ආරියරත්න රණබාහු 

පාර්ලිමේන්තුවේ ආංශික අධික්ෂණ කාරක සභා පැවැත්වීම සඳහා ලක්ෂ ගණනාවක කුලි මුදලක් ගෙවීමෙන් ලබා ගත් කෘෂිකර්ම අමාත්‍යාංශයේ ගොඩනැගිල්ල තවමත් ඒ සඳහා යොදා නොගත්තේ මන්දැයි කලුතර දිස්ත්‍රීක් ජවිපෙ මන්ත්‍රී වෛද්‍ය නලින්ද ජයතිස්ස මහතා පාර්ලිමේන්තුවේදී අද (09) ප්‍රකාශ කර සිටියේය.

නලින්ද ජයතිස්ස මහතා

මේ පාර්ලිමේන්තු සැසිය ආරම්භ කළ පසු ආංශික අධික්ෂණ කාරක සභා හදුන්වා දුන්නා . ඒ සඳහා වූ රැස්වීම් පැවැත්වීමට පාර්ලිමේන්තු පරිශ්‍රයේ ඉඩකඩ මදි කියලා කෘෂිකර්ම අමාත්‍යාංශයේ ගොඩනැගිල්ල ගත්තා ඒ සඳහා ලක්ෂ 247 ක් කුලිය ගෙව්වා.ඒ ගොඩනැගිල්ල දැන් මාස 16ක් තිස්සේ වහලා ආංශික අධික්ෂණ කාරක සභා තවමත් පැවැත්වෙන්නේ පාර්ලිමේන්තුව තුළමයි.

කතානායක කරු ජයසූරිය 

ඒක අපි ඉල්ලලා ගත්ත දෙයක් නෙවෙයි . පාර්ලිමේන්තුව කිසිම අවස්ථාවක ඒක ඉල්ලුවේ නැහැ . අපට ඒක භාර දුන්නේ ගිය මාසේ . දැන් එහි පදිංචිය සඳහා සුදානම් කිරීමේ කටයුතු නාවික හමුදාව කරනවා.
මට තියෙන ලොකුම ප්‍රශ්නය ඒක නෙවෙයි මේ අධිකරණ කටයුතුවල සාමාජිකත්වයන්ගෙන් සියයට 40ක් වත් ඒ රැස්වීම් වලට සහභාගි වෙන්නේ නැහැ.
මේ ප්‍රශ්නය ඇසීම ගැන ඔබතුමාට ස්තූති කරනවා

නලින්ද ජයතිස්ස මහතා

මේක වරද ඔබතුමාගේ නොවෙයි අගමැතිතුමායි කැබිනට් එකට ඉදිරිපත් කළේ , ඉතාම හදිසි කාරණයක් ලෙස ඒ ගොඩනැගිල්ල අත්පත් කරගන්න ඕන කියලා.

කතානායක

නැහැ එතුමටත් ඕනෑ වුණේ මේ ආංශික කාරක සභා ඉක්මනින් ක්‍රීයාත්මක කිරීමටයි නමුත් ඒ ගොඩනැගිල්ල බාරදීමට අවුරුදු එකහමාරකට වැඩිය ගියා.

නිහාල් ගලප්පත්ති මහතා (ජවිපෙ)

මේ කාරක සභා රැස්විම් වලට අපි විතරයි එන්නේ 

කතානායක

මේ ගොඩනැගිල්ලට අවශ්‍ය ගෘහභාණ්ඩ කිහිපයක් අපි අලුතෙන් ගත්තේ නැහැ මහජන මුදල් ඉතිරි කර ගැනීම සඳහා එහි තිබෙන පරණ ඒවා පාවිච්චි කිරීමට බලාපොරොත්තු වෙනවා.