වොෂින්ටන්හිදීය (ඒ.එෆ්.පී)

‘ඉරාන න්‍යෂ්ටික ගිවිසුම’ හේතුවෙන් ඉවත් කරන ලද සම්බාධක ඇතුළුව ඉරානයට නව සම්බාධක පැනවීමට ඇමෙරිකා එක්සත් ජනපදය තීරණය කර ඇත.

ඇමෙරිකා එක්සත් ජනපදයේ හිටපු ජනාධිපති බැරැක් ඔබාමාගේ සමයේදී ඇමෙරිකා එක්සත් ජනපදය ප්‍රමුඛ ලෝක බලවතුන් ඉරානය සමඟ න්‍යෂ්ටික ගිවිසුමක් අත්සන් කළ අතර ඉරානයේ න්‍යෂ්ටික ක්‍රියාකාරකම් බලශක්ති උත්පාදනයට පමණක් සීමා කිරීම එහි අරමුණ විය.

ගිවිසුම අත්සන් කිරීමෙන් පසු පනවා තිබූ ඇතැම් සම්බාධක ඉවත් කිරීමට ඇමෙරිකා එක්සත් ජනපදය පියවර ගත්තේය.

එහෙත් ඉරානය  ගිවිසුම උල්ලංඝනය කරන බව චෝදනා කරමින් වත්මන් ඇමෙරිකා එක්සත් ජනපද ජනාධිපති ඩොනල්ඞ් ට්‍රම්ප් මේ වසරේ මැයි මාසයේදී ඇමෙරිකාව ‘ඉරාන න්‍යෂ්ටික ගිවිසුමෙන්’ ඉවත් කරගත්තේය.

ඉන් මාස තුනකට පසු අද (7) ඉරානයට ඉවත් කර තිබූ සම්බාධක සහ නව සම්බාධක පනවන ඇමෙරිකා ජනාධිපතිවරයා ප්‍රකාශ කර ඇත. ඉරානයේ තෙල් කර්මාන්තය ඉලක්ක කරගනිමින් සම්බාධක පැනවීමට නියමිතය.

ඊට අමතරව ඉරානයට ඇමෙරිකා එක්සත් මුදල් ඒකකවලට ප්‍රවේශවීමද තහනම් කෙරෙන අතර මෝටර් රථ ඇතුළු තවත් ක්ෂේත්‍ර කිහිපයකට ද සම්බාධක පැනවීමට නියමිතය. 

055