(සිරාජ් හසීම්)

ආණ්ඩුක්‍රම ව්‍යවස්ථා මගපෙන්වීමේ කමිටුව විසින් සකස් කළ වාර්තා අප්‍රේල් මාසයේදී පාර්ලිමේන්තුව වෙත ඉදිරිපත් කිරීමට පක්ෂ නායකයින්ගේ එකඟතාවය මත තීරණය කළ බව දෙමළ ජාතික සන්ධානයේ මාධ්‍ය ප්‍රකාශක පාර්ලිමේන්තු මන්ත්‍රී එම්.ඒ.සුමන්තිරන් මහතා පවසයි.

පසුගියදා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවති යෝජිත ව්‍යවස්ථා සංශෝධනය පිළිබද පක්ෂ නායක සාකච්ඡාවේදී මෙම තීරණය ගත් බව ඒ මහතා කියයි.

ජනතා විමුක්ති පෙරමුණ හා ඒකාබද්ධ විපක්ෂයේ නියෝජිතයින් හැර අනෙක් සියළු පක්ෂවල ප්‍රධානීන් මේ සදහා සහභාගී වූ බවත් සුමන්තිරන් මහතා ප්‍රකාශ කරයි.

දේශපාලන විසඳුම් ගෙන ඒම හා බලතල බෙදීම, විධායක ජනාධිපති ක්‍රමය අහෝසි කිරීම, නව මැතිවරණ ක්‍රමයක් ගෙන ඒම, රටේ පැවැත්ම ආදි පැතිකඩ සම්බන්ධයෙන් මෙහිදී සාකච්ඡා වූ බව ද ඒ මහතා කියයි.
එම කමිටුව ලබන 04 සහ 05 දිනවලදී රැස්වීමට තීරණය කළ බවත්  ඒ මහතා පවසයි.