(කනංකේ එන්.කේ.ඉන්ද්‍රවංශ)
අකුරැස්ස විල්පිට නිල්වලා විද්‍යා පීඨයේ ඉගෙනුම ලබන සිසුන් පිරිසකට අතින් පයින් පහර දී ත්‍රී රෝද රථයකින් පලා යමින් සිටි බව කියන තරුණයින් පස් දෙනකු උල් පිහියක් ද සමග සැකපිට ප්‍රශ්න කිරීම සදහා අත් අඩංගුවට ගත් බව කඹුරුපිටිය පොලීසිය පවසයි.
ඔවුන් සන්තකයේ තිබී ගංජා පැකට් කිහිපයක් ද පොලීසිය සොයා ගෙන ඇත.
නිල්වලා විද්‍යා පීඨයේ සිසුන්ට වර්ෂ අවසාන නිවාඩුව ලබා දී තිබෙන අතර ඔවුන් නිවෙස් වෙත යාම සදහා එම පීඨය ඉදිරිපිට බස් නැවතුම් පොලේ රැදී සිටියදී මෙම ප්‍රහාරයට ලක්ව තිබේ.
සිසුන් පස් දෙනෙකු පමණ එහිදී පහරකෑමට ලක්ව තිබෙන බවත් ඔවුන් කිසිවකුත් රෝහල් ගත වී නොමැති බවත් පොලීසිය සදහන් කරයි.
පැරණි අමනාපයක් ඊට හේතු වන්නට ඇති බවට පොලීසිය සැක කරයි.
සැක පිට අත් අඩංගුවට ගෙන සිටින මාතර දැල්කඩ,වැලිවේරිය හා දෙවිනුවර යන ප්‍රදේශ වල පදිංචි සැකකරුවන් පස් දෙනා වැඩි දුර පරීක්ෂණ සදහා සදහා අකුරැස්ස පොලීසිය වෙත බර දෙනු ලැබීය.