පකිස්ථානයේ ශ්රී ලංකා මහ කොමසාරිස්වරයාගේ නිල නිවසින් පකිස්ථාන් රුපියල් 70,000ක් වටිනා දේපළ සොරකම් කරන ලදැයි කියන සිද්ධියක් සම්බන්ධයෙන් සැකපිට තිදෙනෙකු පකිස්ථාන පොලීසිය විසින් අත්අඩංගුවට ගනු ලැබ ඇතැයි පකිස්ථාන එක්ස්ප්රස් ටි්රබියුන් පුවත් වෙබ් අඩවිය සහ ටයිම්ස් ඔෆ් ඉන්දියා පුවත්සේවය අද (07) වාර්තා කළේය
ඉස්ලාමාබාද් නුවර පිහිටි ශ්රී ලංකා මහකොමසාරිස්වරයාගේ නිල නිවසට ඉකුත්දා කඩා වැදුණු සොරුන් කණ්ඩායමක් විසින් මහ කොමසාරිස්වරයාගේ නිවසේ තිබූ පිත්තල පහන් සහ නාන කාමර උපාංග කිහිපයක් සොරකම් කරනු ලැබ ඇත.
මෙලෙස සැකපිට අත්අඩංගුවට ගෙන ඇත්තේ ඉස්ලාමාබාද් හී සොරුන් කණ්ඩායමක සාමාජිකයින් වූ පිරිසක්ද වන බව එම වාර්තා වල වැඩිදුරටත් සඳහන් වේ.
දැඩි ආරක්ෂක රැකවල් මත පිහිටා තිබෙන මෙම තානාපති නිවසේ සිදුවූ සොරකම සම්බන්ධයෙන් ශ්රී ලංකා මහාකොමසාරිස් කාර්යාල නිලධාරියෙකු විසින් පකිස්ථාන පොලීසියට පැමිණිලි කිරීමේ පසුව පැවත්වූ විශේෂ සෝදිසි මෙහෙයුමකින් අනතුරුව මෙම සැකකරුවන් තිදෙනා අත්අඩංගුවට ගැනීමට ඉස්ලාමාබාද් පොලීසියට හැකි වී ඇතැයි එම මාධ්ය වාර්තා සඳහන් කර සිටී.
එම සොරුන් කඩා වැදී භාණ්ඩ සොරකම සිදු කරන දින හතරකට පසුව සැකකාර සොරුන් අල්ලා ගෙන ඇත.
කෙසේ වුවද සොරකම් කළ භාණ්ඩ වල වටිනාකම් ඉහළ මට්ටමක නොපැවතියද ,ශ්රී ලංකා මහකොමසාරිස්වරයාගේ නිල නිවසට සොරු ඇතුළු වීමේ ආරක්ෂක හිඩැස සම්බන්ධයෙන් පකිස්ථාන බලධාරීන් විමර්ශන පවත්වන බවද එම පුවත්පත් වාර්තා වල වැඩිදුරටත් සඳහන් වේ.
(125)
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පකිස්තානු ශ්රී ලංකා මහ කොමසාරිස්වරයාගේ නිවසින් දේපළ සොරාගත් තිදෙනෙක් අත්අඩංගුවට