැටලු විසඳයි

‘‘අනවශ්‍ය ගමන් එපා‘‘

රට ගැන සිතා අනවශ්‍ය ලෙස ඉන්ධන පරිභෝජනය කිරීමෙන් වළකින්නැයි ආණ්ඩු පක්ෂයේ ප්‍රධාන සංවිධායක සෞඛ්‍ය අමාත්‍ය වෛද්‍ය නලින්ද ජයතිස්ස මහතා සියලු ජනතාවගෙන් ඉල්ලීමක් කළේය.

ඇමෙරිකා - ඊශ්‍රායල, ඉරාන යුද්ධය ’’දෙවියන්ගේ වැඩක්’’

ඇමෙරිකා - ඊශ්‍රායල, ඉරාන යුද්ධය කිසිවෙකු අනුමාන නොකළ ’’දෙවියන්ගේ වැඩක්’’ බවත් ඒ හේතුවෙන් ගිවිසුම් ප්‍රකාරව ගැනුම්කරුවන්ට නියමිත වේලාව තෙල් සහ ගෑස් ලබාදීමට නොහැකි වනු ඇති බවත් ගල්ෆ් කලාපයේ ඇතැම් බලශක්ති නිෂ්පාදන රටවල් සිය ගැනුම්කරුවන්ට දන්වා ඇත.

පොහොර වලටත් කිව්.ආර්

කිව්.ආර් කේතයට පොහොර නිකුත් කිරීම සඳහා නියමු ව්‍යාපෘතියක් ක්‍රියාත්මක කිරීමට තීරණය කර තිබෙන බව කෘෂිකර්ම පශු සම්පත්,ඉඩම් හා වාරිමාර්ග අමාත්‍ය කේ.ඩී ලාල් කාන්ත මහතා පැවසීය.