(ඩබ්ලිව් ඒ. අසේල )

දරුවකු මිය යාමේ සිද්ධියත් සමඟ  දින නියමයක් නොමැතිව වසා දැමුණු ගලහ රෝහල යළි විවෘත කරන්නැයි කියමින් ගැමියෝ ගලහ  නගරයේ අද (02)  උද්ඝෝෂණයක් ඇරැඹුහ.

පසුගිය 28 වැනිදා සිට මේ වන තුරු රෝහල වසා  දැමීම හේතුවෙන් තමන් මහත් අසීරුතාවට පත් ඇතැයිද ගැමියෝ පවසති.

වෛද්‍යවරුන්ද වෙනත් ස්ථානවලට මාරු කර යවා ඇති අතර මේ වනතුරු නව වෛද්‍යවරයකු රෝහලට ලබා දී නොමැති වීමෙන් රෝහල වසා දමා ඇතැයිද උද්ඝෝෂකයෝ සඳහන් කරති.

මෙම  රෝහල වසා දැමීමහේතුවෙන්  හදිසියකදී අසනීපයකට බොහතක් ගැනීම සඳහා කිලෝමිටර් 10 ක් පමණ දුරින් පිහිටි  දෙල්තොට ප්‍රාදේශිය රෝහලට යා යුතුව ඇති බවත් එය ඉතාමත් අපහසු කාර්යක් බවත් ඔවුහු සඳහන් කරති.