එසැණ පුවත්

දියණියට ඇලුම් පෑවට සැරයන් පියායි එස් අයි වලියක

ත්‍රිකුණාමලය කොට්ඨාස ගබඩාවේ සේවය කරන පොලිස් සැරයන්වරයකුගේ දියණියක සමග ත්‍රිකුණාමලය ත්‍රස්ථ විමර්ශන උප ඒකකයේ ස්ථානාපතිවරයා හිතවත්කම් පැවැත්වූ බව කියන සිද්ධියක් සම්බන්ධයෙන් ඇති වූ ගැටුමකින් ත්‍රස්ථ විමර්ශන උප ඒකකයේ ස්ථානාපතිවරයා සහ ත්‍රිකුණාමලය කොට්ඨාස ගබඩාවේ සේවය කරන පොලිස් සැරයන්වරයා කැපුම් තුවාල ලබා ත්‍රිකුණාමලය රෝහලට ඇතුළත් කර ඇති බව වරාය ත්‍රිකුණාමලය පොලිසිය පවසයි.

15 November 2025

ෂෙයික් හසීනාට මරණ දඬුවම ඉල්ලයි

මනුෂ්‍යත්වයට එරෙහි අපරාධ චෝදනා 5ක් යටතේ ජාත්‍යන්තර අපරාධ විනිශ්චය සභාවේ බංග්ලාදේශ හිටපු අග්‍රාමාත්‍ය ෂෙයික් හසීනාට එරෙහිව ගොනුකර තිබෙන නඩුවේ තීන්දුව අනිද්දා (17) ප්‍රකාශයට පත් කිරීමට නියමිත අතර රජයේ නීතිඥවරුන් හසීනාට මරණ දඬුවම නියම කරන ලෙස විනිශ්චය සභාවෙන් ඉල්ලීමක් කර ඇත.

15 November 2025

අලි ප්‍රහාරයන් බිරිය මරුට සැමියා රෝහලට

පොළොන්නරුව අරලගංවිල සිළුමිනසෑය ප්‍රදේශයේදී දියණියගේ නිවසට යතුරුපැදියකින් යමින් සිටි අඹුසැමි යුවළකට එල්ල වූ වන අලි ප්‍රහාරයකින් මව මියගොස් පියා බරපතල තුවාල ලබා පොළොන්නරුව මහ රෝහලට ඇතුළත් කර ඇති බව අරලගංවිල පොලිසිය කියයි.

15 November 2025

ට්‍ර්‍රැක්ටරයක් පෙරළී දරුවෙක්

පොළොන්නරුව මනම්පිටිය මලියදේවපුර ප්‍රදේශයේ ට්‍රැක්ටරයක් පෙරළී ඊට යට වී අවුරුදු 15 පිරිමි දැරුවකු මියගොස්,ඔහුගේ සීයා තුවාල ලබා පොලොන්නරුව මහ රෝහලට ඇතුළත් කර ඇතැයි මනම්පිටිය පොලිසිය කියයි.

15 November 2025

නැගෙනහිර වායුගෝලය කැළඹිලා

දිවයිනට නැගෙනහිර දෙසින් වන පහළ වායුගෝලයේ කැළඹිලි තත්වයක් පවතින බව කාලගුණ විද්‍යා දෙපාර්තමේන්තුව කියයි.

15 November 2025

පාකිස්තානය කඩුලු 8 කින් ජය ලබයි

ශ්‍රී ලංකාව සහ පාකිස්තානය අතර තරග තුනකින් සමන්විත එක්දින ක්‍රිකට් තරගාවලියේ රාවල්පින්ඩිහිදී අද (14) පැවැති දෙවැනි තරගයෙන් පාකිස්තානු ක්‍රීඩකයෝ කඩුලු 8 ක ජයක් ලැබීමට සමත් වූහ.

14 November 2025

අකර්මණ්‍ය වූ ඇමෙරිකානු රජයට නැවත පණ දෙයි

ඇමෙරිකානු සෙනෙට් සභාවේ සිටින ඩිමොක්‍රටික් පාක්ෂිකයන් කීපදෙනකුගේ සහාය ඇතිව අකර්මණ්‍ය වූ ඇමෙරිකානු රජයට නැවත පණ දීම සඳහා වන අයවැය පනත් කෙටුම්පතට එරට ජනාධිපති ඩොනල්ඩ් ට්‍රම්ප් පසුගිය 12 වැනිදා අත්සන් තැබුවේය.

14 November 2025

පාකිස්තානයට ලකුණු 289 ක ඉලක්කයක්

සංචාරක ශ්‍රී ලංකා පිල සහ පාකිස්තානු පිල අතර තරග තුනකින් සමන්විත එක්දින ක්‍රිකට් තරගාවලියේ රාවල්පින්ඩිහිදී දැන් පැවැත්වෙන දෙවැනි තරගයේ පළමුව පන්දුවට පහර දුන් ශ්‍රී ලංකා පිල ඕවර 50 යේදී කඩුලු 8 ක් දැවී ලකුණු 288 ක් රැස්කළේය.

14 November 2025

පලනි ජීවන් මනෝ රාදක්‍රිෂ්ණන් අයවැයට පක්ෂව ඡන්දය දෙති

අයවැය දෙවැනි වර කියවීමේ ඡන්ද විමසීමේදී සමගි ජන බලවේගයේ මනෝ ගනේෂන් පලනි දිගම්බරම් සහ වී .රාදක්‍රිෂ්ණන් යන මහත්වරුන්ද ජාතික වතු කම්කරු කොංග්‍රසයේ ජීවන් තොණ්ඩමන් මහතාද ඊට පක්ෂව ඡන්දය ලබාදීම විශේෂ සිද්ධියක් විය.

14 November 2025

අයවැය දෙවැනි වර කියවීම වැඩි ඡන්දයෙන් සම්මතයි

අයවැය විසර්ජන පනත් කෙටුම්පත (2026) දෙවැනි වර කියවීම පාර්ලිමේන්තුවේදී අද (14) වැඩි ඡන්ද118කින් සම්මත විය.

14 November 2025

පාකිස්තානය පන්දු යැවීම තෝරාගනී

සංචාරක ශ්‍රී ලංකා පිල සහ පාකිස්තානු පිල අතර තරග තුනකින් සමන්විත එක්දින ක්‍රිකට් තරගාවලියේ රාවල්පින්ඩිහිදී දැන් පැවැත්වෙන දෙවැනි තරගයේ කාසියේ වාසිය ලැබූ පාකිස්තානු පිලේ නායක සල්මන් අගා පළමුව පන්දු යැවීම තෝරාගත්තේය.

14 November 2025

ටිල්වින්- බ්‍රිතාන්‍ය මහ කොමසාරිස් හමුවක්

ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා සහ ශ්‍රී ලංකාවේ බ්‍රිතාන්‍ය මහ කොමසාරිස් ඇන්ඩෲ පැට්‍රික් (Andrew Patrick) මහතා අතර හමුවක් ජනතා විමුක්ති පෙරමුණේ බත්තරමුල්ල පැලවත්ත ප්‍රධාන කාර්යාලයේදී අද(14)පැවැත්විණි.

14 November 2025

හඳුන්නෙත්තිට දුඹුරු සීනි පියා නාමය

දුඹුරු සීනි සහ උක් සීනි ආශ්‍රිත නිෂ්පාදන රටේ ප්‍රචලිත කිරීමට තම අමාත්‍යාංශය කටයුතු කරමින් සිටින බවත් මේ හේතුවෙන් අද ඇතැම් මාධ්‍ය තමා දුඹුරු සීනි පියා ලෙස හඳුන්වා ඇති බවත් කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පාර්ලිමේන්තුවේදී පැවසීය.

14 November 2025

ජනපති -දෙමළ මන්ත්‍රී හමුවක්

ජනපති සහ ඉලංකෙයි තමිල් අරසු කච්චි මන්ත්‍රීවරුන් අතර හමුවක් ලබන සතියේදී පැවැත්වීමට නියමිත බව මඩකලපුව දිස්ත්‍රික් මන්ත්‍රී ෂානක්කියන් රාසමානිකම් මහතා (ඉ.ත.අ.ක) පාර්ලිමේන්තුවේදී පැවසීය.

14 November 2025

බීමත්ව රාජකාරි කළ දුම්රිය වෘත්තීය සමිති නායකයා මාට්ටු

කොල්ලුපිටිය උත්තරානන්ද දුම්රිය හරස් මාර්ග දුම්රිය ගේට්ටූවේ ක්‍රියාකරු ලෙස කටයුතු කරමින් සිටි වෘත්තීය සමිති නායකයෙක් මත්පැන් පානය කර රාජකාරි කරමින් සිටියදී ඊයේ (13) රාත්‍රියේ බාරයට ගත් බවත් ඔහු මත්පැන් පානය කර සිටි බවට තහවුරු වී ඇති බවත් දුම්රිය දෙපාර්තමේන්තුවේ මාධ්‍ය ප්‍රකාශක අසංක සමරසිංහ මහතා පැවසීය.

14 November 2025

වරායෙන් පිට කරපු කන්ටේනර්වල තිබ්බේ ආයුධ: අර්චුනා නැවත කියයි

වරායෙන් පිට කරපු කන්ටේනර්වල තිබුණේ අවි ආයුධ බව තමා වගකීමෙන් ප්‍රකාශ කරන්නේ යැයි මන්ත්‍රී අර්චුනා රාමනාදන් මහතා පාර්ලිමේන්තුවේදී අද (14) නැවතත් පැවසීය.

14 November 2025

උඩුදුම්බර පිහි ඇනුමකින් 7 ක් තුවාල

උඩදුම්බර පොලිස් වසමේ මැදමහනුවර ගලේකැලේ ප්‍රදේශයේදී රොටී කඩේකදී ඇතිවූ බහින් බස් වීමකින් පසුව , පුද්ගලයෙකු විසින් එහි සිටි කාන්තාවන් සිවු දෙනෙකුට සහ පිරිමි තිදෙනෙකුට පිහි ප්‍රහාර එල්ල කිරීම නිසා බරපතළ තුවාළ ලද එම තුවාළකරුවන් මහනුවර ජාතික රෝහලට ඇතුළත් කර ඇති බව උඩදුම්බර පොලීසියේ නිලධාරියෙක් කීය.

14 November 2025

හල්ඔළුවට එරෙහි වරෙන්තුව ආපසු කැඳවයි

අධිකරණයේ පෙනී නොසිටීම හේතුවෙන් අත්අඩංගුවට ගෙන අධිකරණයට ඉදිරිපත් කරන්නැයි දන්වා ජාතික ලොතරැයි මණ්ඩලයේ හිටපු අධ්‍යක්ෂ තුසිත හල්ලොලුවට නිකුත් කළ වරෙන්තුව ආපසු කැඳවීමට කොළඹ අතිරේක මහේස්ත්‍රාත් ලහිරු සිල්වා මහතා (14) නියෝග කළේය .

14 November 2025

පොලිස් චක්‍රලේඛය ගැන ඇමති කතා කරයි

කිසිදු අයුරකින් මාධ්‍යයට තොරතුරු වසන් කරන්නේ නැතැයි මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේදී පැවසීය.

14 November 2025

සංවර්ධනයේ ප්‍රගතිය සියයට 58යි

ආණ්ඩුවේ සංවර්ධනයේ ප්‍රගතිය සියයට 58ක් බව කොළඹ දිස්ත්‍රික් මන්ත්‍රී අසිත නිරෝෂණ එගොඩ විතාන මහතා:-(ජා.ජ.බ) පාර්ලිමේන්තුවේදී පැවසීය.

14 November 2025

ගෝනවල පාළු ගේකින් ගිනි අවියක් උණ්ඩ මතුවෙයි

අයිස් මත්ද්‍රව්‍ය සම්බන්ධයෙන් අත්අඩංගුවට ගත් සැකකරුවකු සම්බන්ධයෙන් කළ විමර්ශනවලදී විදේශ රටක නිෂ්පාදිත රිවෝල්වරයක්, උණ්ඩ 3 ක් ගෝනවල පාළු ගොඩනැගිල්ලක සගවා තිබියදී සොයාගත් බව පෑලියගොඩ මූලස්ථාන පොලිසිය පවසයි.

14 November 2025

ඉන්දියාව එක්ක අත්සන් තැබූ ගිවිසුමේ පිටපතක් දෙන්න

ඉන්දියාව සමඟ ආණ්ඩුව අත්සන් කරන ලද ගිවිසුමේ පිටපතක් හැකි නම් පාර්ලිමේන්තුවට ඉදිරිපත් කරන්නැයි බදුල්ල දිස්ත්‍රික් මන්ත්‍රී චමින්ද විජේසිරි මහතා:-(ස.ජ.බ) මාර්ලිමේන්තුවේදී පැවසීය.

14 November 2025

අවුරුදු විසි හයට වැඩි දරුවන්ටත් අනත් දරු විශ්‍රාම වැටුප

වයස අවුරුදු විසි හයට වැඩි අවිවාහක මවුපියන් මියගිය දරුවන් වෙනුවෙන්ද අනත් දරු විශ්‍රාම වැටුප් ක්‍රමයක් හඳුන්වාදීම කෙරෙහි අවධානය යොමුව ඇති බව රාජ්‍ය පරිපාලන පළාත් සභා හා පළාත් පාලන අමාත්‍ය ආචාර්ය චන්දන අබයරත්න මහතා පාර්ලිමේන්තුවේදී අද පැවසීය.

14 November 2025

මැතිවරණ කොමසාරිස් ජනරාල් සමන් ශ්‍රී විශ්‍රාම යයි

මැතිවරණ කොමිෂන් සභාවේ අධ්‍යක්ෂ ජනරාල් සමන් ශ්‍රී රත්නායක මහතා ඊයේ විශ්‍රාම ලැබුවේය.

14 November 2025

කතානායකගෙන් මන්ත්‍රීලාට අවවාදයක්

ඇතැම් මන්ත්‍රීවරුන් උත්තරීතර සභාවේ ගෞරවයට හානි වන ආකාරයේ අශෝභන වචන නිතර පාවිච්චි කරන බව නිරීක්ෂණයවී ඇති හෙයින් එවැනි වචන භාවිතයෙන් වළකින ලෙස කතානායක වෛද්‍ය ජගත් වික්‍රමරත්න මහතා සියලුම මන්ත්‍රීවරුන්ගෙන් පාර්ලිමේන්තුවේදී අද (14) ඉල්ලීමක් කළේය.

14 November 2025

සුවසැරිය ගිලන් රථ බල ඇණිය 500ට නංවයි

සුවසැරිය පදනමේ හදිසි වෛද්‍ය තාක්ෂණික ශිල්පීන්ගේ කුසලතා වර්ධනය කිරීම සදහා ක්‍රියාත්මක කෙරෙන පුහුණු වැඩසටහන සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා නිරීක්ෂණට ලක් කළේය.

14 November 2025

හෙළයේ භූමි පුත්‍රයා දැයෙන් සමු ගනියි

සිංහලයේ මහා සම්මත භූමි පුත්‍ර පක්ෂයේ නිර්මාතෘ ආචාර්ය හරිශ්චන්ද්‍ර විජයතුංග මහතා අභාවප්‍රාප්ත විය.

14 November 2025

පදියතලාව අයවැය පරාදයි

අම්පාර පදියතලාව ප්‍රාදේශීය සභාවේ, ජාතික ජන බලවේගයේ මංගල අයවැය අද දින පරාජයට පත්විය.

14 November 2025